1 Samuel 22:18 - Dios Iwene

¹⁸ Jejenö tjöpöjödiökwe, Saulma Doegnö weinobe, —Ökwöda, bidö tjö'da̧de pjabatadönö kwabö lobidönö, —jö̧ba̧lö. Weökwe, jo̧ba edomita jojo Doegma jobadönö meibinobe, ja̧danö ja̧ möle ochenta y cinco tjö'da̧de pjabatadönö kwabawö loinobe, Dios öba a'otjö tjö'da̧de pjabatadö 'dutjawi̧ linotjö otikwa̧do̧ 'dubawadönö.

1 Samuel 22:18 Iomraidhean Croise

Éxodo 28:40

Ina webijetö Isabenö Jo̧ma: —Aarón i̧tji̧mu̧ ömadö 'dutjawakwa̧bi 'dö̧tjo, okwasado̧ ödöado̧, diatakwawado̧, tjubutjawa'wo. Ja̧ 'dutjawakwa̧ma wainö ji̧ o̧di̧ju̧, jwiinö otiwi̧ jawa o̧dijuma. Ja̧danö ja̧ 'dutjawakwa̧ o̧di̧ju̧ma ötjöda omudawö chujuninawö̧ 'dutjawakwa̧ o̧di̧ju̧, jojodöma jobadönö edö, Isabenö la'aka luwedö, wainöbedö, jö̧ba̧lö, tjomukwatakobetjö̧.

Proverbios 24:15

Jemi ikena jweinö omukwatadö yötjawinama baikwö laebobe, bakwo̧ iteda itji̧nö jwebebö yöawi̧danö: Chitji̧, naukwabo̧ma otiwanö omukwatadönö, Dios wei̧ a̧ja̧kwadö tjitea naukwabo̧. Jobadö tjeju a̧petunö jukwawö te'ada̧lo̧, naukwabo̧ma, tjeju okwa tebachö tjitea önaukwobö. Chitji̧, naukabidö tjitea 'dölanö tjö̧ji̧danöma kwö̧joko.

1 Samuel 2:18

Samuelma, ina tjemu bo̧, Dios öba a'otjö otidö ö̧jinobe, tjö'da̧de pjabatadö 'dutjawi̧danö pjewö̧ka̧do̧ linotjö otikwa̧do̧ otiwa̧do 'dubawö.

1 Samuel 2:28

Ja̧danö, bakwasotenia jojodötjö, okobe deinö israel jojodötjö kwa'dö Aaronnöda omudawö chujunijatö, ötjötjö jojodötjö dö'da̧de pjabato̧ baibanö, ¿jö̧tö? Jau, kwa'dö Aaronnö wetijatö, jo̧bada, ja̧danö i̧tji̧munöda ötjönö iyawöte mesasöte wamenö iyawa kwujuwaduwobö, ja̧danö ökwödöda chöba a'otjö omewi̧ jawa kwujuwaduwobö, ja̧danö ö̧kwödöda tjö'da̧de pjabato̧ 'duawa̧do̧ 'dubawö chöba a'otjö kwotidaduwobö, ¿jö̧tö? Ja̧danö ökwödö Aaron itji̧mu tupadanö jojodönö chiyijatö, okobe jwiinö israel jojodö ötjönö juwö tjiyi̧tjö, ökwödöbi kwukwaduwobö, ¿jö̧tö?

1 Samuel 2:36

Ja̧danö jobadöma ötjötjö jojodötjö dö'da̧de pjabatö tjö̧jonö, ökwö kwi̧tji̧mu tupadanö jojodötjö ina 'ya̧baladöma usula tjemakwedö. Usula emawö, kwö̧bajena balekwo̧ chujunajökwenö bȩbachibö atjeba̧lakobe, ja'yubeda baladabi, kwakwawabi tjujuna̧lobö, ja̧danö jo̧banö atjeba̧lakobe, Ötjönö Diostjö jojodötjö tjö'da̧de pjabatadötjö bakwo̧ ömöayo̧ batibanö junitjö, ötjöbi ja'yubeda kwakwawa chukwakobetjö̧, —jö̧ba̧lö yöawinobe Dios yöawi̧ yöbawo̧ma Elinöma.