1 Samuel 2:11 - Dios Iwene

¹¹ Jemi ikenama Elcanama ȩwa̧jinobe itebo Ramá comunidadbe ömöledökwö, jo̧kwaijayonö itji̧ Samuelma okobe Silo comunidadnö ö̧jibinobe, ja̧danö Eli öba a'otjö janö, Isabenö Jo̧ wei̧ otidö ö̧jinobe Samuelma.

1 Samuel 2:11 Iomraidhean Croise

1 Samuel 1:1

Bakwo̧ Elcana mikwo̧ ö̧jinobe, israel jojodötjö Efraínsaso jojodö tjitebonö, mösa'iju jena comunidad Ramánö. Jo̧ba Elcanama Jeroham mikwo̧ itji̧, ja̧danö Jerohamma Eliú mikwo̧ itji̧, ja̧danö Eliúma Tohu mikwo̧ itji̧, ja̧danö Tohuma Zuf mikwo̧ itji̧. Ju'wibi, efrateo jö̧ba̧lö ötjabawö̧tjö bi̧na jo̧ba Elcana mikwo̧ma.

1 Samuel 1:19

Jemi ikena möle, Elcanabi ömöledöbi yȩayi ala̧ibö yemidanö Isabenö Jo̧ öba a'otjö bȩbachibö tjösödinobe, ja̧danö ösödajadö, tjitebo Ramabe tjȩwa̧jinobe. Ja̧danö, Elcanama ilekwo Anakwö ö̧jinobe, ja̧danö Isabenö Jo̧ma Ana ajebina omukwatö metu'wo jö̧jobö weinobe,

1 Samuel 1:28

Jo̧kwajabetjö̧, bitenö 'da̧batö chujunajabe ina 'ya̧alayi ba̧kwelöjatebö Isabenö Jo̧ wei̧ otidö ö̧jobö, —jö̧ba̧lö yöja̧linobe Anama Elinö. Ja̧danö, jobe ja̧nö bȩbachibö Diosnö tjösödinobe.

1 Samuel 2:18

Samuelma, ina tjemu bo̧, Dios öba a'otjö otidö ö̧jinobe, tjö'da̧de pjabatadö 'dutjawi̧danö pjewö̧ka̧do̧ linotjö otikwa̧do̧ otiwa̧do 'dubawö.

1 Samuel 3:1

Ina tjemu ö̧jayi, Samuelma, Eli ömöayo̧danö ja̧nö Isabenö Jo̧ Dios wei̧ otidö ö̧jinobe. Ja̧danö, ja̧ mölȩma Isabenö Jo̧ma iteda yöawi̧ yöbawiainokobe nöinöma, ja̧danö jojodö tji̧'wi̧didanö tjedoböma webiainokobe nöinöma.

1 Samuel 3:15

Jemi ikenama, Samuelma camapjonö ö̧binobe dewachenanö baibanö, ja̧danö dewachenama, ba̧kwelöjatebö po̧bebajiadanö, Isabenö Jo̧ eju apjude po̧ebinobe. Jo̧kwaijayonö Samuelma Elinö Dios i̧'wi̧didanö yöawa̧ja̧ yöawobö öpöjödinobe, yeabobetjö̧.

1 Samuel 7:17

iteda ejube ȩwa̧jiainobe, Rama comunidadbe. Ja̧danö, jobe Ramatjöbi israel jojodönö jwebebö yöbawiainobe Samuelma, ja̧danö ju'wibi Ramatjö Isabenö Jo̧nö iyawöte mesasöte otidö ujuninobe Samuelma, jobe Ramatjö Diosnö kwabö juwö iyobö.