1 Samuel 2:15 - Dios Iwene

¹⁵ Ja̧danö, jemi tupakwö baikwöbi sulabenö ja̧tji̧nobe Eli i̧tji̧muma. Ju'wikwenama, kwatjajökwe o̧te ina Diosnö iyö tjujuwapji, tjömöayo̧ma abönö 'yi̧ainobe iyo̧ ö̧jobekwö, ja̧danö iyakwo̧nö yöba̧liainobe baikwö: —Itebia ina o'di iyitjö, toköbaja̧ itebia öpöjöda tjö'da̧de pjabato̧ma, o'dida ösöda, söobö, —jö̧ba̧lö yöba̧liainobe Eli i̧tji̧mu tjömöayo̧ma.

1 Samuel 2:15 Iomraidhean Croise

Éxodo 12:9

Ja̧ itebiyama ja'yubebi o'diyinöma kukwaduwoko, ja̧danö toböbi toköbaduwoko itebiyama, söböda sököbaduwo. Ja̧danö, okobe deinö 'wibebö kwaköbaja̧duwawö̧nöma okobe jwiinö a̧tjȩba̧yedönö sököbaduwo, tjuubiyakwö, tjömasapiyakwö, tjö'yapiyukwöda.

Romanos 16:18

Jau chömöledö, jejenö ja̧badöma Duluwo̧ Cristo wei̧ma ja̧böködö chömöledö, sule idöda tjösödi̧da ja̧bö ju̧kwadö. Jobadöma wajwibadönö dösölö̧jinö yöba̧ladö, ja̧danö, jojodö tjösödi̧ jawa yöba̧ladö jojodö jobadö omöna yötja̧li̧ a̧ja̧kwö tjösödobö.

Filipenses 3:19

ja̧danö Dios ökwöla nöolanö lȩebakwawö̧ jobadöma chömöledö. Jobadöma jwaikwöda idöda tjösödi̧ jawada isakwadö, ja̧danö taba lö̧ji̧ jawa ösödadö, otiwa jö̧ba̧lö. Ja̧danö jwaikwöda böjȩ jawada omukwatadö jobadöma chömöledö.

Judas 1:12

Jobadönö baikwö yötawa: Wamenö otiwadödanö ichejekwö, jobadöma Duluwo̧ Jesúsnö omukwatö pjiesta bakobe ökwödökwö tjujunobe, jo̧kwaijayonö wamenö otiwadödanö tjichejekwijayonö, isabenö suli̧ waedadö tjö̧jobe. Baikwö wanedö yötawa: Ojwe teebe ba̧wa inawa, isowi töbö meajobö suli̧ waedawadanöbedö, jojodönö suli̧ waedö. Jau chömöledö, ökwödökwö pjiesta junö, taba jwiinö idöda tjö̧ji̧ jawada isakwadö, ju'wedönö omukwatökönö. Jojodönö otiwanö pjabatadösa jö̧ba̧lö yötja̧lijayonö, pjabatöködö. Wanedö yötawa: Ojwiyo'wo o̧bo jö̧a̧laja̧ waekwa'wo, o̧bökönö jelobekwö jwa̧lȩ'epjo e'ewa'wodanö ichejekwadö, ja'yubebi pjatjatokobetjö̧. Isabenö mikwawöködö tjö̧jobe, baikwö wanedö yötawa: Towinö wa̧ji̧ emö tjukwobö baibena, towi ina wa̧jökötjö̧ma mikwawokowi, ¿jö̧tö? Jejenö wa̧jokowidanö mikwawöködö, jo̧kwaijayonö jemi bajalekwönönöbi mikwawöködö, baikwö yötawa: Towi babe wa̧jokowi, tupakwö wa̧jitjö̧ma ina mikwawena, ¿jö̧tö? Jo̧kwaijayonö 'yebö töbebö lotjitjö̧ma la'akatjöda mikwawökawowi, ¿jö̧tö? Jejenöbedö ökwödönö sulabenö yöbawadöma chömöledö, dötölatajanö mikwawöködö. Towi wa̧jokowidanö mikwawöködö, ja̧danö jemi bajalekwönönö towi 'yebö töbebö lotjinowidanö bakobenö mikwawöködö.

1 Samuel 2:14

ja̧danö itebia tibatö wi'yekwaka pa̧laka'do̧ okwa tibatiainobe, okobe jwiinö tibatö wi'yebaja̧ma Diostjö jojodötjö tjö'da̧de pjabato̧ u̧kwa̧ baibanö. Jejenö ba̧kwelöjatebö ja̧biatjinobe Silo comunidadtjö, jojodö Diosnö kwabö juwö tjichenama.

1 Samuel 2:16

Jejenö yöalökwe Diosnö iyo̧ öpöjödö, —Teada̧li̧, abönö tjö'da̧de pjabato̧ o̧te ujuwobö jo̧be, ikenama okobe jwiinö kwösödi̧ kwemo, —jö̧ba̧lö ataditjö̧ma, —Jejenömaökö, babeda iyitjö, kwiyökötjö̧ma emöda chemocha, —jö̧ba̧lö atadiainobe sulabenö. Jobekwö Dios weina a̧ja̧kwökönö sulabenö ja̧biatjinobe Eli i̧tji̧muma.