1 Samuel 24:6 - Dios Iwene

⁶ Ja̧danö ömöayedönö yöa̧linobe, —Jejenö ja̧toko jö̧ta̧lajabe, Isabenö Jo̧ öba a'otjö, ja'yubebi chuluwo̧ Diosda omudawö ujuninökwenö sulabenö ja̧toböma jwiobe. Jau chömöledö, Isabenö Jo̧ weökökwesa, Saulnö suli̧ chöwaedoböma, isabenö Saulma Diosda omudawö ujuninökwe ö̧jobetjö̧, —jö̧ba̧lö yöa̧linobe Davidma ömöayedönö.

1 Samuel 24:6 Iomraidhean Croise

2 Samuel 1:14

Yöawökwe, Davidma abebö a̧ja̧kwinobe, —Tajawedö Isabenö Jo̧ Dios omudawö ujuninökwe Saulnö kwabö loköbobö yebabökönö kwomukwataja̧da? –Saulnö kwabö lotijayonö wene jwiena, –jö̧ba̧löma.

2 Samuel 24:10

Ikenama, jojodönö ba̧ja̧dajo̧, Davidma jwiinö o̧'wo tjo̧ekwinobe omajadenö, —Sabö, jojojonö tjö̧ba̧jadobö wetinökötjö̧bö, sulabenö Dios öpöjödinö ja̧tajabe, —jö̧ba̧lö. Ja̧danö, o̧'wo tjobekwö, Isabenö Jo̧nö aebinobe, —Chuluwo̧ Isabenö Jo̧, isabenö jwiinö sulabenö ja̧tajabe. Sulabenö omukwatö̧kö̧ ja̧nö, kwöpöjödinö sulabenö ja̧tajabe chuluwo̧ Isabenö Jo̧, jo̧kwajabetjö atebakwö, kwöba a'otjö wene chujuna̧li̧ söbebö loköbobö, —jö̧ba̧lö aebinobe.

1 Reyes 21:3

Yöa̧lökwe, —Chöbatjo chiyoböma jwiobe chuluwo̧, jayuma cha'dödötjö emajichayu batjo, jo̧kwajabetjö̧ Isabenö Jo̧ma weökena, cha'dödönö iyina niji iyö lotobö, chiyoböma jwia, —jö̧ba̧lö.

Mateo 5:44

Jo̧kwaijayonö, baikwö yötawaduwakwö chömöledö: Kwöpöjojodönöbi kwösödaduwo, ja̧danö usula kwemawobö ja̧badönö Diosnö akebaduwo, jö̧ba̧lö yötawaduwakwö.

Romanos 12:14

Ju'wedö usula kwemawaduwinö sulabenö ja̧tjenama, Diosnö akebaduwo jobadönöma, jobadönö pjaatobö akebaduwo. Jau chömöledö, pjaatobö akebaduwo, lȩeboböma akebaduwoko, ökwödönö sulabenö ja̧badönöma.

1 Tesalonicenses 5:15

Ja̧danö, ökwödönö sulabe baibenama, kwite'ada̧laduwo, ökwödötjö bakwo̧bi balekwa mikwa sulabenö ja̧apji jö̧ba̧lö. Kabatökönö otiwanö ja̧bö kwö̧jaduwobö kwisakwaduwo, kwömöledöduwi Jesúsnö ösödadönöbi, ju'wedö jojodönöbi.

1 Samuel 12:3

Babema kwöba a'oduwitjöbi, Isabenö Jo̧ öba a'otjöbi, Dios omudawö ujuninökwe Saul öba a'otjöbi abebö cha̧ja̧kwaduwakwö, ökwödötjö bakwo̧nöbi sulabenö ja̧tinaji̧? Isabenö jweinö yökawaduwobö jo̧be. Ökwödötjö bakwo̧ ajwi pakayaö̧kö̧, bulöö̧kö̧ chönaukwinaji̧? Bakwo̧tjöbi omapekwönö cheminaji̧? Bakwo̧nöbi usula emawinö ja̧tinaji̧? Bakwo̧bi imidajökwe, mido̧ ösödi̧danö jwetebinaji̧? Isabenö jejenö ja̧tinatjö̧ma, bai döba a'otjö yöbawaduwi, chemina tjetatakobetjö̧, —jö̧ba̧lö.

1 Samuel 24:7

Ja̧danö, jejenö yöba̧lö, ömöayedö Saulnö kwabö lotjobö tjomukwati̧ katjatibobö ja̧bö, Saulnö kwabö lotjoböma weinokobe. Ja̧danö, yo'obö kabatajo̧, Saulma a̧la̧ibö ötölatjö labebö ömöayedökwö kweachinobe.