1 Samuel 23:6 - Dios Iwene

⁶ Ahimelec itji̧ Abiatar, Saultjö döbibajinama, Keilabe Davidkwö i̧'yinobe, ja̧danö i̧'yenama, tjö'da̧de pjabatadö Dios öba a'otjö 'dutjawa̧do̧ e'ewö i̧'yinobe. Jo̧kwajabetjö̧ Abiatar pjaatonö, David Diosnö abebö a̧ja̧kwobö ji̧nobe ja̧ möle.

1 Samuel 23:6 Iomraidhean Croise

1 Reyes 2:26

Ikenama la'aka luwo̧ Salomonma ö'weje pjabato̧ Abiatarnö yöa̧linobe: —Abiatar, Dios ejutjö labebö, kwitebo niji Anatotbe da̧ji̧. Ökwöma sulabenö chöpöe Adoniasnö pjakatinobetjö̧, isabenö ökwönö kwabö lotobö jo̧be. Jo̧kwaijayonö, ökwönö kwabö lotökena babema. Jau Abiatar, ökwöma chabe'dokwö ja̧nö, duluwo̧ Isabenö Jo̧ Dios iteapjo kwebatajibo̧ja, ja̧danö ju'wibi, chabe'dokwö̧ ja̧nö, okobe jwiinö chabe'domine usula emawö ö̧jinama, jo̧bakwö usula emawö ji̧naja. Ja̧danö, ja wene omukwatö, ökwönö kwabö lotobö ji̧jayonö, lȩlöinö edö, sule labeböda kwȩwa̧jobö wetakwö, —jö̧ba̧lö weinobe Salomonma, Abiatarnö.

Éxodo 28:6

Ja̧danö, 'duawakwa̧do̧ ja'önönö la̧do̧ma o'wijutjö 'dö̧tjo, ju'wi opjiya ju'wi opjiyabi luledö ti̧lawado̧. Orotjö otikwa opjiya, ö̧'dö̧wi̧, duwayuwi̧, duwi̧ opjiya, ja̧danö jwiinö otiwa jawa linotjö otikwa opjiya luledö ti̧lawa o'wijutjö 'dö̧tjakwa̧do̧. Jwiinö waisadöda ja̧do̧ma 'dö̧tjo.

1 Samuel 14:18

Ja̧ möle, Diostjö jojodötjö tjö'da̧de pjabato̧ma, israel jojodökwö kwebachö, Dios öba a'o 'duawa̧do̧ 'dubawö ö̧jinobe, jo̧kwajabetjö Saulma tjö'da̧de pjabato̧ Ahias mikwo̧nö weinobe, —Dios öba a'otjö 'dukawa̧do̧ 'dubawö, baikwö ichi, Diosnö abebö cha̧ja̧kwobö jö̧ta̧la, —jö̧ba̧lö.

1 Samuel 14:3

ja̧danö ju'wibi Diostjö jojodötjö tjö'da̧de pjabato̧ Ahias mikwo̧ma jobadökwö ö̧jinobe, Dios öba a'otjö 'duawa̧do̧ 'dubawö. Jo̧ba Ahiasma, Ahitob mikwo̧ itji̧, ja̧danö Ahitobma Icabod mikwo̧ öpöe. Ja̧danö Icabodbi, Ahitobbi Finees mikwo̧ itji̧mu, ja̧danö Fineesma, ajayinö Silo comunidadtjö Diostjö jojodötjö tjö'da̧de pjabato̧ Eli mikwo̧ itji̧. Jo̧ba Ahias mikwo̧bi, ju'wedö ölakwabikwawa jojodöbi Saulkwö tjö̧jinobe, jo̧kwaijayonö wajwitjinobe Jonatan tjöjelö laebaja̧ma.

1 Samuel 22:20

Jo̧kwaijayonö, ju'wedönö kwabö loonö, Ahitob itji̧ Ahimelec i̧tji̧mutjö bakwo̧ ö̧jibinobe, Abiatar mikwo̧. Ja̧danö, jo̧bama David ö̧jobekwö döibajinobe.

1 Samuel 23:2

Yötjawiökwe, Davidma Isabenö Jo̧nö abebö a̧ja̧kwinobe, —Keila jojodönö pjabatö, filisteo jojodönö mebibö ölakwabikwawö chi̧'yobö jo̧beji̧? —jö̧ba̧lö. Aebökwe, Isabenö Jo̧ma weinobe, —Jau, filisteo jojodönö ölakwabikwawö kwi̧'yo, Keila jojodö tjö̧jibanö, —jö̧ba̧lö.

1 Samuel 23:5

Jo̧kwajabetjö̧ Davidbi, ömayedöbi Keila comunidadbe 'ya̧nö, filisteo jojodökwö tjölakwabikwawinobe, ja̧danö jobadönö tjujuluwinobe. Jobadönö ba̧jȩkwadönö kwabawö lotjinobe, ja̧danö tja̧jwi̧munö ba̧jekwadönö 'döbebö tjeminobe. Jejenö ja̧bö Keila comunidadnö ju̧kwadönö tjö̧jibanö pjatjatinobe.

1 Samuel 23:7

Ja̧danö, ja̧ möle baikwö baledinobe: Ju'wedöma Saulnö yötjawinobe, —Davidma Keila comunidadbe ichibajo̧, jobe ö̧jobe, —jö̧ba̧lö. Yötjawökwe, Saulma ösödö yöa̧linobe, —Otiwa, Diosma otiwanö pjaatajabe, chöpöjojonö chujuluwobö. Davidma tjöekwemi möemibi, apjudebi jȩmi teachajabe, jo̧kwajabetjö̧ 'daliwadanö ja̧kobe Keila comunidadma, ötjötjö döibajobö jwiena, —jö̧ba̧lö.

1 Samuel 23:9

Jo̧kwaijayonö, Davidma ja̧ Saul suli̧ öwaedobö omukwati̧ a̧ja̧kwinobe, ja̧danö a̧ja̧kwö, Diostjö jojodötjö tjö'da̧de pjabato̧ Abiatarnö weinobe baikwö: —Dios öba a'otjö 'dukawa̧do̧ 'dubawö baikwö ichi, Diosnö atebobö, —jö̧ba̧lö.

1 Samuel 30:7

Ikenama Davidma Diostjö jojodötjö tjö'da̧de pjabato̧ Abiatarnö weinobe, —Dios öba a'otjö 'dukawa̧do̧ 'dubawö ichi, Diosnö abebö cha̧ja̧kwobö, —jö̧ba̧lö. Weökwe, 'dubawö ichinobe Abiatarma,