1 Samuel 18:11 - Dios Iwene

¹¹ ja̧danö jöte do̧ba̧lö, Saulma omukwatinobe, —Bötenö Davidnö kwabö lotitjö̧ma, chö̧bemi ö̧bökena, böte ikwö, tjöekweminö ikwö tiachibanö chönocha, —jö̧ba̧lö. Ja̧danö jejenö omukwatö, Davidnö tiatotö jö̧ba̧lö, Davidnö ikwinobe, jo̧kwaijayonö jo̧batjö ö̧jibinobe Davidma. Jejenö dötölatajanö Saultjö ö̧jibinobe Davidma.

1 Samuel 18:11 Iomraidhean Croise

Proverbios 27:4

Ja̧danö, ju'wibi yötawa: Jwiinö dameakwo̧ma jojodönö lȩ lö̧jökönö edö labo̧. Yelösöda, jo̧ba dameakwo̧ma ödameakwi̧ tjöbeba̧lökönö jo̧, ödameakwi̧ma labinö ojwe usuwi̧danö usuwö dameakwö jwöeba̧lawö̧nö. Jao jo̧ba dameakwo̧ma jwiinö labo̧ijayonö, jo̧ba ölabi̧tjö bajalekwönönö labo̧ ö'wöyabikwawö jo̧ma. Yelösöda ö'wöyabikwawö jo̧ma jwiinö labo̧.

Isaías 54:17

Ja̧danö, ötjö jobadönö otidinada ökwönö tjöbeba̧lo pjatatobetjö̧, okobe jwiinö ölakwabikwawa jawa tjotidi̧teniama, kwöba a'otjö suli̧ waekwakobe, ju'wi jawabi ökwönö suli̧ waedobö jwiakobe. Ja̧danö lȩekwa luwedö tjöba a'otjö, ju'wedö ökwönö wanedö yötja̧litjö̧ma, okobe deinö jobekwö wanedö yöba̧ladö yötja̧li̧ otiwanö i̧sȩbö kwatadakwujuja, —Omöna, lȩekwa yötjawobö jwia, —jö̧ba̧lö. Jobekwö pjabato̧sa ötjöda chömöayedönö Jerusalen, ja̧danö wene jwibadö tjö̧ji̧ i̧sȩkwama, ötjö tjuluwo̧ Isabenö Jo̧ Diostjö ichi̧, jö̧ba̧lö wanedö yöa̧lobe Diosma, Jerusalen comunidad jojodönö.

Lucas 4:30

Jo̧kwaijayonö, Jesúsma tjö'da̧denö baledibö, döbibajö jelobe i̧'yinobe.

Juan 10:39

Jejenö yöawawö̧ tjölabinobetjö̧ yemidanö do̧tjatobö jö̧tja̧lijayonö, do̧atakwawatjöma döibajinobe.

Juan 8:59

Jejenö yöawiawö̧ jwiinö tjölabinobe judío jojodöma Jesúsnöma. Jwiinö tjölabobetjö̧ inawiya emibö tjikwawo jö̧tja̧lijayonö, Jesúsma ju̧kwawibö laebinobe Dios ejutjöma.

Hebreos 11:34

Ja̧danö, jobadötjö ju'wedöma Diosnö tjo̧'wo̧ tjöwana̧lobetjö̧ ökwöla nöolanö töbebö lotjajayonö ja'yubebi tjubibinokobe, Diosnö tjo̧'wo̧ tjöwana̧lobetjö̧. Ja̧danö, jobadötjö ju'wedöma tjöpöjojodö tibatö lotjo jö̧tja̧lijayonö titjatinököwö̧, Diosnö tjo̧'wo̧ tjöwana̧lobetjö̧. Ja̧danö, jobadötjö ju'wedö me'dawachibadöma Diosnö tjo̧'wo̧ tjöwana̧lobetjö̧ tjujuluwachibanö pjaatinobe Diosma jobadönöma. Ja̧danö, jobadötjö ju'wedö juluwöködödanö ichejekwadöma tjöpöjojodö 'böbabikwawö ichajadöma 'dötjibajinö tjujuluwinobe, Diosnö tjo̧'wo̧ tjöwana̧lobetjö̧. Yelösöda chömöledö, ba̧jekwadö tjuju̧kwinobe Diosnö tjo̧'wo̧ wana̧lö ju̧kwinadöma.

1 Samuel 20:33

Aebökwe, Saulma dameakwö itea otokwöte Jonatannö ikwinobe, itji̧ Jonatannö ö̧ja̧matekwobö. Jejenö ikwiökwe, Jonatan öwaisachibinobe, —Isabenö chabe'doma Davidnö kwabö loobö omukwatö ujunajabe, —jö̧ba̧lö.