1 Samuel 18:5 - Dios Iwene

⁵ Ja̧danö, Saul ömöayo̧ ölakwabikwawa jojo ja̧nö, Davidma okobe jwiinö Saul wei̧ otiwanö otidinobe. Ja̧danö, kabatökönö ju'wedönöbi, ju'wedönöbi ölakwabikwawö ujuluwobö weena, otiwanö waekwökönö ujuluwinobe Davidma. Jo̧kwaiökwe, Saulma Davidnö ösödö ujuninobe, ölakwabikwawa jojodötjö la'aka tjuluwo̧ baibanö. Ja̧danö, ja̧ Davidnö luwo̧ baibanö ujunaja̧ edö, okobe deinö jojodöbi, ju'wedö Saul ömöayedöbi edö tjösödinobe, —Otiwanö Davidnö ujunajabe, —jö̧ba̧lö.

1 Samuel 18:5 Iomraidhean Croise

Génesis 39:23

Ja̧danö, Isabenö Jo̧ Diosma Josénö pjabatö ö̧jobetjö̧ okobe jwiinö José otidi̧ma otiwijetö. Jo̧kwaobetjö̧ jeju ba̧ja̧dadönö te'ada̧lo̧ma jeju okwa ji̧ma omukwatöbi omukwatijökötö, Joséma otiwanö otidobetjö̧.

2 Samuel 5:10

Ja̧danö ajayitjö bajalekwönönö nöinö ujuluwachibinobe Davidma, Okobe Jwiinö Juluwo̧ Isabenö Jo̧ Dios jo̧banö otiwanö pjaatobetjö̧.

2 Samuel 5:2

Isabenö ökwöda duluwo̧ kwö̧jobö jo̧be David, baikwö yöda̧la: Damötjö Saulmine duluwo̧ ö̧jayi, ökwöda ökwödötjö ölakwabikwawa jojodönö ökibijatö, döpöjojodönö dujuluwobö. Ja̧danö ökwönöda yöbawö ujuninobe Isabenö Jo̧ma, –Chömöledö israel jojodönö öbibö kwiteada̧lakwo̧ja, ja̧danö la'aka tjuluwo̧ kwö̧bakwo̧ja, –jö̧ba̧lö ökwönöda yöbawö ujuninobe. Jo̧kwajabetjö̧ isabenö inesö la'aka duluwo̧ kwö̧jobö jo̧be, —jö̧ba̧lö Davidnö yötja̧linobe.

Mateo 10:16

Tupakwö yöawinobe Jesúsma: —Chömöledö, isabenö labobe kwi̧'yaduwobö wetaduwakwö. Baikwö wanedö yötawa: Ökwödönöma o̧bȩja̧dönö wetobedanö ichejekwa, labidö tebo a̧wi̧li̧dö tjö'da̧de kwi̧'yaduwobö. Jo̧kwajabetjö̧, waisanö omukwatö kwö̧jaduwo, ja̧danö ju'wibi ja'yubebi jojodönö laböködö kwö̧jaduwo.

Hechos 7:10

José usula emawijayonö usula emawi̧tjö ö̧jibinö pjabatijetö Diosma. Ja̧danö, Egipto la'aka luwo̧ faraón, Josénö otiwanö edobö, Bitema waiso̧, jö̧ba̧lö, pjabatijetö Diosma. Ja̧danö, faraónma junijetö Josénöma iteda eju otikwa weawa jojo baibanö. Egiptonö ju̧kwadö tjuluwo̧ baibanöbi junijetö faraónma Josénöma—yöbawijetö Estebanma.

Efesios 5:17

Jo̧kwaobetjö̧ mikwawökö jawama ja̧köbaduwa chömöledö. Dios ösödi̧da ja̧bö kwöwaisachibaduwo jö̧ba̧laduwi.

Colosenses 4:5

Chömöledö, ju'wedö Cristonö ösödöködökwö ja̧bö kwö̧jaduwi̧ma waisanö omukwatö ja̧bö kwö̧jaduwo. Jobadönö Cristo jawa kwi̧sebaduwobö jȩnama, i̧sebö kwö̧jaduwo, jobadöbi tjö̧jibo jö̧ba̧lö.

Jueces 1:19

Isabenö Jo̧ma otiwanö pjaatinobe Judasaso jojodö tjöpöjojodönö tjujuluwobö, ja̧danö otiwanö mösa'iju jȩmi niji tjujuluwinobe, ja̧danö idöda tjitebo baibanö jobe tjö̧jobö tjeminobe. Jo̧kwaijayonö ba̧ba̧lawobe ju̧kwadönö ina tjujuluwinokobe ja̧ möle. Jobadönöbi tjujuluwo jö̧tja̧li̧jayonö waekwinobe, jobe ju̧kwadöma 'dii jawatjö otikwa kolukiya tjujuna̧lobetjö̧.

1 Samuel 13:2

La'aka luwo̧ baibaja̧ ikena, ja'yubenö lekwajabetjö, Saulma israel jojodötjö ömadö tres mil jojodönö omudawö ujuninobe, iteda ömöayedö ölakwabikwawa jojodö batjibanö. Ja̧danö, jobadötjö, dos mil jojodöma Saulkwö kwetjachinobe Micmas comunidadtjöbi, Betel comunidad yö̧ne mösa'ijutjöbi. Ja̧danö, Saul itji̧ Jonatankwö ju'wedö milbedö Benjamin niji Guibea comunidadnö tjö̧jinobe. Jobadö Saulkwöbi, Jonatankwöbi tjö̧jonö, okobe deinö ju'wedönö tjejukwena tjȩwa̧jobö weinobe Saulma.

1 Samuel 14:52

Ja̧danö, Saul yaba̧lo̧ ö̧jayi, ba̧kwelöjatebö ölakwabikwawö tjö̧jinobe israel jojodöbi, filisteo jojodöbi. Ja̧danö Saulma kabatökönö isakwinobe, itebo jojodötjö ölakwabikwawa juluwadönöma, ömöayedö ölakwabikwawa jojodö batjibanö tjö̧jobö. Ja̧danö itebo jojodötjö juluwadö yebaböködönö öbadekwajenama, ju'wedö ömöayedö ölakwabikwawa jojodökwö batjibobö öibinobe.

1 Samuel 18:16

jo̧kwaijayonö ju'wedö israel jojodöbi, David ömöledö Judasaso jojodöbi jwiinö Davidnö tjösödinobe, —Isabenö bitema otiwanö döpöjojodötjö dö̧jibanö pjabato̧, —jö̧ba̧lö.

1 Samuel 18:30

Ja̧danö, filisteo jojodöma kabatökönö israel jojodönö tjujuluwotö jö̧ba̧lö ölakwabikwawö tjö̧jinobe, ja̧danö ba̧kwelöjatebö jobadökwö ölakwabikwawö ö̧jenama, Davidma ju'wedö israel jojodö ölakwabikwawa luwedötjö bajalekwönönö waisanö ölakwabikwawö jobadönö juluwiainobe. Jo̧kwajabetjö̧, jejenö waisanö ujuluwiaiawö̧, okobe deinö jojodöma Davidnö otiwanö tjomukwatinobe, —Isabenö Davidma juluwo̧, ölakwabikwawa waiso̧, —jö̧ba̧lö.

1 Samuel 18:4

Ja̧danö Jonatanma, iteda wamesa̧do̧ la'aka luwedö 'duawa̧do̧ma Davidnö iyinobe, ja̧danö ju'wibi iteda itea ölakwabikwawa jawa iyinobe Davidnö, ölakwabikwawadö dutjawa̧do̧bi, kwölöte'obi, 'böpöbi, koleasö̧jȩbi Davidnö ösödö iyinobe.

1 Samuel 18:6

Jemi ikenama, filisteo jojodönö ölakwabikwawö kabatajadö, Goliatnö kwabö loaja̧ ikena, yemidanö comunidadbe tjȩwa̧jinobe. Ja̧danö ȩwa̧jö tjichibakwajibenama, israel jojodötjö ya̧döma lo̧böbi, baile döböbi latjebinobe, Saul ömöayedö ölakwabikwawa jojodökwö ȩwa̧jobe edö. Jobadö ya̧döma tjo̧'wo ösöwanö latjebinobe, ja̧danö pandero ötjabi̧ pjeböbi, ju'wi musika jawakwöbi, baile döbö

1 Samuel 3:19

Ja̧danö, jemi tupakwö Samuelma otiwanö ö̧da̧peachinobe, ja̧danö Isabenö Jo̧ma isabenö Samuelkwö ö̧jinobe. Ja̧danö Diosma isabenö pjaatinobe, okobe jwiinö Samuel yöawi̧danö badekwachinö baledobö, Samuel tupakwö baledakwa̧ jawa yöawi̧ma.