1 Samuel 2:31 - Dios Iwene

³¹ Isabenö yötawakwö Eli, ja'yubenö lekwajabetjö kwömöledö tjujulu söbebö lotocha, ja̧danö kwabe'dotjö tupadanö jojodö tjujulu söbebö lotocha, ökwödötjö bakwo̧bi pöe baibökenanö.

1 Samuel 2:31 Iomraidhean Croise

1 Reyes 2:35

Ja̧danö, la'aka luwo̧ Salomonma, Benaiasnö 'da̧batö ujuninobe, Joab ö̧jinemi, ölakwabikwawa jojodö la'aka tjuluwo̧ ö̧jobö. Ja̧danö ö'weje pjabato̧ Sadocnö 'da̧batö ujuninobe, Abiatar ö̧jinemi Diostjö jojodötjö ö'weje pjabato̧ otidobö.

Diosnö ösödo̧ Job mikwo̧ usula emawina jawa 22:9

ja̧danö jejenö omukwatö, tjilekwamunö wobekwinadönöbi, löyödönöbi sulabenö pjabatö̧kö̧ja. Tjilekwamu wobekwinadö ökwönö abebö tjichenama, iyökönö sulabenö a'dewö lobo̧ja, ja̧danö ju'wibi, okobe jwiinö löyödö tjujuna̧li̧bi, sulabenö 'döbebö emo̧ja.

1 Samuel 14:3

ja̧danö ju'wibi Diostjö jojodötjö tjö'da̧de pjabato̧ Ahias mikwo̧ma jobadökwö ö̧jinobe, Dios öba a'otjö 'duawa̧do̧ 'dubawö. Jo̧ba Ahiasma, Ahitob mikwo̧ itji̧, ja̧danö Ahitobma Icabod mikwo̧ öpöe. Ja̧danö Icabodbi, Ahitobbi Finees mikwo̧ itji̧mu, ja̧danö Fineesma, ajayinö Silo comunidadtjö Diostjö jojodötjö tjö'da̧de pjabato̧ Eli mikwo̧ itji̧. Jo̧ba Ahias mikwo̧bi, ju'wedö ölakwabikwawa jojodöbi Saulkwö tjö̧jinobe, jo̧kwaijayonö wajwitjinobe Jonatan tjöjelö laebaja̧ma.

1 Samuel 3:12

Ja̧ chi̧sebakwa̧ mölȩ badekwachenama, isabenö Elinöbi, ömöledönöbi lȩtebocha, ja'yubebi junibökönö okobe jwiinö yötawinadanö badekwachinö.

1 Samuel 4:2

Ja̧danö jobe janö, filisteo jojodötjö ölakwabikwawa jojodöma israel jojodötjö ölakwabikwawa jojodönö mebibö tjölakwabikwawinobe, ja̧danö tjölakwabikwawenama, israel jojodönö tjujuluwinobe, ja̧danö ölakwabikwawö israel jojodötjö ömadö cuatro mil jenanö kwabö lotjinobe.