1 Samuel 18:12 - Dios Iwene

¹² Davidnö edö, ja̧danö Dios Davidnö pjaati̧ edö, Saulma öwaisachibinobe, —Isabenö Jo̧ma Davidkwö jo̧, —jö̧ba̧lö. Ja̧danö, Dios O̧'wo Luwo̧ Saulkwö jö̧könö, Davidkwöda ja̧nö pjaatiökwe, Saulma Davidnö yeabinobe, —Bitema la'aka luwo̧ chö̧bi̧ 'döebena, —jö̧ba̧lö.

1 Samuel 18:12 Iomraidhean Croise

2 Samuel 5:10

Ja̧danö ajayitjö bajalekwönönö nöinö ujuluwachibinobe Davidma, Okobe Jwiinö Juluwo̧ Isabenö Jo̧ Dios jo̧banö otiwanö pjaatobetjö̧.

Mateo 25:41

Jemi ikenama wajwitobekwöchobe ju̧kwadönö yötawocha: Ökwödö sulabedöma chö̧jelö labebaduwi. Dios Awetjanöbi, iteda ömöayedönöbi lȩebobö Dios otidö ujuninola ökwöla nöolabe 'ya̧duwi, jobetjö Dios lȩebi̧tjö kwemaduwo jö̧ba̧lö.

Marcos 6:20

Herodesma yebabinö edijetö Juannöma, Bite Juanma, jweinö omukwatö jo̧, otiwanö ja̧bö jo̧, jö̧ba̧lö. Jo̧kwaobetjö̧ webijökötö kwabö lotjobö. Ja̧danö Juan yöawi̧bi ösödijetö Herodesma. Jo̧kwaijayonö yöawi̧ a̧ja̧kwö ösödijayonö do̧batibijökötö, ¿tajijö?, jö̧ba̧lö.

Lucas 8:37

ja̧danö yötjawiawö̧, jwiinö yetjaibinobe jojodöma. Ja̧danö, jwiinö yetjaibobetjö̧, okobe deinö gadarenos tjitebo jojodöma Jesúsnö atjebinobe, tjitebotjö laebajobö. Ja̧danö, atjebökwe, Jesúsma yemidanö isowinö a̧jibinobe, ȩwa̧jobö.

Hechos 24:25

Ja̧danö Pabloma yöbawijetö otiwanö ja̧bö tjuju̧kwi̧ jawama. Ja̧danö yöbawijetö, jojodö sulabenö ja̧tjobö tjomukwatena, Ja̧ tjomukwati̧ kabatibö ja̧bökönö ja̧tjo, jö̧ba̧lö, Ja̧danö, Pabloma yöbawijetö Dios jojodönö lȩekwa yöawi̧ möle baledakwa̧ma. Jejenö yöawiökwe Félixma jwiinö yebaibijetö. Yebaibö jö̧ba̧lijetö Pablonö: —Tjo̧wi̧ta. Da̧ji. Ju'wi möle, chotidawa jwiitjö̧ma yemidanö wetena kwichobö—jö̧ba̧lijetö.

Hechos 7:9

Ja̧danö, jobadö da'dödöminema, Jacob i̧tji̧muma, tjöjawo̧ Josénö tjo̧'wo̧ sulinö edijadötö. Tjo̧'wo̧ sulinö edö jo̧banö mikwanö jö̧ba̧lö iyijadötö ju'wedönö Egiptobe tje'ewobö, jobe Egipto la'aka luwo̧nö tjiyobö. Jo̧kwaijayonö Diosma Josékwö pjabatö ji̧jetö.

Jueces 1:19

Isabenö Jo̧ma otiwanö pjaatinobe Judasaso jojodö tjöpöjojodönö tjujuluwobö, ja̧danö otiwanö mösa'iju jȩmi niji tjujuluwinobe, ja̧danö idöda tjitebo baibanö jobe tjö̧jobö tjeminobe. Jo̧kwaijayonö ba̧ba̧lawobe ju̧kwadönö ina tjujuluwinokobe ja̧ möle. Jobadönöbi tjujuluwo jö̧tja̧li̧jayonö waekwinobe, jobe ju̧kwadöma 'dii jawatjö otikwa kolukiya tjujuna̧lobetjö̧.

Jueces 16:20

Jemi ikenama jwobö kaatenama, yemidanö Sansonnö jwöjeba̧linobe, —¡Sanson, filisteo jojodö ökwönö metjibobe! —jö̧ba̧lö. Ja̧danö wiluenama, wajwiinobe Sansonma, Isabenö Jo̧ jo̧ba ö̧jelö laebaja̧ma, ja̧danö omukwatinobe, —Ajayinö a̧la̧ibö a̧la̧chi'bo 'döbekwö lotinadanö, yemidanö wene jwiinö latebocha, —jö̧ba̧lö, jo̧kwaijayonö waekwinobe.

1 Samuel 16:18

—Weiökwe, ömöayedötjö bakwo̧ yöawinobe, —Chuluwo̧, bakwo̧nö chedijatö, Belen jojo Isai itji̧mutjö bakwo̧ arpa waiso̧nö. Jo̧bama arpabi waiso̧, ja̧danö yebabö̧kö̧. Isabenö ölakwabikwawa jawa waiso̧, ja̧danö yöa̧li̧ma, waisanö omukwatö yöba̧lo̧. Jo̧bama jwiinö otiwo̧, ja̧danö ju'wibi Isabenö Jo̧ otiwanö pjaatökwe, —jö̧ba̧lö yöawinobe.

1 Samuel 16:4

Yöa̧lökwe, Isabenö Jo̧ weaja̧danö ja̧inobe Samuelma, ja̧danö 'ya̧nö, Belenbe ichibinobe. Jejenö ichibiawö̧, Belen jojodötjö luwedöma yetjaibinobe, —Wene dujuna̧liökwe ichibajena, —jö̧ba̧lö, ja̧danö tjö̧bawö Samuel ö̧jobekwö 'ya̧nö abebö tja̧ja̧kwinobe, —Wene jwiinö kwichaji̧, —jö̧ba̧lö.

1 Samuel 18:15

Jejenö kabatökönö waekwökönö tjöpöjojodönö ujuluwiökwe, ajayitjö bajalekwönönö yeabinobe Saulma Davidnö,

1 Samuel 18:20

Ja̧danö, jeluju Saul itjiju Mical mikwujuma, nöinö Davidnö jösödinobe, ja̧danö ju'wedö Saulnö yötja̧linobe, —Kwitjiju Micalma Davidnö ösöduju, —jö̧ba̧lö. Yötjawökwe, Saulma ösödinobe,

1 Samuel 18:29

Jejenö edö, ajayitjö bajalekwönönö jwiinö yeabinobe Saulma, Davidnö, jo̧kwajabetjö̧ jemi tupakwö ba̧kwelöjatebö David öpöjojo ö̧jinobe Saulma.

1 Samuel 20:13

Ja̧danö ju'wibi isabenö yötawakwö David, chabe'do ökwönö suli̧ öwaedobö ösöditjö̧bi, ja̧bi isabenö yötawocha, belö labebö, wene jwiobekwö otiwanö dökibajobö, baikwö yötawa: Chabe'do ökwönö suli̧ öwaedobö omukwati̧ waisachibajo̧, ökwönö yötawökötjö̧ma, Isabenö Jo̧ Dios ötjö Jonatannö labinö lȩebobö jȩna. Jau David isabenö tojökönö yötawocha. Isabenö chösödi̧ma baikwö yötawakwö chömöledöso̧ David, Isabenö Jo̧ ökwökwö ja̧nö pjaatobö chösöda, bakwainö chabe'dokwö ja̧nö pjaatinadanö.

1 Samuel 22:13

Atadökwe, Saul abebö a̧ja̧kwinobe, —Tajawedö bakobe Isai itji̧kwö ötjönö suli̧ kwöwaedotö jö̧ba̧lö kwisakwobeda? Tajawedö chöpöjojo Isai itji̧nö pjabatö, pan iyöbi, kwölöte'o iyöbi kwiyinada? Ja̧danö tajawedö jo̧banö pjabatö, ja̧akwa̧ öwaisachibobö Diosnö abebö kwa̧ja̧kwinada? Jejenö pjakatökwe, ötjönö ujuluwobö isakwajabe, ja̧danö babema ju̧kwawö iteada̧lobe, wajwitonö mebibö ötjönö kwabö loobö. Tajawedö sulabenö jo̧ba chöpöjojonö pjakataja̧da? —Jö̧ba̧lö.

1 Samuel 28:15

Ikenama, Samuelma Saulnö yöa̧linobe, —Tajawedö sulabenö wiludö chöwawachobö weköbaja̧da? —jö̧ba̧lö. Abebö a̧ja̧kwökwe, Saulma atadinobe, —Jwiinö cho̧'wo tjo̧bekwö chö̧jobetjö̧, ökwönö jwötajabe. Filisteo jojodöma ötjönö ölakwabikwawö tjichajabe, ja̧danö Diosma abebö cha̧ja̧kwi̧ma atadö̧kö̧, chi̧'wi̧dinöbi, yöawi̧ yöbawadönötjö̧bi atadö̧kö̧. Jo̧kwaitjö̧, ökwönö jwötajabe, otiwanö ja̧takwa̧ yökawobö, —jöba̧lö.

1 Samuel 3:19

Ja̧danö, jemi tupakwö Samuelma otiwanö ö̧da̧peachinobe, ja̧danö Isabenö Jo̧ma isabenö Samuelkwö ö̧jinobe. Ja̧danö Diosma isabenö pjaatinobe, okobe jwiinö Samuel yöawi̧danö badekwachinö baledobö, Samuel tupakwö baledakwa̧ jawa yöawi̧ma.