1 Samuel 26:6 - Dios Iwene

⁶ Edajo̧, Davidma ömöayo̧ heteo jojo Ahimelecnöbi, Sarvia jitji̧ Joab öjawo̧ Abisai mikwo̧nöbi yöa̧linobe, —Ökwödötjö diteda ötjökwö Saul abobe yutubajö i̧'yakwo̧ma? —jö̧ba̧lö. Aebökwe, Abisaima atadinobe, —Ötjöma ökwökwö yutubajö chi̧'yocha, —jö̧ba̧lö.

1 Samuel 26:6 Iomraidhean Croise

Génesis 10:15

Ja̧danö, Cam itji̧ Canaán i̧tji̧mu ömadöma bidö: Abönö pöe Sidón mikwijetö. Ikena itji̧ Het mikwijetö.

Génesis 15:20

Ja̧danö hititas jojodöbi, ferezeos jojodöbi, refaítas jojodöbi tjitebokwena bemi nijima.

Génesis 23:3

Ikenama ilekwonö budekwabinö ba̧jo̧ma a̧laibö ö'wö babibajajunö tjödajejutjö labebijetö. Labebö yemida jojodö, Hettjö tupadanö jojodö tjö̧jobekwö yöalakwawobö 'yi̧jetö. Ichibö jö̧ba̧lijetö jobadönöma:

Génesis 26:34

Ja̧da̧nö Esaúma cuarenta a̧yo bo̧ma ilekwonö emijetö, Judit mikwujunö, heteo jojo Beeri mikwo̧ itjijunö. Ja̧danö jelujunöbi emijetö ilekwonö baibanö, Basemat mikwujunö, heteo jojo Elón mikwo̧ itjijunö.

2 Samuel 11:21

Tebes comunidadtjö baledina wene kwomukwatibaduwo jö̧ka̧linaduwobe, Gedeon itji̧ Abimelec ö'wö baibina wenema. Jau, tjöekwemi ö'öbö ichibioko, jemi jojosujuda tjöekwemi wa̧pekwobetjö harinaso̧pja̧ otikwawa inawa ikwö jo̧banö kwabö lojinobe, ja̧ wene omukwatö yö̧ne kwichibaduwoko jö̧ka̧laduwajabe, –jö̧ba̧lö dameakwö yöa̧lena la'aka duluwo̧ Davidma. Ja̧danö, jejenö yöa̧litjö̧ma, baikwö yökawo, –Kwömöayo̧ hitita jojo Urias mikwo̧bi debö i̧'yajabe, —jö̧ba̧lö weinobe Joabma, baledaja̧ wene yöawakwo̧nö.

2 Samuel 11:24

Jo̧kwaijayonö yöne dichibiawö̧, tjöekwemi wa̧pekwobetjö nayunubiya 'bötjinobe 'böbadöma. Jo̧kwajabetjö̧ la'aka duluwo̧, kwömöayedötjö ju'wedö debö tji̧'yinobe, ja̧danö kwömöayo̧ hitita jojo Uriasbi ö'wö baibinobe, —jö̧ba̧lö yöawinobe yöbawo̧ma, Davidnö.

2 Samuel 11:6

Jejenö yöjawiökwe, Davidma wei̧ Joab ö̧jobekwö weawa weinobe, —Hitita jojo Urias mikwo̧nö webi, chö̧jobekwö ichobö, —jö̧ba̧lö. Weökwe, Joabma Uriasnö weinobe,

2 Samuel 12:9

Jo̧kwajabetjö̧, tajawedö ötjö Isabenö Jo̧ weti̧ kwöpöjödinada? Tajawedö sulabenö chöpöjödi̧ jawa ja̧köbinada? Isabenö chöpöjödinö ja̧köböbajabetija David, ilekwonö kwemotö jö̧ba̧lö, hitita jojo Uriasnö kwabö loköbijatö. Jau David, amonitas ölakwabikwawa jojodönötjö̧, ökwöda Uriasnö kwabö loköbijatö, ja̧danö kwabö lobajo̧, jo̧ba ilekwonö kwemijatö, kwilekwo bajibanö.

2 Samuel 18:5

Ja̧danö latjebonö, la'aka luwo̧ Davidma ölakwawabikwawadö tjuluwedönö weinobe, Joabnöbi, Abisainöbi, Itaynöbi, —Ötjönö omukwatö, chitji̧ Absalonnö lȩlöinö edö, kwabö lobökönaduwinö, —jö̧ba̧lö. Ja̧danö okobe deinö jojodöma ja̧ weawa tja̧ja̧kwinobe.

2 Samuel 2:13

Ja̧danö, jejenö i̧'yiökwe, Sarvia jitji̧ Joab mikwo̧ma, David ömöayedö ölakwabikwawa jojodönö öbibö i̧'yinobe, Abnernö tjöbadekwachobö. Ja̧danö, 'ya̧jadö, o̧pesobu Gabaon comunidad o̧pesobu ö'öbötjö tjöbadekwachinobe, ja̧danö bakwachobu Abnerma ömöayedökwö niji̧nö tjö̧bamatinobe, ja̧danö bakwachobu Joabma ömöayedökwö nijinö tjöbamatinobe.

2 Samuel 2:18

Ja̧ möle Sarvia ji̧tji̧mu wamedukwa jobe David ömöayedö tjö̧jinobe, Joab mikwo̧bi, Abisai mikwo̧bi, Asael mikwo̧bi. Ja̧danö, Asaelma, jwiinö juluwanö ö'öbakwawo̧ ö̧jinobe, yama juluwanö ö'öakwawi̧danö.

2 Samuel 23:18

Ja̧danö David ömöayedö inesö juluwadötjö jelo̧ma, Sarvia jitji̧, Joab öjawo̧ Abisai mikwo̧. Jo̧ba Abisaima, inesö treintabedö ötjabawö̧ tjuluwo̧ ö̧jinobe. Jo̧bama bakwöta möle öpöjojodönö ölakwabikwawö, otokwötenö trescientosbedönö kwabawö loinobe. Jo̧kwajabetjö̧, ajayinö tjimi labebajadönö tja̧ja̧kwi̧danö Abisainöbi tja̧ja̧kwinobe.

2 Samuel 23:34

Macateo jojo Ajasbay itji̧ Elifelet mikwo̧bi, Guilonita jojo Ajitofel mikwo̧ itji̧ Elian mikwo̧bi,

2 Samuel 23:39

Hitita jojo Urias mikwo̧bi. Jobadö okobe deinö David ömöayedö inesö juluwadö ötjabawö̧ma, treinta y sietebedö.

2 Reyes 7:6

Ja̧ jojodö deobe labebö loawama baikwö laebobe: Isabenö Jo̧ma weinobe, Siria ölakwabikwawa jojodö ju'wedö ölakwabikwawa jojodö tjichobe tja̧ja̧kwobö, kolukiyakwöbi, kabayudökwöbi, inesö ba̧jȩkwaso ölakwabikwawa jojodö tjichobema. Jobekwö a̧ja̧kwö, yötja̧lakwawinobe idödada: —Ayö, Israel la'aka luwo̧ma imidajabe, hitita jojodötjö la'aka luwedönöbi, Egipto la'aka luwo̧nöbi, ökwödönö metjibakobetjö̧, —jö̧ba̧lö.

Josué 3:10

Ja̧danö, ichajadönö yöawinobe Josuema: —Chömöledö, babe baledakwa̧ edö kwöwaisaduwakwedöja, 'yaba̧lo̧ Diosma isabenö ökwödökwö jo̧, ja̧danö isabenö cananeo jojodönö köba a'oduwitjö a'dewö loakwo̧, jö̧ba̧lö. Jau chömöledö, baledakwa̧ edö, öwaetjöda öwawakobe, isabenö babe nijinö ju̧kwadönö, cananeo jojodönöbi, hitita jojodönöbi, heveo jojodönöbi, ferezeo jojodönöbi, gergeseo jojodönöbi, amorreo jojodönöbi, jebuseo jojodönöbi kwöba a'oduwitjö a'dewö loakobe jö̧ba̧lö.

1 Samuel 26:7

Ikenama, jejenö yutubajö, Davidbi Abisaibi yö̧te ja'ö tjichibinobe Saul ömöaeyedökwö abobe. Ja̧danö ichibö tjedinobe, Saul ömöayedö tjösawibö tjabonö, Saulma tjö̧'da̧denö abo̧nö tjedinobe. Ja̧danö uu ö'öbönö, Saul itea tokwöte nijinö tibatö junawöte tjedinobe. Ja̧danö, Abnerbi, ju'wedö Saul ömöayedöbi tjösawibö tjabobe tjedinobe.