1 Samuel 19:10 - Dios Iwene

¹⁰ Saulma otokwöte Davidnö ikwinobe, tjöekweminö ikwö tibatö önobö. Jo̧kwaijayonö Davidma döbibajö ö̧jibinobe, ja̧danö otokwöteda tjöekweminö söbibö ji̧nobe. Ja̧danö Davidma Saul öba a'otjö döibajinobe, ja̧danö ja̧ yö̧te Saul itebotjö̧ döibajinobe.

1 Samuel 19:10 Iomraidhean Croise

Proverbios 1:16

Jobadöma kabatökönö ju'wedönö sulabenö tjöwaedoböda isakwadö. Sulabenö omukwatadö, ja̧danö jo̧kwada omukwatökönö jojonö kwabö lobadö. Jobadökwö pjabachibö kwi̧'yoko.

Proverbios 21:30

Ja̧danö, ju'wibi yötawa: Isabenö Jo̧ma ökwödö domajadenö domukwati̧ma waiso̧. Ja̧danö, ökwödö jojodöma yöda̧lena, Ökwödöma jweinö omukwatadösa̧, ja̧danö, di̧ya sulojobö jö̧ba̧lö, di̧ya otiwojobö jö̧ba̧lö waisadösa, ja̧danö, baledakwa̧ma ajayinö omukwatadösa, jö̧ba̧lö. Jobekwö domukwatijayonö Isabenö Jo̧ma ökwödö domukwati̧ öpöjöditjö̧ma weena domukwati̧danö badekwachinö waekwobö. Isabenö ¿dakwö badekwachoböda ökwödö domukwati̧danö Isabenö Jo̧ma öpöjöditjö̧ma? Badekwachokobe.

Isaías 54:17

Ja̧danö, ötjö jobadönö otidinada ökwönö tjöbeba̧lo pjatatobetjö̧, okobe jwiinö ölakwabikwawa jawa tjotidi̧teniama, kwöba a'otjö suli̧ waekwakobe, ju'wi jawabi ökwönö suli̧ waedobö jwiakobe. Ja̧danö lȩekwa luwedö tjöba a'otjö, ju'wedö ökwönö wanedö yötja̧litjö̧ma, okobe deinö jobekwö wanedö yöba̧ladö yötja̧li̧ otiwanö i̧sȩbö kwatadakwujuja, —Omöna, lȩekwa yötjawobö jwia, —jö̧ba̧lö. Jobekwö pjabato̧sa ötjöda chömöayedönö Jerusalen, ja̧danö wene jwibadö tjö̧ji̧ i̧sȩkwama, ötjö tjuluwo̧ Isabenö Jo̧ Diostjö ichi̧, jö̧ba̧lö wanedö yöa̧lobe Diosma, Jerusalen comunidad jojodönö.

Mateo 10:23

Jau chömöledö, bakwöta comunidadtjö ökwödönö usula kwemawaduwinö ja̧tjenama, jobetjö döbibajö ju'wi comunidadbe 'ya̧duwi. Ja̧danö, isabenö yötawaduwakwö, okobe jwiinö Israel niji comunidadtenia jojodönö yöbawö kakataduwakwa̧ abönö, ötjö jojo baibanö jeminökwema yemidanö chichocha.

Lucas 4:30

Jo̧kwaijayonö, Jesúsma tjö'da̧denö baledibö, döbibajö jelobe i̧'yinobe.

Juan 10:39

Jejenö yöawawö̧ tjölabinobetjö̧ yemidanö do̧tjatobö jö̧tja̧lijayonö, do̧atakwawatjöma döibajinobe.

Hebreos 11:34

Ja̧danö, jobadötjö ju'wedöma Diosnö tjo̧'wo̧ tjöwana̧lobetjö̧ ökwöla nöolanö töbebö lotjajayonö ja'yubebi tjubibinokobe, Diosnö tjo̧'wo̧ tjöwana̧lobetjö̧. Ja̧danö, jobadötjö ju'wedöma tjöpöjojodö tibatö lotjo jö̧tja̧lijayonö titjatinököwö̧, Diosnö tjo̧'wo̧ tjöwana̧lobetjö̧. Ja̧danö, jobadötjö ju'wedö me'dawachibadöma Diosnö tjo̧'wo̧ tjöwana̧lobetjö̧ tjujuluwachibanö pjaatinobe Diosma jobadönöma. Ja̧danö, jobadötjö ju'wedö juluwöködödanö ichejekwadöma tjöpöjojodö 'böbabikwawö ichajadöma 'dötjibajinö tjujuluwinobe, Diosnö tjo̧'wo̧ tjöwana̧lobetjö̧. Yelösöda chömöledö, ba̧jekwadö tjuju̧kwinobe Diosnö tjo̧'wo̧ wana̧lö ju̧kwinadöma.

1 Samuel 18:10

Jemi ikena möle, Dios weökwe o̧'wo luwo̧ sulabo̧ Saulnö juluwanö ichibö, usula emawinö ja̧inobe, ja̧danö Saulma ejunö ja̧nö, o̧'wo jwibo̧ ja̧idanö ja̧inobe. Jejenö ja̧onö, ba̧kwelöjatebö pjei̧danö, Davidma Saul öba a'otjö arpa pjeinobe. Ja̧danö, jobe ja̧nö, Saulma otokwöte do̧ba̧lö ö̧jinobe,

1 Samuel 18:11

ja̧danö jöte do̧ba̧lö, Saulma omukwatinobe, —Bötenö Davidnö kwabö lotitjö̧ma, chö̧bemi ö̧bökena, böte ikwö, tjöekweminö ikwö tiachibanö chönocha, —jö̧ba̧lö. Ja̧danö jejenö omukwatö, Davidnö tiatotö jö̧ba̧lö, Davidnö ikwinobe, jo̧kwaijayonö jo̧batjö ö̧jibinobe Davidma. Jejenö dötölatajanö Saultjö ö̧jibinobe Davidma.

1 Samuel 19:6

Jonatan yöa̧liökwe, Saulma otiwanö a̧ja̧kwinobe, ja̧danö Jonatannö yöbawö ujuninobe, —Duluwo̧ Isabenö Jo̧ yabalo̧ ö̧ji̧ wenedanö, ju'wibi isabenö yötawakwö, Davidnö kwabö lotökakobe, —jö̧ba̧lö.

1 Samuel 20:33

Aebökwe, Saulma dameakwö itea otokwöte Jonatannö ikwinobe, itji̧ Jonatannö ö̧ja̧matekwobö. Jejenö ikwiökwe, Jonatan öwaisachibinobe, —Isabenö chabe'doma Davidnö kwabö loobö omukwatö ujunajabe, —jö̧ba̧lö.