1 Samuel 24:8 - Dios Iwene

⁸ Ikenama Davidbi a̧la̧ibö, Saul ökömanö 'ya̧nö, ötölatjö laebinobe, ja̧danö labebajo̧, Saulnö jwöinobe, —Chuluwo̧ la'aka luwo̧ Saul, —jö̧ba̧lö. Ja̧danö, Saul a̧ja̧kwö öjalachibenama, Davidma öba nijakwö bȩachibinobe, chuluwo̧ja jö̧ba̧lö.

1 Samuel 24:8 Iomraidhean Croise

Génesis 17:3

Ja̧ yöawi̧ a̧ja̧kwö Abramma u̧yu̧kijunö bamatö öba bȩbachibijetö nijakwö uunö. Ja̧danö, Diosma yöbawijetö Abramnöma:

1 Reyes 1:31

Yöawoko, Betsabema jöba nijakwö bȩjachibinobe David öba a'otjö, jadanö ösödö yöja̧linobe, —Chuluwo la'aka luwo̧ David, lekwe möle inesö la'aka duluwo̧ kwö̧jobö chösöda, —jö̧ba̧lö.

Éxodo 20:12

Ja̧danö, ju'wibi wetaduwakwö: Kwabe'donö, kwojo'donö otiwanö omukwatö yebabinö kwö̧jaduwo. Jejenö otiwanö kwomukwataduwo lekwe kwuju̧kwaduwakobetjö̧ niji chiyakwemi ja̧nö, ötjö Isabenö Jo̧, Kwösödaduwökwe Dios kwiteboduwi baibanö chiyakwemima.

Romanos 13:7

Jau chömöledö, okobe jwiinö impuesto jawa balada kwimidaduwo, wetji̧danö. Ja̧danö ju'wibi, kwuluwedönö kwöpöjödaduwoko chömöledö. Diosda bidönö juninama jö̧ba̧lö, jobadönö kwösödaduwo, otiwanö kwomukwataduwo luwedönöma.

1 Pedro 2:17

Ja̧danö Dios ömöayedö ja̧nö, okobe deinö jojodönö otiwanö kwomukwataduwo. Kwömöledöduwi Jesúsnö ösödadönö ösödabikwawö kwö̧jaduwo. Diosnö yebabinö kwösödaduwo. La'aka luwo̧ emperador ötjabökwenö otiwanö omukwatö, wei̧ ja̧bö kwö̧jaduwo.

1 Samuel 20:41

Ikenama, tjemu ȩwa̧jaja okobema, Davidma inawiya o̧penö uju̧kwawajelö labebö, Jonatan ö̧jobekwö 'ya̧wibö, Jonatan öba a'ö öba nijakwö wapötakwanö bȩbachibö ja̧inobe. Ja̧danö, ösödabikwawö du̧batö, tjubudekwinobe, jo̧kwaijayonö Jonatan ubudekwi̧tjö bajalekwönönö nöinö ubudekwinobe Davidma.

1 Samuel 24:7

Ja̧danö, jejenö yöba̧lö, ömöayedö Saulnö kwabö lotjobö tjomukwati̧ katjatibobö ja̧bö, Saulnö kwabö lotjoböma weinokobe. Ja̧danö, yo'obö kabatajo̧, Saulma a̧la̧ibö ötölatjö labebö ömöayedökwö kweachinobe.

1 Samuel 24:9

Ja̧danö Davidma Saulnö, —Tajawedö ötjönö omöna yöba̧ladö yötja̧li̧ kwösödobeda chuluwo̧, Davidma Saulnö suli̧ öwaedobö isakwo̧ jö̧ba̧lö omöna yötja̧li̧ma?

1 Samuel 26:17

Yöa̧liökwe, Saulma David iwene öwaisachibinobe, ja̧danö abebö a̧ja̧kwinobe, —Chitji̧ David, ökwöda kwiwene ökwöobeji̧? —Aebökwe, —Jau chuluwo̧, ötjöda chiwene ökwöobe, —jö̧ba̧lö atadinobe Davidma.

1 Samuel 28:14

Jatadökwe, —Dakwö ichejekwo̧? —jö̧ba̧lö aeboko, —Pöema a̧la̧ibö öwawachobe, wamesa̧do̧ ödöado̧ jwabawo̧ma, —jö̧ba̧lö yöjawinobe. Yöjawökwe, Saulma öwaisachibinobe, isabenö Samuelda jö̧ba̧lö, ja̧danö öba nijakwö, bȩachibinobe.