1 Samuel 20:41 - Dios Iwene

⁴¹ Ikenama, tjemu ȩwa̧jaja okobema, Davidma inawiya o̧penö uju̧kwawajelö labebö, Jonatan ö̧jobekwö 'ya̧wibö, Jonatan öba a'ö öba nijakwö wapötakwanö bȩbachibö ja̧inobe. Ja̧danö, ösödabikwawö du̧batö, tjubudekwinobe, jo̧kwaijayonö Jonatan ubudekwi̧tjö bajalekwönönö nöinö ubudekwinobe Davidma.

1 Samuel 20:41 Iomraidhean Croise

Génesis 29:11

Ikenama Raquelnö 'ya̧wibö, du̧batö budekwijetö, o̧'wo̧ ösöwanö.

Génesis 29:13

Ja̧danö, jabe'donö yöjawökwe ö'öbakwawö 'yi̧jetö Jacobnö edobö. Ichibö wo̧batöbi wo̧batijetö, ja̧danö, du̧batöbi du̧batijetö Jacobnöma. Ikenama Jacobnö öbibö ȩwa̧jijetö ejube teatobö. Jacob tebachajo̧ma yöbawijetö Labánnö okobe jwiinö baledinama.

Génesis 33:4

Esaúma Jacob ichobe edö te'ada̧lökönö ichobekwö ö'öbakwawijetö. Jacobnö 'ya̧wibö wo̧batö 'du̧batijetö ibekasa'wonö, öjawo̧nö ösödö. Jobadöma tjo̧'wo̧ jwiinö ösödö budekwabijadötö.

Génesis 42:6

Ja̧danö, Joséma Egipto niji la'aka luwo̧ ji̧jetö. Jo̧bada kwakwawa emö ichajadönö iyiabina. Ja̧danö, öpöedöma ichibö, José ö̧jeju okwa tebachibö José öba a'o jamatö tjöba nijakwö bȩbachibijadötö. Jobadöma, wajwibijadötö José, jö̧ba̧lö.

Génesis 43:28

—Jau. Ökwö kwömöayedö dabe'doma otiwanö ö̧jobe. Ina 'yaba̧lo̧— atadijadötö. Jejenö jö̧ba̧lö tjöba nijakwö bȩbachibijadötö.

Génesis 45:15

Ikenama okobe deinö öpöedönö tjibekasa'wijunö du̧batö budekwijetö. O̧'wo̧ jwiinö ösöwanö budekwijetö Joséma, ömöledönö ösödö. Jejenö ösödiawö̧ öpöedöma bajaliyanö yebabökönö yöba̧lijadötö tjö̧ja̧wo̧ Josénöma.

2 Samuel 1:2

Jemi ikenama, dötölataja möle baledibajenama, Saul ömöayedö ölakwabikwawa jojodö tjö̧jinelö bakwo̧ David ö̧jobekwö ichibinobe. Jo̧bama kamiji̧do̧ kȩ'ekwö, uunö niji̧so̧pja̧ wanawö o̧'wo tjo̧achi̧ isȩbö ichibinobe, ja̧danö ichibajo̧, David öba a'o bȩbachibö öbamatinobe, Inesö la'aka chuluwo̧ja, jö̧ba̧lö.

2 Samuel 1:26

Isabenö cho̧'wo tjoachobe ökwönö yö̧ne chömöledöso̧ Jonatan, isabenö ile nitebökweja Jonatan. Isabenö otiwanö ötjönö ile nikebinobe Jonatan, ile nikebinama, ya̧dö ile nitjȩbi̧tjö bajalekwönönö otiwanö ile nibebinaja.

2 Samuel 14:4

Weoko, Tecoa jojosujuma Joab weaja̧danö ja̧jinobe, ja̧danö David öba a'o ichibö, jöba nijakwö jöbamatinobe, inesö la'aka chuluwo̧ja jö̧ba̧lö. Ja̧danö, David öba a'o bamataju, ajebinobe, —La'aka chuluwo̧, pjabatitjö, —jö̧ba̧lö.

2 Samuel 19:39

Ikenama okobe deinö jojodöbi, la'aka luwo̧ Davidbi Jordan mikwödö petjibinobe. Ja̧danö pebibajo̧, Davidma Barzilaynö du̧atinobe, yöne chömöledöso̧ja jö̧ba̧lö, ja̧danö Diosnö aebinobe Barzilaynö pjaatobö. Ikenama Barzilayma itebobe ȩwa̧jinobe.

2 Samuel 9:6

Ja̧danö tjichejebiökwe, Saul itji̧ Jonatan itji̧ Mefiboset mikwo̧ma David öba a'o ichibinobe, ja̧danö ichibö David öba a'otjö öba nijakwö öbamatinobe, chuluwo̧ja jö̧ba̧lö. Ichibö, —Mefiboset kwö̧jiji̧? —David jö̧a̧lökwe, —Jau, kwömöayo̧ Mefibosetsa, —jö̧ba̧lö atadinobe.

1 Reyes 1:16

ja̧danö ichibaju, jilekwe David öba a'o juu nijakwö bȩbachibö jösödinobe, —La'aka chuluwo̧ja, —jö̧ba̧lö. Jejenö jichibiökwe, la'aka luwo̧ Davidma abebö a̧ja̧kwinobe, —Kwösödi̧ma di̧yada chilekwo? —jö̧ba̧lö.

1 Reyes 1:23

Ichibiawö̧, la'aka luwo̧ David ömöayedöma Davidnö yötjawinobe, —Duluwo̧, Dios yöawi̧ yöbawo̧ Natanma ökwönö yöbawö ichajabe, —jö̧ba̧lö. Ja̧danö, Natan la'aka luwo̧ David öba a'o teachenama, öba nijakwö bȩa̧chibinobe, —Chuluwo̧ja, —jö̧ba̧lö.

1 Reyes 1:31

Yöawoko, Betsabema jöba nijakwö bȩjachibinobe David öba a'otjö, jadanö ösödö yöja̧linobe, —Chuluwo la'aka luwo̧ David, lekwe möle inesö la'aka duluwo̧ kwö̧jobö chösöda, —jö̧ba̧lö.

Hechos 20:37

Ikenama te'ada̧lakwawa jojodöma Pablonö wo̧batöbi, du̧batöbi budekwabijadötö.

1 Samuel 10:1

Ikenama Samuelma o̧tesayu̧ ja'yuayu̧ do̧batö, Saul uunö toebinobe, ja̧danö Saulnö du̧batö yöawinobe, —Isabenö Jo̧ma isabenö ökwönö omudawö ujunajabe, iteda ömöledö israel jojodö la'aka tjuluwo̧ bakibanö. Ja̧danö, baikwö baledakwa̧ yötawakwö, isabenö Dios ökwönö omudawö ujunaja̧ kwöwaisobö:

1 Samuel 18:3

Ja̧danö, Jonatanma Davidkwö isabenö otiwanö ösödabikwawö tjö̧jakwa̧ wene yöbawö tjujuninobe, —Ba̧kwelöjatebö, yö̧ne dömöledö ja̧nö ösödabikwawö dö̧jakwedösa, —jö̧ba̧lö.

1 Samuel 20:40

Ikenama, Jonatanma tjemunö 'böpöbi, nayunubi iyö weinobe, —Bi̧ya e'ewö comunidadbe da̧ji̧, —jö̧ba̧lö.

1 Samuel 24:9

Ja̧danö Davidma Saulnö, —Tajawedö ötjönö omöna yöba̧ladö yötja̧li̧ kwösödobeda chuluwo̧, Davidma Saulnö suli̧ öwaedobö isakwo̧ jö̧ba̧lö omöna yötja̧li̧ma?

1 Samuel 25:23

Ja̧danö, Davidnö jedenama, Abigailma juluwanö jajwitjö mebibö, David ö̧jobekwö 'ya̧wibö, öba a'o nijakwö bȩjachibinobe, kwömöayujusa jö̧ba̧lö.