1 Samuel 21:3 - Dios Iwene

³ Yöba̧lajo̧, tupakwö aebinobe tjö'da̧de pjabato̧ Ahimelecnö, —Kwakwawa dukwobö kwujuna̧liji̧? Kwujuna̧litjö̧ma, pan ö̧pji̧ya bakwamu jawa ö̧pji̧yaö̧kö̧, ju'wi kwakwawa kwujuna̧litjöö̧kö̧, kwiyobö chösöda, —jö̧ba̧lö.

1 Samuel 21:3 Iomraidhean Croise

Isaías 3:6

Ja̧ möle, isabenö usula emawö, jwibö tjö̧jakwedö Juda jojodöma, baikwö yötawa: Bakwaso jojodö idöda tjömöledöso̧nö yötja̧lakwedö, —Ökwöda kwökamijido̧ wamesa̧do̧ juna̧lo̧ja, jo̧kwajabetjö̧ ökwöda duluwo̧ kwö̧jobö jo̧be, ökwöda bemi söbebö lotjinemi comunidad webö kwö̧jobö jo̧be, —jö̧ba̧lö yötja̧lakwedö.

Jueces 9:29

Ötjöma kwuluwo̧duwi chö̧jitjö̧ma, Abimelecnö a'dewö loto jö̧ta̧lena. Jo̧banö yötawena, isabenö ökwödönö weköbobö kwösöditjö̧ma, kwömöayedö ölakwabikwawa jojodönö ko̧ko̧dö, kwujuluwobö ichi, dölakwabikwawakobetjö̧, —jö̧ba̧lö yöa̧linobe Gaalma.

1 Samuel 21:2

Aebökwe, Davidma omöna yöa̧linobe, —Waekwokobe, La'aka luwo̧ Saulma ötjönö weajabe, jojodö wajwitjonö wei̧ chotidobö, ju'wedönö yöbawökönö. Ja̧danö, chömöayedö ölakwabikwawa jojodönö jelobe dediakwawobö chujunajabe, –Yöta̧lajobetjöda makö dediakwawo, –jö̧ba̧lö. Jo̧kwajabetjö̧, baikwö jo̧dawa'ye chichajabe, —jö̧ba̧lö atadö omöna yöa̧linobe Davidma.

1 Samuel 21:4

Aebökwe, Ahimelecma atadinobe, —Jo̧kwadabedö tjukwi̧ jawa panma jwitobe, sule Dios öba a'o junawa panda chujuna̧lobe. Ja̧danö mada möletjö baikwö bajalenö ya̧dökwö jö̧könö kwö̧jaduwatjö̧ma, ja̧ pan kwukwaduwobö jȩna, jo̧kwaijayonö ya̧dökwö kwö̧jaduwatjö̧ma, kwukwaduwobö jwiobe.