1 Samuel 18:7 - Dios Iwene

⁷ lo̧tjinobe baikwö: —Saulma otiwanö ba̧jȩkwadö döpöjojodönö milbedönö kwabawö loajabe, Ja̧danö Davidma otiwanö döpöjojodönö diez milbedönö kwabawö loajabe, —jö̧ba̧lö.

1 Samuel 18:7 Iomraidhean Croise

2 Samuel 18:3

Jo̧kwaijayonö, jejenö yöa̧liawö̧, tjöpöjödinobe David ömöayedöma, —Ökwödökwö lakeboko duluwo̧. Ökwödöma ölakwabikwawö dödibajitjö̧ma, ökwödönö lutjibökena, bidönö kwabö lodobö disakwö̧kö̧wö̧ jö̧ba̧lö. Ja̧danö ökwödönö ba̧jȩkwadönö kwabö lotjitjö̧ma, ja̧bi mikwawoko jö̧a̧lena jobadönö, sule bakwo̧nöda kwabö lotjobö tjisakwobetjö̧, ökwönöda. Jau duluwo̧, tjedemi ökwönö kwabö loawama, ökwödö Diez milbedönö kwabö loawatjö bajalekwönönö mikwawena. Jo̧kwajabetjö̧ ökwödökwö kwichoko duluwo̧, inesö tjisakwi̧ma ökwönöda tjisakwobetjö̧. Jau duluwo̧, otiwi̧ma, bada comunidadnö kwö̧jibobö, ja̧danö dölakwabikwawonö pjakatobö ji̧tjö̧ma, belö pjatjatakwedönö weköbena, —jö̧ba̧lö yötja̧linobe Davidnö.

2 Samuel 23:1

Davidma Isai itji̧, ja̧danö Dios ujuninökwe, inesö la'aka luwo̧ ö̧jobö. Jacobo ösödinökwe Dios omudawö ujuninökwe Davidma, israel jojodö la'aka tjuluwo̧ baibanö. Ja̧danö ju'wibi, Israel jojodötjö inesö otiwa jawa lo̧awa wȩyudo̧, jö̧ba̧lö ötjabinobe Davidnö. Baikwö laebobe David bajaleapo waisanö i̧wȩyudinama:

2 Samuel 6:5

Ja̧danö, kwetjachonö, Davidbi, okobe deinö ju'wedö israel jojodöbi tjo̧'wo ösöwachibanö Isabenö Jo̧ öba a'otjö kwetjachinobe, lo̧böbi, lo̧awa jawa arpabi, lirabi, panderetasbi, sistrosbi, cimbalosbi ökwöinö.

Éxodo 15:21

Ja̧danö, Maríama baikwö lo̧bijotö Isabenö Jo̧nö ösödö: —Isabenö Jo̧nö lo̧do öpöjojodönö jwiinö ujuluwajabetjö̧. Ka̧ba̧yu̧dönöbi, ka̧ba̧yu̧dönö wa̧jadönöbi o̧pesobunö o̧tja̧winö jabö loajabe— lo̧bijotö Maríama.

1 Samuel 21:11

Ja̧danö, jejenö ichibiawö̧, Aquis ömöayedöma tjöpöjödinobe, —Biteda ökwödönö kwawabö lobina, —jö̧ba̧lö. Ja̧danö tjuluwo̧ Aquisnö yötja̧linobe, —Bitema David mikwo̧, israel niji la'aka luwedötjö bakwo̧, ¿jö̧tö? Jo̧ba Davidnöda israel jojodö lo̧tjökwe, Saul milbedönö kwabawö lobo̧, ja̧danö Davidma diez milbenönö kwabawö lobo̧ jö̧ba̧lö ösödö, baile 'döbö lo̧tjökwe. Jo̧banö kwösödoko, kwömöayo̧ baibobö duluwo̧, —jö̧ba̧lö yötja̧linobe Aquisnö.

1 Samuel 21:12

Jejenö yötja̧liökwe, Davidma a̧ja̧kwö jwiinö yeabinobe, —Gat comunidad la'aka luwo̧ Aquisma, ötjönö pjabatökönö, kwabö loena, —jö̧ba̧lö.

1 Samuel 29:5

Kwo̧'wo jwikibaji̧ bite Davidnö lo̧tjinama? –Saulma otiwanö ba̧jȩkwadö döpöjojodönö milbedönö kwabö loajabe, ja̧danö Davidma otiwanö döpöjojodönö diez milbedönö kwabö loajabe, –jö̧ba̧lö lo̧tji̧nökwema bite Davidda. Jo̧kwajabetjö̧ wedökö, ökwödökwö kweachoböma, jalachibö ökwödönöda kwabö loapji jö̧ba̧lö, —yötjawinobe Aquisnö.