1 Samuel 19:5 - Dios Iwene

⁵ Ja̧danö filisteo jojo Goliatnö kwabö loina omukwati chabe'do, isabenö debö i̧'yo jö̧a̧linobe, Goliatma jwiinö juluwo̧ ö̧jinobetjö̧. Jo̧kwaijayonö iteda otiwanö ö̧jakwa̧ omukwatökönö, Goliatnö kwabö loobö i̧'yinobe, ja̧danö Davidnötjö̧ Isabenö Jo̧ma okobe deinö israel jojodönö dö̧jibanö otiwanö pjaatinobe. Ja̧ möle ökwöbi edö, kwo̧'wo ösödachibanö kwedijatö chabe'do, ¿jö̧tö? Jo̧kwajabetjö̧ tajawedö babe Davidnö kwabö loawa kwösöda chabe'do? Isabenö jo̧banö suli̧ kwöwaedoböma jwiobe chabe'do, isabenö ja'yubebi ökwönö sulabenö ja̧okobetjö̧, —jö̧ba̧lö.

1 Samuel 19:5 Iomraidhean Croise

2 Samuel 23:10

jo̧kwaijayonö jo̧ba Eleazarma döbibajökönö 'diinö ja̧nö ölakwabikwawinobe. Lekwe ölakwabikwawö, ba̧jȩkwadö filisteo jojodönö kwabawö loinobe, jobadönö ujuluwenanö kabatö. Lekwe ölakwabikwawö kwölöte'o do̧a̧lajabetjö̧, ömamu bulukanö 'diamachibinobe, kwölöte'o kaatökönö. Ja̧ möle jo̧banötjö Isabenö Jo̧ma jwiinö pjaatinobe israel jojodönö, tjöpöjojodönö tjujuluwobö. Ja̧danö ju'wedö israel jojodö ajayinö döbibajadö tjȩwa̧bijenama, filisteo jojodötjö ina 'yaba̧ladöma detjinobe ida̧ökö, ja̧danö sule Eleazar kwabö loajawö̧ tjiteada tjemobö ji̧nobe.

1 Crónicas 11:14

Eleazarma Davidkwö ja̧nö 'diinö ölakwabikwawö ö̧jinobe, tjöba a'otjö filisteo jojodö dötjibajenanö baibanö. Ja̧danö, jo̧banötjö Isabenö Jo̧ma otiwanö pjaatinobe israel jojodönö, filisteo jojodönö tjujuluwakobetjö̧.

1 Crónicas 11:18

Ja̧danö, jejenö yöa̧liawö̧, jobadö wamedukwa juluwadöma, filisteo jojodö tju̧ju̧kwemi tebachö, je'dotjö ojwiyo watjinobe, ja̧danö ichejebö, Davidnö tjiyinobe, owobö. Jo̧kwaijayonö jejenö tjiyökwe, owinokobe Davidma, Isabenö Jo̧nö iyawa baibanö nijinö sa̧bö yöa̧linobe,

Éxodo 14:13

Jejenö jwötjeba̧lökwe: —Chömöledö yekabiduwa. Kwo̧'woduwi 'dibachibö ja̧duwi. Makö kwedaduwakwedöja Isabenö Jo̧ ökwödö kwö̧jibaduwinö pjaati̧ma. Ja̧danö, kwö̧jibaduwinö pjaatobetjö̧ idö Egipto jojodö ichadö, babe kwedaduwawö̧nöma yemidanöma kwedaduwökakwawö̧.

Mateo 27:24

Pilatoma jojodö labinö jwötjeba̧lobe edö, öwaisinobe, Jesúsnö kwabö lotjoko jö̧ba̧lö yöta̧lijayonö, tja̧ja̧kwökena, ja̧danö atjebi̧danö ja̧tökötjö̧ma, ölakwabikwawö tjölabena jö̧ba̧lö. Jo̧kwajabetjö̧, ojwiyo tjichejebobö weinobe, ja̧danö jojodö tjöba a'o ja̧nö ömamiju dichawö jojodönö yöawinobe: —Bite ökwösobu chömamutjö dichö lobo̧sa. Jo̧ba woakwa̧ma ötjö ja̧ti̧maökö, ökwödö ja̧köbaduwi̧da— jö̧ba̧lö.

Mateo 27:4

ja̧danö jobadönö yöa̧linobe: —Sulabenö ja̧tajabe, sulabenö ja̧bö̧kö̧nö iyö lotjajabe, jo̧banö kwabö lotjobö— jö̧ba̧lö. Jejenö yöa̧liawö̧ tjatadinobe: —Jo̧kwada, do̧'wo̧ tjo̧achökö. Ja̧ sulabenö ja̧köbaja̧ma ökwöda jawa— jö̧ba̧lö tjatadinobe.

Juan 15:25

Ja̧danö, jobadöma damötjö Dios wei̧ wȩyudadö tjiwȩyudinadanöbedö. Baikwö laebobe Dios iwenetjö: Jojodöma, ötjönö tjöpöjödoböma jwiijayonö, tjöpöjödinobe, jö̧ba̧lö, tjiwȩyudinobe damötjöma. Ja̧danö ja̧ tjiwȩyudinadanö badekwachinö tjöpöjödobe ötjönöma, jö̧ba̧lö laebobe Dios iwenetjö— yöawinobe Jesúsma, Dios wei̧ wȩyudadö tjiwȩyudinama.

Hechos 20:24

Jau chömöledö, usula chemawena Jerusalénbe chȩwa̧jobema. Yayonö Jerusalénbe chȩwa̧jocha. Jejenö Jerusaléntjö usula chemawitjö̧ma usula chemawena. Isabenö yöta̧la. Ötjöma böjȩnö chö̧ji̧ wame jawama ba̧wa̧lö̧jinö edökösa. Ja̧ jawa mikwawökö chömöledö. Biya̧da ba̧wa̧lö̧jinö edo̧sa chömöledö: Otiwa wene yötawoböda ba̧wa̧lö̧jökwesa. Dios jojodönö lȩlö̧jino edö tjö̧jibinö pjaatinobe, jö̧ba̧lö, yötawoböda ba̧wa̧lö̧jökwesa chömöledö. Jejenö Duluwo̧ Jesúsma ötjö yötawoböda weijatö. Jo̧kwaobetjö̧ jo̧ba yötawobö weinama ¿dakwö yötawököjö? Yöbawo̧sa chömöledö. Ötjöma wotenanö baibanö yötawocha Dios weinama— yöbawijetö Pabloma.

Filipenses 2:30

Jau chömöledö, jo̧ba Epafroditoma, Cristo jawa otidobetjö̧, ö'wö baibo jö̧a̧linobe. Jau chömöledö, ökwödö Filipos jojodöma ötjönö pjakataduwobö jö̧ka̧linaduwijayonö, jelobe kwö̧jaduwobetjö̧, jo̧banöda weköbinaduwobe, kwimiduwinö ötjönö pjaato jö̧ba̧lö. Ja̧danö, ja̧ weköbaduwi̧ otidobetjö̧ ö'wö baibo jö̧a̧linobe, jo̧kwajabetjö̧ jo̧banö otiwanö kwomukwataduwonö chömöledö.

Jueces 12:3

Ja̧danö, –Efrainsaso jojodöma pjatjatökakwedö, –jö̧ba̧lö chöwaisachibenama, ökwödöda amonitas jojodönö dölakwabikwawobö chomukwatijatö. Jau, jobadönö ölakwabikwawö debö chi̧'yo jö̧ta̧linajayonö, yayonö amonitas jojodönö ölakwabikwawö chi̧'yijatö, ja̧danö Isabenö Jo̧ma otiwanö pjaatinobe, jobadönö chujuluwobö. Isabenö ötjönö kwödameakwawobö jwiobe, tajawedö ötjökwö kwölakwabikwawotö jö̧ba̧lö kwichaduwaja̧da? Sula, —jö̧ba̧lö atadinobe Jeftema.

Jueces 9:17

Jau, Gedeon otiwanö pjaatina omukwatö, kwö̧jaduwo jö̧ka̧laduwi̧danö Gedeonnöbi, ömöledönöbi dösölö̧jinö ösödö kwö̧jinaduwatjö̧ma, kwo̧'wo ösöwanö Abimelec ömöayedö kwö̧jaduwena, –Duluwo̧ma otiwo̧, –jö̧ba̧lö. Ja̧danö ju'wibi Abimelecma ökwödökwö o̧'wo ösöwanö ö̧jena, –Chömöayedö Siquen jojodöma otiwadö, –jö̧ba̧lö. —Jau, isabenö Gedeonnö otiwanö omukwatö kwösödaduwo jö̧ka̧linaduwobe, isabenö ökwödönö pjaatinobetjö̧. Ökwödö madianitas jojodötjö kwö̧jibaduwobö ölakwabikwawinobetjö̧, debö i̧'yo jö̧a̧linobe chabe'doma, jo̧kwaijayonö yayonö inesö labi̧ jawa baledö, kwö̧jibaduwinö pjaatinobe, jö̧tö? Ja̧danö jejenö pjaatiawö̧, otiwanö jo̧banöbi, ömöledönöbi kwösödaduwo jö̧ka̧laduwobe jö̧tö? Ja̧danö, isabenö otiwanö omukwatö, chabe'donö ösödö ja̧nö Abimelecnö kwuluwo̧duwi baibanö kwujuninaduwatjö̧ma, otiwanö kwö̧ja̧duwo jö̧ka̧laduwena. Jo̧kwaijayonö dösölöjinö ösödöködöja ökwödöma. Ökwödöma chabe'do ömöledönö öpöjödö, itji̧mu setentabedönö inawa bakwawatjö kwabö loköbaduwajabetija, ja̧danö kwabö lobajadö, chabe'do ömöayuju jitji̧ Abimelecnö kwuluwo̧duwi baibanö kwujunaduwajabe. Abimelecma kwömöledöso̧obetjö̧, jo̧banöda kwujunaduwajabe, ökwödö Siquen luwedötjö inesö la'aka luwo̧ baibanö, –Dömöledöso̧nöda dösöda, –jö̧ba̧lö.

1 Samuel 11:13

Yötja̧liökwe, Saulma atadinobe, —Ja̧maökö, babe möle dömöledötjö bakwo̧nöbi kwabö lodökakobe, Isabenö Jo̧ma isabenö babe möle otiwanö ökwödönö pjaatajabetjö̧, —jö̧ba̧lö.

1 Samuel 14:45

Yöa̧liawö̧, jojodöma tjöpöjödinobe, ja̧danö öpöjödö Saulnö yötja̧linobe: —Ja̧maökö, Jonatan debö i̧'yoböma jwiobe. Jo̧bada babe filisteo jojodötjö dö̧jibobö pjabatajo̧ma. Isabenö babe möle Jonatanma Dioskwö bakobe otidö, ökwödö israel jojodönö dö̧jibinö pjaatajabe, jo̧kwajabetjö̧ ja'yubebi jo̧banö kwaköbökakobe, öwö'yetjö bakwa'yebi tjoduwökönö. Jau, Isabenö Jo̧ yaba̧lo̧ ö̧ji̧ wenedanö, ju'wibi isabenö yödawakwö, Jonatannö kwabö lököbökakobe, —jö̧ba̧lö yötja̧linobe israel jojodöma, Jonatannö tjöbeba̧lö. Jejenö Israel jojodöma Jonatannö ö̧jibinö pjatjatinobe, debö i̧'yapji jö̧ba̧lö.

1 Samuel 19:6

Jonatan yöa̧liökwe, Saulma otiwanö a̧ja̧kwinobe, ja̧danö Jonatannö yöbawö ujuninobe, —Duluwo̧ Isabenö Jo̧ yabalo̧ ö̧ji̧ wenedanö, ju'wibi isabenö yötawakwö, Davidnö kwabö lotökakobe, —jö̧ba̧lö.

1 Samuel 20:32

Jö̧a̧lökwe, Jonatanma atadinobe, —Tajawedö jo̧banö kwabö lodobö? David sulabenö ja̧inama di̧ya? —jö̧ba̧lö.

1 Samuel 22:14

Aebökwe, Ahimelecma atadinobe, —Chuluwo̧, dakwö jo̧ba Davidnö kwöpöjojo jö̧ba̧lö chomukwatobö? Jo̧bama okobe deinö kwömöayedötjö, ju'wedötjö bajalekwönönö jwaikwöda weköbi̧ a̧ja̧kwö jo̧, ja̧danö ju'wibi ökwö kwo̧jo̧li, ja̧danö ju'wibi kwömöayedö ökwönö tjöbeba̧ladö tjuluwo̧, ja̧danö ju'wibi ökwöda kwejunö ju̧kwadö otiwanö omukwatö tjösödökwe Davidma.

1 Samuel 28:21

Jejenö meioko, jojosujuma Saul ö̧jobekwö ichibö jedinobe, jwiinö yeabobe jö̧ba̧lö. Ja̧danö, Saulnö yöja̧linobe: —Chuluwo̧, ötjö kwömöayujuma akebaja̧ cha̧ja̧kwajabe, akebaja̧ isabenö woawa labijayonö yayonö cha̧ja̧kwajabe.