1 Samuel 2:9 - Dios Iwene

⁹ Isabenö Jo̧ma isabenö tjöeba̧lakwo̧ jo̧banö tjo̧'wo wana̧ladönöma, jo̧kwaijayonö sulabedönö yȩa'wo okwa debö tji̧'yobö weakwo̧. Jau, isabenö idöda tjujulunö tjujuluwökakwedö bö̧jȩ jojodöma, Isabenö Jo̧da ujuluwakwo̧ma.

1 Samuel 2:9 Iomraidhean Croise

Diosnö ösödo̧ Job mikwo̧ usula emawina jawa 18:18

Jo̧banö dewi̧ jȩmitjö a'dewö lotjakwo̧, inesö yȩa'wo jȩmi nijinöda ö̧jobö, bakobenö jojodö tjujukwemitjö a'dewö lotjakwo̧ jo̧banöma.

Diosnö ösödo̧ Job mikwo̧ usula emawina jawa 40:13

Jobadönö söbebö lobajo̧, nijiso̧pja̧nö o̧tjö loköbo, bakobe ö'wö babibajadö tjuju̧kwemi tjö̧jobö, pje'datö loköbo.

Diosnö ösödo̧ Job mikwo̧ usula emawina jawa 5:16

Jo̧kwajabetjö̧ jwibadö tjösödobö jo̧be, –Isabenö Dios pjaatakwawö̧sa, –jö̧ba̧lö, Diosma sulabedö 'wi̧nö batjibanö tjöeba̧lobetjö̧.

Diosnö ösödo̧ Job mikwo̧ usula emawina jawa 5:24

—Ja̧danö ju'wibi, Dios ökwönö pjaatobetjö̧, kwöwaisakwo̧ja, –Chejutjö wene jwia, la'akatjö̧da tjönaukwökeju, –jö̧ba̧lö. Jau Job, okobe jwiinö kwitea ba̧ja̧dö kwedakwo̧ja, ja̧danö ba̧ja̧dö kwedenama, okobe jwiinö kwöbadekwakwo̧ja, ja'yubebi jwiökakobe, Dios otiwanö pjaatobetjö̧.

Proverbios 16:9

Isabenö yötawa: Jojodöma ju'wi jawabi ju'wi jawa tjo'wo junö tjo̧mukwatobe, a̧a̧a̧ itekwayi kwebachö chi̧'yocha, jö̧ba̧lö, ja̧danö, imiame ichena chotidocha, jö̧ba̧lö. Jobekwö tjo̧'wo junö omukwatö yötja̧lijayonö Isabenö Jo̧da jojodö tjotidakwa̧bi, tji̧'yakwa̧bi okobe jwiinö tjö̧jakwa̧ma öbibo̧.

Proverbios 2:8

Ja̧danö, Isabenö Jo̧ma pjabatö te'ada̧lo̧ ju'wedökwö otiwanö ja̧nö, jweinöda omukwatö ja̧bö ju̧kwadönö. Jobadö tji̧'yobema tjöbeba̧lö öbibo̧ Isabenö Jo̧ma. Ja̧danö, Isabenö Jo̧ma jo̧banö ösödadönö tjöbeba̧lö te’ada̧lo̧.

Proverbios 3:26

Isabenö Jo̧da ite'ada̧lakobe ökwönö chitji̧, jo̧kwaobetjö̧ yekaboko. Jo̧bada ite'ada̧lakobe ökwönöma jweinö kwi̧'yobö, 'daliwanö kwö̧libapji jö̧ba̧lö.

Isaías 27:3

—Ötjö Isabenö Jo̧ma, chöbatjo teada̧lo̧sa. Teada̧lönö, ba̧kwelöjatebo otiwanö ojwiyo sa̧sa̧bö otido̧sa, ja̧danö teada̧lönö tjöbeba̧lö jo̧sa, bakwo̧bi chöbatjo suli̧ öwaedapji jö̧ba̧lö. Yötebi, mölebi otiwanö teada̧lö jo̧sa,

Isaías 47:5

Tupakwö wanedö yöawobe Diosma, Babilonia jojodönö: Ökwö Babilonia jojojosujuma, wi̧inö ba̧wi̧, jelobe ju̧kwawaji. Ajayinö ökwönö, —Tjitebotenia jojodötjö inesö la'aka luwuju, —jö̧ba̧lö ötjabinokoja, jo̧kwaijayonö bemi tupakwö jobekwöma ötjabökakwedö.

Mateo 8:12

Jo̧kwaijayonö jobadö jelobetjö ichajadö mesasötenö tjöbamatijayonö, jobe tjöbamato jö̧ba̧linadö Israel jojodötjöma ba̧jekwadönö 'da̧batö loakobe Diosma, yȩa'wo okwa ba̧nö budekwabinö tjo'ye kikiso ja̧bö usula tjemawobö— jö̧ba̧lö yöawinobe Jesúsma.

Romanos 3:19

Jau chömöledö, döwaisa, Diosma Moisésnö weinobe, iwȩyudobö, jojodö ja̧bö tjö̧jo jö̧ba̧lö wei̧ma. Ja̧danö, ja̧ weinama, Israel jojodönö weinobe, okobe jwiinö ja̧bö tjö̧jo jö̧ba̧lö. Jo̧kwaijayonö, okobe jwiinö ja̧bö tjö̧jo jö̧tja̧lijayonö, ja̧tjinokobe, yelösöda waekwinobe. Jau chömöledö, böjȩ jojodöma okobe jwiinö Dios weina ja̧bö jö̧ködö, bakwo̧bi deobe ja'yubebi junibökönö ja̧bo̧ma. Jau chömöledö, bakwo̧bi deobe, okobe jwiinö Dios weina waekwökönö ja̧bo̧ma. Ja̧danö, Dios weina Moisés iwȩyudinama suli̧ jwibadö badiboböma pjaatokobe chömöledö, okobe jwiinö ja̧bö dö̧jokobetjö̧. Jau chömöledö, Moisés iwȩyudinama sule sulabe dujuna̧li̧ weneda yöawobe. Ja̧danö, Dios lȩebenama, okobe deinö ökwödö böjȩ jojodöma atadakwawa jwidakwedösa, lȩkeboko yöda̧lo jö̧ba̧lö.

Deuteronomio 33:3

—Isabenö iteda ömöledönö ösödo̧ Isabenö Jo̧ma, ja̧danö iteda ömöledö batjibanö 'da̧batö ujuninawö̧ israel jojodönö tjöbeba̧lö pjabato̧. Jejenö pjaatiawö̧, jo̧ba öba a'otjö bȩbachibö tjösödobe israel jojodöma, ja̧danö jobadönö wei̧ a̧ja̧kwö tjö̧jobe.

1 Pedro 1:5

Jau chömöledö, Dios yöawi̧ kwösödaduwiökwe, Diosma ökwödönö tjöbeba̧lönö ite'ada̧lobe, ja̧danö jejenö ite'ada̧lakwo̧, 'dö̧ibaji̧ möle kwö̧jibinaduwa wene i̧sebenanö kabatö. Jau chömöledö, ja̧ möle baibenama, ökwödö iteda i̧tji̧munö otiwa jawa iyakobe, ja̧danö jejenö iyö, kwö̧jibinaduwa wene öwaetjöda i̧sebakobe.

2 Pedro 2:17

Jau chömöledö, jobadö sulabenö yöbawadöma mikwawöködö, baikwö yötawa: Ojwese'do kököe'dodanö mikwawöködö, ja̧danö ojwiyo'wo o̧bökö'wo, jwa̧lȩ'epjo jelobe e'ewa'wodanö mikwawöködö, ja'yubebi pjatjatokobetjö̧. Jobadönö baikwö yötawa chömöledö, Diosma jobadönö lȩebakwa̧ omukwatö ujuninobe, ja̧danö ökwöla nöolanö, inesö yȩa'wo okwada tjö̧bakobe.

Judas 1:1

Ötjö böja wȩyudö webo̧ma, Judassa, Jesucristo ömöayo̧sa, ja̧danö ju'wibi Jacobo öjawo̧sa. Ja̧danö, böjanö wȩyudö wetawö̧ma bidö, Dios jwöinawö̧nö, ju'wibi Dabe'do Dios ösödawö̧nö, ju'wibi Jesucristo tjöbeba̧lö ite'ada̧lawö̧nö.

Judas 1:13

Ju'wibi yötawa jobadönö: Jobadöma taba jwiinö jojodö tjöba a'otjö sulabenö ja̧tji̧ tji̧sebobe, baikwö wanedö yötawa: Balawa inawanö loenama, itjei'wo dewinö öwawinö loobe, okobe deinö tjedobö, ¿jö̧tö? Ja̧danö, bidöbi okobe deinö tjöba a'otjö taba jwiinö sulabenö ja̧tjobe, okobe deinö tjedobö. Chömöledö, Dios yöawi̧ yöbawadöma jweinö jojodönö ötjibobö jo̧be, öbibö yötja̧wi̧ a̧ja̧kwö, Dios ösödi̧danö ja̧bö tjö̧jakobetjö̧, ¿jö̧tö? Jo̧kwaijayonö bidöma Dios yöawi̧ yöbawadösa jö̧tja̧lijayonö, Dios ösödi̧danö ja̧bö tjö̧joböma öbiböködö. Ötjibo jö̧tja̧li̧tjö 'da̧bachibö, sulabenö Dios öpöjödi̧danö ja̧bö tjö̧jobö öbibadö. Ja̧danö, jejenö ja̧bö tjö̧jiökwe Diosma omukwatö ujunajabe, inesö yȩa'wo okwa ba̧kwȩlö̧jatebö tjö̧bobö.

Judas 1:3

Chömöledö, ökwödö Jesúsnö ösödadöma, okobe deinö bakwainö ji̧badösa, ¿jö̧tö? Jau chömöledö, ökwödö okobe deinö Dios lȩlö̧jinö iyi̧tjö emadösa, ja̧danö ja̧ jawa labebö lobö ökwödönö chiwȩyudobö jö̧ta̧latö. Jo̧kwaijayonö sulabenö yöbawadö yötjawobetjö̧, ja̧ chiwȩyudobö jö̧ta̧li̧ma waekwajabe, ju'wida chiwȩyudobö jo̧be babema. Jau chömöledö, ju'wedöma ju̧kwawö dö'da̧de tetjachajabe, ja̧danö dö'da̧de ja̧nö sulabenö yötjawobe. Jo̧kwajabetjö̧ ju'wida chiwȩyudobö jö̧ta̧lijayonö, ökwödönö kwujuluwaduwachibanö chiwȩyudobö jo̧be, dösödi̧ wene tjöbeba̧lö ölakwabikwawö kwö̧jaduwobö. Jau chömöledö, ja̧ dösödi̧ wenema, bakwöta wene balewachökö wene, ja̧danö bakwötanöda Dios iyina wene, ba̧kwȩlö̧jatebö ja̧ wenenöda dö̧jibobö. Ja̧ wene balewö lobö sulabenö yötjawapji jö̧ba̧lö, tjöbeba̧lö ölakwabikwawö kwö̧jaduwobö kwujuluwaduwachibanö chiwȩyudaduwakwö. Ökwödönö sulabenö yöbawadönö baikwö yötawa: Diosma damötjö jobadönö lȩebakwa̧ omukwatö ujuninobe. Jobadöma isabenö Diosnö ösödöködö chömöledö, ja̧danö sulabenö yöbawö Dios mikwa jwiinö otiwa jawa iyi̧ wene balewö lotjobe, jojodö jwaikwöda sulabenö ja̧bö tjö̧jobö wei̧ wene baibanö. Ja̧danö ju'wibi, Duluwo̧ma bakwo̧dajayonö, Duluwo̧ Jesucristonö öpöjödadö, duluwo̧bö̧kö̧ jö̧ba̧lö.

1 Samuel 25:26

Jau chuluwo̧, baikwö isabenö yötawakwö, Isabenö Jo̧ ö̧ji̧ wenebi, ökwö kwö̧ji̧ wenebi isabenö wene, ja̧danö ja̧ isabenö ji̧danö yötawakwö, Diosda isabenö tjöbeba̧lö pjaatajabe, ökwöda balekwa mikwa ökwönö sulabenö ja̧badönö kwabö loköbapji jö̧ba̧lö. Jau chuluwo̧, jejenö ja̧köbatjö̧ma, sulabenö ja̧böködönöbi kwabawö loköbo jö̧ka̧lajena, ja̧danö jejenö kwabö lobajo̧, wene juna̧lo̧ bakibajena. Jo̧kwaijayonö Diosma otiwanö pjaatajabe, jejenö baledapji jö̧ba̧lö. Jau chuluwo̧ isabenö Diosda balekwa mikwa lȩebakwo̧ Nabalnöma, baikwö wanedö yötawa, okobe deinö kwöpöjojodöbi, ökwönö suli̧ baledobö ösödadöbi Nabaldanö batjibitjö̧ma, isabenö kwöpöjojojodö deinö kwö̧jena, jo̧ba Nabalma isabenö Dios lȩebakwo̧obetjö̧.