1 Samuel 24:22 - Dios Iwene

²² —Aebökwe, Davidma Saul i̧tji̧munö dösölö̧jinö ja̧akwa̧ wene yöbawö ujuninobe, Saul aebaja̧danö. Ikenama Saulma ejube ȩwa̧jinobe, ja̧danö Davidbi ömöayedöbi tjuju̧kwawajemibe tjȩwa̧jinobe.

1 Samuel 24:22 Iomraidhean Croise

Génesis 21:22

Ja̧danö, ju'wi möle la'aka luwo̧ Abimelecma, guardia tjuluwo̧ Ficol mikwo̧kwö 'yi̧jetö Abraham ö̧jobekwö. 'Ya̧jo̧ ichibö jö̧ba̧lijetö Abrahamnöma: —Abraham, chedemi Diosma ökwökwö pjabatö ö̧jobe, okobe jwiinö kwö̧ji̧ma.

Génesis 21:23

Jo̧kwaobetjö̧ Dios öba a'otjö kwiwene yöbawö juni baikwö: Ötjönöbi, chitji̧nöbi, ötjötjö tupadanö jojodönöbi jweinöda yöba̧lö ja̧köbakwo̧ja. Abraham, ötjöma dösölö̧jinö chö̧jobe ökwökwö. Jo̧kwaobetjö̧ jejenö dösölö̧jinö kwö̧jo ötjökwöbi, chömöledökwöbi— jö̧ba̧lijetö.

2 Samuel 21:6

Jo̧kwajabetjö̧, jo̧ba i̧tji̧mu tupadanö jojodö ömadö jelemutjö̧ du̧ju̧tajanö kwiyobö dösöda, balekwa mikwa ökwödönö suli̧ waedina ömöledönö kwabö lodobö. Jobadönö kwiyitjö̧ma, jobadönö kwabö lobö mö dönakobe Saulmine itebo Guibeatjö, damötjö Isabenö Jo̧ omudawö ujuninökwe itebotjö, —jö̧ba̧lö atjebinobe. Atjebökwe, —Jau, akebaduwaja̧danö chiyocha, —jö̧ba̧lö atadinobe la'aka luwo̧ Davidma.

2 Samuel 21:7

Jo̧kwajabetjö̧ Davidma Saul i̧tji̧mu tupadanö jojodötjö ju'wedönö omudawö eminobe, gabaonitas jojodönö iyobö. Jo̧kwaijayonö, Saul itji̧ Jonatannö yöbawö ujunina omukwatö, —Ba̧kwelöjatebö kwi̧tji̧mu tupadanö jojodönö dösölö̧jinö chö̧jakwo̧sa, —jö̧ba̧lö yöbawö ujunina omukwatö, Jonatan itji̧ Mefibosetnö lȩlöinö edinobe, jo̧kwajabetjö̧ ju'wedö Saul itji̧mu tupadanö jojodönöda, Jonatan itji̧muböködönöda omudawö iyinobe.

Juan 2:24

Jo̧kwaijayonö, Jesúsma okobe deinö tjo̧'wo̧ luwo̧ okwa waiso̧obetjö̧, öwaisinobe jobadönöma, Isabenö ötjönö ösödöködö, jö̧ba̧lö. Jojodö tjo̧'wo̧ luwo̧ okwa tjomukwati̧ waiso̧, Jesúsma, ju'wedö jo̧banö yötjawokonö.

1 Samuel 23:29

Jemi ikenama jelö labebö, Davidma ömöayedönö öbibö i̧'yinobe Engadi nijibe, jobe u̧ju̧kwawobö.

1 Samuel 26:25

Yöa̧lökwe, Saulma Davidnö yöa̧linobe, —Isabenö Jo̧ ökwönö pjaatobö ateba chitji̧ David, isabenö waekwökönö nöinö otiwanö ja̧köbakwo̧ja, —jö̧ba̧lö. Ikenama Davidma ömöayedö tjö̧jobekwö ȩwa̧jinobe, ja̧danö Saulma ejube ȩwa̧jinobe.