1 Samuel 20:5 - Dios Iwene

⁵ Yöa̧lökwe, Davidma Jonatannö weinobe, —Baikwö ja̧bi, isabenö kwabe'do ötjönö kwabö loobö isakwojobö jö̧ba̧lö. Itekwai yö̧tema, yö̧te jawo̧ yabayo̧ laebakobe, ja̧danö ja̧ laebakwa̧ jawa ba'ali tjujunakobe, ¿jö̧tö? Kwabe'do yöne ömöayo̧chobetjö̧, ja̧ ba'ali ötjöbi jo̧bakwö banö chukwobö jo̧be. Jo̧kwaijayonö ökwödökwö ba'ali junökönö, jelobe chu̧ju̧kwawobö weköbotjö, ja̧danö ötjöma mejebe chu̧ju̧kwawocha, wapötakwa möle baledibanö.

1 Samuel 20:5 Iomraidhean Croise

2 Reyes 4:23

Yöja̧lökwe, —tajawedö jo̧ba ö̧jobekwö kwi̧'yobö chilekwo? Babema otikwökö mölemaökö, ja̧danö ju'wibi yö̧te jawo̧ 'yabayo̧ jawa ba'ali mölemaökö. Tajawedö ö̧jobekwö kwi̧'yobö, wene jo̧beji̧? —jö̧ba̧lö abebö a̧ja̧kwoko, —Wene jwia, —jö̧ba̧lö jatadinobe.

Proverbios 22:3

Ja̧danö, ju'wibi yötawa: Isabenö, ö'wiyawakwawönö omukwato̧ma labi jawa baledakwa̧ waiso̧, chedemi labinö baledakobe, jö̧ba̧lö. Jobekwö öwaisasobetjö̧ itedada te'ada̧lo̧, labi̧ jawa baledobekwöma i̧'yapji jö̧ba̧lö. Jobekwö omukwatokobe jweinö omukwatobö wajwibo̧ma. Jo̧bama omukwatökönö labi̧ jawa baledobekwö 'yo̧. Ja̧danö, labobekwö i̧'yobetjö̧ yelösöda usula emawakwo̧.

Juan 8:59

Jejenö yöawiawö̧ jwiinö tjölabinobe judío jojodöma Jesúsnöma. Jwiinö tjölabobetjö̧ inawiya emibö tjikwawo jö̧tja̧lijayonö, Jesúsma ju̧kwawibö laebinobe Dios ejutjöma.

Hechos 17:14

Jejenö yötjawiawö̧ jobe ju̧kwadöma, Jesúsnö ösödadöma Pablonö lȩlö̧jino edö öbibö 'yi̧jadötö tjolabe, jelobe webö lotjobö. Jo̧kwaijayonö Silas, Timoteo, jobadöda ju̧kwibijadötö Bereanö.

Colosenses 2:16

Jo̧kwajabetjö̧ ju'wedö kwakwawa jawa ja̧danö owawa jawa wetji̧ma, a̧ja̧kwökönaduwi, ja̧ jawa mikwawokobetjö̧. Ja̧danö wainö ji̧ möle pjiesta jawa wetji̧ma a̧ja̧kwökönaduwi, ja̧danö yö̧te jawo̧ pjiesta jawa wetji̧ a̧ja̧kwökönaduwi, ja̧danö otikwökö möle jawa wetji̧ma a̧ja̧kwökönaduwi.

1 Samuel 19:2

Jo̧kwajabetjö̧ Jonatanma Davidnö yöawinobe, —Chabe'do Saulma ökwönö kwabö loobö isakwobe, jo̧kwajabetjö̧ ö'wiyakwawönö kwöjo. Itekwai yȩayi, jelobe ka̧putjö ju̧kwawö kwö̧jo.

1 Samuel 20:18

Ikenama, yöbawö junajadö, Jonatanma Davidnö yöa̧linobe: —Itekwayima, yö̧te jawo̧ yabayo̧ laebakwa̧ jawa ba'ali dukwakobe, ja̧danö kwiteakanö bo̧ma deobetjö̧, chabe'doma deköbi̧ omukwatakobe.

1 Samuel 20:19

Jo̧kwajabetjö̧, itekwayi dewachö yi̧benakwö, ajayinö wene ji̧nena kwuju̧kwawinemi kwu̧ju̧kwawo, inawa Ezel mikwawa pjeanö.

1 Samuel 20:24

Jejenö yöa̧lökwe, Jonatan weaja̧danö Davidma mejebe uju̧kwawinobe. Ja̧danö, yö̧te jawo̧ yabayo̧ laebenama, ba'ali tjukwobö öbamatinobe Saulma.

1 Samuel 20:27

Jo̧kwaijayonö, jemi ikena mölebi, jawo̧ yabayo̧ laebaja̧ ikena mölema, David iteakanö deinobe. Ja̧danö, jejenö deiökwe, Saulma Jonatannö abebö a̧ja̧kwinobe, —Tajawedö madabi, babebi ichö̧kö̧ Isai itji̧ Davidma? —jö̧ba̧lö.

1 Samuel 20:4

—Yöa̧lökwe, Jonatanma atadinobe, —Dakwö pjatatobö kwösödobeda? Akebi̧danö isabenö pjatatakwo̧sa, —jö̧ba̧lö.

1 Samuel 20:6

Ja̧danö, detiökwe, kwabe'doma, –Davidma daida, –jö̧ba̧lö abebö a̧ja̧kwitjö̧ma, jo̧banö yökawo baikwö: Davidma ötjönö aeba̧lajabe, itebobe Belenbe ȩwa̧jobö. Jobe Belentjö, o̧ba bakwabakwena Diosnö iyawa ba'ali tjujunobe ja̧danö jo̧babi ja̧ ba'ali ömöledökwö ukwobö aebajabe, ja̧danö aebi̧tjö̧ aebaja̧danö wetajabe, –jö̧ba̧lö kwatadonö.