1 Samuel 23:3 - Dios Iwene

³ Jo̧kwaijayonö, David ömöayedöma öpöjödö yötja̧linobe, —Yedabi, ökwödöma bena Juda niji ja̧nö yebabinö dö̧jobe, ja̧danö bena ditebonö ja̧nö yedabitjö̧ma, isabenö jemi tupakwö yedabobe, Keila comunidadbe 'ya̧nö, filisteo ölakwabikwawa jojodökwö ölakwabikwawö dö̧jobö, labobe, —jö̧ba̧lö.

1 Samuel 23:3 Iomraidhean Croise

1 Samuel 23:15

Baikwö laebobe Saul Davidnö isakwina wenema. Davidma jojodö deobe Zif niji Hores ötjabobe ö̧jena, a̧ja̧kwinobe, —Saulma Davidnö kwabö lootö jö̧ba̧lö isakwobe, —jö̧ba̧lö.

1 Samuel 23:2

Yötjawiökwe, Davidma Isabenö Jo̧nö abebö a̧ja̧kwinobe, —Keila jojodönö pjabatö, filisteo jojodönö mebibö ölakwabikwawö chi̧'yobö jo̧beji̧? —jö̧ba̧lö. Aebökwe, Isabenö Jo̧ma weinobe, —Jau, filisteo jojodönö ölakwabikwawö kwi̧'yo, Keila jojodö tjö̧jibanö, —jö̧ba̧lö.

1 Samuel 23:23

Jo̧kwajabetjö̧ okobe jwiinö u̧ju̧kwawemitenia kwedaduwo, ja̧danö jemi ikenama, otiwanö edajadö, ichö yökawaduwo. Ja̧danö, jenama ökwödökwö chi̧'yocha. Ja̧danö abönö otiwanö kwedaduwobetjö̧, ö̧jibobö jwiena, ba̧jȩkwadö Juda niji ju̧kwadö tjö̧'da̧detjö u̧ju̧kwawobö isakwitjö̧böbi, ö̧jibökena, otiwanö jo̧banö do̧tatocha, —jö̧ba̧lö weinobe.

1 Samuel 23:26

Ja̧danö, Saulma mösa'otjö bakwachobe kweachonö, Davidbi ömöayedöbi ja'o bakwacha'obe dötjibajinobe, ja̧danö tjö̧jibotö jö̧ba̧lö, juluwanö ö'öbakwawö dötjibajinobe. Jejenö Saulma, Davidnö do̧atotö jö̧ba̧lö yö̧ne ötjösawibobö ichibinobe, juluwanö Davidnö do̧ato jö̧a̧lenanö.

1 Samuel 23:4

Tjatadökwe, Davidma yemidanö Isabenö Jo̧nö abebö a̧ja̧kwinobe, —Isabenö jobe di̧'yobö jo̧beji̧? —jö̧ba̧lö. Aebökwe, Isabenö Jo̧ma atadinobe, —Jau, a̧la̧ibö, Keila comunidadbe 'ya̧duwi, isabenö filisteo jojodönö kwujuluwaduwobö pjatatakobetjö̧, —jö̧ba̧lö.