1 Samuel 18:23 - Dios Iwene

²³ Weawö̧, yötja̧linobe, ja̧danö yötja̧lökwe, Davidma atadinobe, —Isabenö otiwökena, bakwo̧ mikwawö̧kö̧ma inesö la'aka luwo̧ o̧jo̧li baibobö. Inesö la'aka luwo̧ o̧jo̧li ja̧kwawama isabenö otiwa, nöinö mikwawi̧ ji̧ jawa, jo̧kwaijayonö ötjöma chitea jwibo̧sa, ja̧danö mikwawö̧kö̧sa, —jö̧ba̧lö.

1 Samuel 18:23 Iomraidhean Croise

Génesis 29:20

Jokwaobetjö̧ Jacobma Labán wei̧ otidiabijetö jelemutjö dötölataja o̧biya baledibanö. Lekwijayonö juluwanö baledobe ichejekwijetö Jacobnöma, jwiinö ösödobetjö̧ Raquelnö.

Génesis 34:12

Ja̧danö, Dinanö chemi̧ mikwama, ja̧danö jömöledönö chimidi̧ma ökwödöda akebaduwotjö. Akebaduwi̧da chimidocha— jö̧ba̧lijetö Shequemma.

Proverbios 14:20

Ja̧danö, ju'wibi yötawa: Jojodöma okobe deinö tjöpöjödobe usula jojodönö, tjipjeanö ju̧kwadöbi. Jobekwö tjöpöjödokobe balada juna̧ladönöma. Ba̧jȩkwadö tjösödobe balada juna̧ladönö, balada jwitjenanö kabatö.

Proverbios 29:5

Ja̧danö, ju'wibi yötawa, wanedö: Bakwo̧ma ömöledöso̧nö o̧'wo̧ tjo̧achapji jö̧ba̧lö jo̧banöma jweinö yöbawökönö, otiwanöda yöa̧lobe. Ökwöma otiwo̧ja, otiwanö omukwato̧ja, jö̧ba̧lö yöa̧lobe, jweinöma yöbawökönö. Isabenö yötawa: Jobekwö yöa̧litjö̧ma yöa̧li̧ma omöna yöa̧li̧danö mikwawokobe. Ja̧danö, yöa̧li̧ma 'daliwa öni̧danö wanekwachobe, ömöledöso̧ma ö̧libobö jelobekwö omukwatö öbibö, jweinöda yöawokobetjö̧.

1 Juan 3:1

Chö̧ja̧wo̧dö, Dabe'do Dios ökwödönö jwiinö ile niebi̧ma domukwataduwo. Yelösöda jwiinö ile niebobe ökwödönö. Ja̧danö, jwiinö ile niebobetjö̧ ökwödönö öabobe, Chi̧tji̧mu, jö̧ba̧lö. Isabenö chö̧ja̧wo̧dö, ökwödöma Dios i̧tji̧musa. Jejenöijayonö böjȩ jawa ösödadöma ökwödönö edö omukwatöködö, Idöma Dios i̧tji̧mu, jö̧ba̧lö. Dios i̧tji̧mu döji̧ma wajwitjobe. Jobadöma Diosnöbi wajwitjobetjö̧ ökwödönö, Idöma Dios i̧tji̧mu, jö̧ba̧lö, tjomukwatokobe.

1 Samuel 18:18

Jejenö chitjijunö wetocha jö̧a̧liökwe, Davidma atadinobe, —Isabenö mikwawö̧kö̧sa, inesö la'aka luwo̧ o̧joli chö̧joböma. Ötjöma mikwawö̧kö̧sa, ja̧danö chömöledö chabe'dö a'dödöma, mikwawöködö israel nijitjöma, —jö̧ba̧lö atadinobe Davidma.

1 Samuel 18:22

Ja̧danö Saulma iteda ömöayedönö weinobe, ju'wedö wajwitjonö Davidnö yötja̧lobö, baikwö: —David, inesö la'aka luwo̧ma ökwönö ösödo̧, ja̧danö jo̧ba ömöayedöbi ökwönö ösödadö, jo̧kwajabetjö̧ itjijunö kwemobö jo̧be, —jö̧ba̧lö Davidnö yötja̧lobö weinobe Saulma.

1 Samuel 18:24

Yöa̧lawö̧, Saul ömöyaedöma tjuluwo̧nö yötjawinobe: —Davidma baikwö atadajabe, —jö̧ba̧lö. Ja̧danö yötjawökwe,

1 Samuel 9:21

Jejenö, —Ökwöda kwujuna̧lakwo̧ja, —jö̧ba̧lö yöawiökwe, —Ötjöma Benjaminsaso jojosa, ja̧danö Benjaminsasoma, okobe deinö israel jojodötjö baikwönönösasobedösa. Ja̧danö Benjamin jojodötjö, Chabe'do ömöledödöma ju'wedötjö baikwönönöbedösa. Jo̧kwajabetjö̧ tajawedö jejenö yöka̧laja̧da ökwödönö? —jö̧ba̧lö abebö a̧ja̧kwinobe Saulma.