1 Samuel 19:1 - Dios Iwene

¹ Okobe deinö otiwanö Davidnö tjösödiökwe, Saul öpöjödinobe, ja̧danö Davidnö kwabö loobö omukwatinobe. Jejenö omukwatö, itji̧ Jonatannöbi, okobe deinö ju'wedö yö̧ne ömöayedönöbi yöa̧linobe, —Davidnö kwabö lodobö jo̧be, —jö̧ba̧lö. Jejenö yöa̧liökwe, Saul itji̧ Jonatanma öpöjödinobe, isabenö jwiinö Davidnö osödobetjö̧.

1 Samuel 19:1 Iomraidhean Croise

Génesis 37:18

Ja̧danö, Joséma ödö ichobe edijadötö öpöedöma. Ichobe edö yöba̧lakwawijadötö, kwabö lotjotö jö̧ba̧lö:

2 Samuel 4:8

Jobe baledajadö, Hebronbe tjichibinobe, ja̧danö Isboset uu e'ewö tjiyinobe Davidnö. La'aka luwo̧ Davidnö iyö, yötja̧linobe baikwö: —Duluwo̧, kwöpöjojo Saul itji̧ Isboset uuma biyu diyakwö. Jau duluwo̧, damötjö Saulma ökwönö kwabö lootö jö̧ba̧lö isakwinobe, jo̧kwaijayonö babe möle Isabenö Jo̧ Diosma balekwa mikwa Saulnöbi, itji̧munöbi lȩebajabe, edi Isbosetnö kwabö lobajadö uu diyakwö, —jö̧ba̧lö.

1 Samuel 18:1

Jejenö Saulkwö yöa̧lakwawinobe Davidma, ja̧danö Saulma Davidnö 'da̧batö ujuninobe, iteda yö̧ne ömöayo̧ baibanö. Ja̧danö, ja̧ möle tupakwö, Saul weinokobe Davidnö, itebobe Belenbe ȩwa̧joböma. Ajayinö ȩwa̧jibö öji̧najayonö, ja̧ mölȩ tupakwö Saul ejutjöda yö̧ne ömöayo̧ ö̧jobö ösödinobe Saulma. Ja̧danö ju'wibi baledinobe ja̧ mölema. David Saulkwö yöa̧lakwawenama, Saul itji̧ Jonatanbi jobe ö̧jinobe, ja̧danö Davidnö öwaisachibenama, jwiinö Davidnö ösödinobe Jonatanma: —Isabenö bitema yö̧ne chömöledöso̧danöbo̧, —jö̧ba̧lö. Isabenö otiwanö ösödinobe Davidnö, iteda ösödakwawi̧danö.

1 Samuel 18:25

Saul weinobe: —Baikwö yökawaduwo Davidnö: Ba̧kwelatebö tjilekwamunö tjemakwedö midajitjadanö kwimidoböma öpöjöda Saulma, bi̧yada ösöda. Filisteo jojodö sulabenö ja̧tjina balekwa mikwa jobadönö kwabö loköboböda ösödobe. Ja̧danö Saul badedö omukwataja̧ möle baibakwa̧ abönö jobadö öpöjojodötjö cienbedönö kwabö lobö tjötade bajalesa̧do̧ 'wibebö kwichejebitjö̧ma, tjilekwamunö tjemakwedö midajitjadanö midawa ja̧kobe, jö̧ba̧lö yökawaduwo Davidnö, —jö̧ba̧lö weinobe Saulma. Jejenö webö, isabenö omukwati̧ma, —Filisteo jojodöma Davidnö kwabö lotjena, —jö̧ba̧lö omukwatö weinobe Saulma.

1 Samuel 18:3

Ja̧danö, Jonatanma Davidkwö isabenö otiwanö ösödabikwawö tjö̧jakwa̧ wene yöbawö tjujuninobe, —Ba̧kwelöjatebö, yö̧ne dömöledö ja̧nö ösödabikwawö dö̧jakwedösa, —jö̧ba̧lö.

1 Samuel 18:8

Jejenö lo̧tjiökwe, ödameakwinobe Saulma, ja̧danö yötja̧li̧ öpöjödö yöa̧linobe itedada, —Davidnö Diez milbedönö kwabawö lobo̧ jö̧ba̧lö yötja̧lonö, ötjö inesö la'aka luwo̧nö sule milbedönö kwabawö lobo̧ jö̧ba̧lö yötja̧lajabe, jejenö yötja̧li̧ma, ja'yubenö lekwajabetjö la'aka luwo̧ chö̧bemibi jo̧banö wetjobö jö̧tja̧lena, jo̧bada inesö la'aka luwo̧ baibanö, —jö̧ba̧lö omukwatinobe Saulma.

1 Samuel 18:9

Ja̧danö jemi ikenama Saulma Davidnö o̧'wo sulinö edinobe, —Chö̧bemi iteda ö̧bobö ösödena, —jö̧ba̧lö.

1 Samuel 19:2

Jo̧kwajabetjö̧ Jonatanma Davidnö yöawinobe, —Chabe'do Saulma ökwönö kwabö loobö isakwobe, jo̧kwajabetjö̧ ö'wiyakwawönö kwöjo. Itekwai yȩayi, jelobe ka̧putjö ju̧kwawö kwö̧jo.

1 Samuel 20:1

Jejenö Davidnö isakwö Saul ichibiökwe, Davidma Rama comunidad Naiot ötjabobetjö döibajinobe. Döbibajo̧, Jonatan ö̧jobekwö 'ya̧nö, Jonatannö abebö a̧ja̧kwinobe, —Taji ja̧tinada, kwabe'dö ötjönö öpöjödobö? Kwabe'doma ötjönö kwabö loobö isakwobe, jo̧banö sulabenö ja̧tinama di̧yada, jo̧banö sulabenö ja̧tinaji̧? —jö̧ba̧lö.

1 Samuel 20:19

Jo̧kwajabetjö̧, itekwayi dewachö yi̧benakwö, ajayinö wene ji̧nena kwuju̧kwawinemi kwu̧ju̧kwawo, inawa Ezel mikwawa pjeanö.