1 Samuel 17:34 - Dios Iwene

³⁴ Yöa̧lökwe, Davidma Saulnö atadinobe: —Ötjö kwömöayo̧ma, ajayinö chabe'do ajwimu obejadönö teada̧lö chö̧jijatö. Ja̧danö, teada̧lö chö̧jena, didibadöbi ojwe yawidö ödöbaedöbi chajwimunö tjukwotö jö̧ba̧lö tjichibinobe. Ja̧danö, bakwo̧ didibaö̧kö̧, ojwe yawi̧ nöbo̧ö̧kö̧ chajwimutjö ja'yuwo̧nö emibenama,

1 Samuel 17:34 Iomraidhean Croise

Génesis 31:39

Ja̧danö, kwöwaisa, tebonö jo̧ ichö kwa̧jwi̧mutjö bakwo̧nö 'yö̧bö loitjö̧ma jo̧ba 'yö̧bö loajökwenö kwö̧jobekwö e'ewö chi̧sebobö jo̧be, Ötjö jawamaö̧kö̧, jö̧ba̧lö. Jejenö baledena balekwonö kwujunobö jo̧be. Jo̧kwaijayonö ökwöma weköbijatö ötjö cha̧jwi̧mutjöda balekwonö chujunobö jejenö baledena. Jo̧kwaobetjö̧ kwajwinö 'yö̧bö̧ loajökwenö e'ewöma i̧sebiachijökötö balekwonö kwujunobö. Ötjö cha̧jwi̧mutjöda balekwonö juniachijatö.

2 Samuel 17:8

Kwöwaisa kwabe'donöbi, ömöayedönöbi chuluwo̧, jobadöma jwiinö juluwadö ölakwabikwawa jawama. Ja̧danö, ju'wibi, babe baledaja̧ balediawö̧, labidö tjö̧jobe babema, baikwö wanedö yötawa, Ojwe yawi jitji̧munö 'dötjebioko labuju jö̧ji̧danö, babe labidö tjö̧jobe kwabe'dobi, ömöayedöbi. Ja̧danö ju'wibi chuluwo̧, kwabe'doma ölakwabikwawa jawa jwiinö waiso̧, ja̧danö babe yö̧te jo̧bama ju'wedö jojodökwö abökakobe.

2 Samuel 23:20

Ja̧danö, inesö juluwadötjö jelo̧, Cabsel comunidad jojo Joyada itji̧ Benaias mikwo̧. Jo̧babi, nöinö ujulu i̧sȩbinobe. Jo̧bama Moab niji jojodötjö inesö juluwadö, didibadanö juluwadö du̧ju̧tajanö ujuluwinobe. Ju'wibi, ju'wi möle tiyuwena, ojwiyo o̧bidanö nieve jawa mölejebetjö tjoduwenama, laju nöaju okwa a̧jibö, jobe jo̧ didibanö kwabö loinobe.

1 Crónicas 11:22

Ja̧danö, inesö juluwadötjö jelo̧, Cabsel comunidad jojo Joyada itji̧ Benaias mikwo̧. Jo̧babi, nöinö ujulu i̧sȩbinobe. Jo̧bama Moab niji jojodötjö inesö juluwadö, didibadanö juluwadö du̧ju̧tajanö ujuluwinobe. Ju'wibi, ju'wi möle tiyuwena, ojwiyo o̧bidanö nieve jawa mölejebetjö tjoduwenama, laju nöaju okwa a̧jibö, jobe jo̧ didibanö kwabö loinobe.

Lucas 2:8

Ja̧danö, jobe yöneawinö, mejetjö o̧bȩja̧dönö te'ada̧ladöma tjö̧jinobe, ja̧danö mejenö ja̧nö yö̧te tja̧jwi̧munö tjite'ada̧linobe.

Juan 10:11

Ina yöawinobe: —Ötjödasa, o̧bȩja̧dönö otiwanö te'ada̧lo̧ma. Ja̧danö chöpöjojodö tjichitjö̧bi kabatibö̧kö̧sa chite'ada̧lawö̧nöma, chöpöjojodö ötjönö kwabö lotjenatjö̧bi. Te'ada̧lo̧sa, kwabö lotjenatjö̧bi.

Romanos 5:4

Ja̧danö, juluwanö me'dawachiböködödanö dö̧jitjö̧ma, do̧'wo̧ luwo̧bi ujuluwachibena tupakwö. Jejenö ujuluwachibobetjö̧ yemidanö wene baibenama do̧'wo̧ tjo̧achökena, Biya̧bi ötjönö pjaati̧ jawa baibanö ja̧akwo̧ Diosma, jö̧ba̧lö.

Hebreos 11:33

Chömöledö, jobadöbi, jobadödanö ju̧kwadöbi, Diosnö tjo̧'wo̧ tjöwana̧lobetjö̧ jelobe ju̧kwadö tjöpöjojodökwö 'böbabikwawö 'ya̧jadö tjujuluwinobe. Ja̧danö, jobadötjö ju'wedöma jweinöda webö tjuju̧kwinobe Diosnö tjo̧'wo̧ tjöwana̧lobetjö̧. Ja̧danö, jobadötjö ju'wedöma Dios yöbawö ujunina, Chiyocha, jö̧ba̧lö, iyi̧ma tjeminobe, Diosnö tjo̧'wo̧ tjöwana̧lobetjö̧. Ja̧danö, jobadötjö ju'wedöma di̧di̧ba̧dönö tjöbadekwajenabi debö tji̧'yinokobe, Diosnö tjo̧'wo̧ tjöwana̧lobetjö̧.

Apocalipsis 13:2

Ja̧danö, jo̧bama wainö ichejekwo̧, yawidanö. Ja̧danö, ömasapiya waya ömasapadanö lö̧kwe, nöbo̧, inejebiyabi ödöbo̧. Ja̧danö, aama didiba aadanö lö̧kwe. Ja̧danö, toba'dadanöso̧ma iteda ujulu iyo̧ ojwe okwatjö labebajo̧nöma, jojodönö weobö, inesö la'aka luwo̧ ba̧kwawakanö ba̧nö.

Jueces 14:6

Jejenö Sansonnö meibenama, Isabenö Jo̧ o̧'wo luwo̧ma juluwanö Sansonkwö ichibinobe, ujuluwachibanö, ja̧danö didiba meibiökwe, Sansonma ömamunöda do̧batö 'yadebö loinobe didibanö. Didiba jwiinö ujuluwijayonö, jojodö chivo ja'yuwo̧ iteba'o 'yadebö lotji̧danö, didibanö 'yadebö loinobe. Jo̧kwaijayonö jejenö didibanö kwabö loajayonö, abe'donöbi, ojo'donöbi yöawinokobe Sansonma.

1 Samuel 17:15

Davidma ju'wikwena Saulkwö, ju'wikwena abe'do ajwimu obejadönö teada̧lö ö̧jinobe.

1 Samuel 17:33

Yöa̧lökwe, Saul atadinobe, —Ökwöma jo̧ba filisteo jojokwö kwölakwabikwawoböma jwibo̧ja, ökwöma ina möayo̧köba, jo̧kwaijayonö jo̧bama ida̧ökö lekwe möle ölakwabikwawö jo̧. Möayo̧ ö̧jayitjö̧ baikwö bajalenö ba̧kwelöjatebö ölakwabikwawö ö̧jajabe Goliatma, isabenö ökwötjö bajalekwönönö juluwo̧ jo̧bama, —jö̧ba̧lö.

1 Samuel 17:35

ötjöma lubö kwabiachijatö, chajwi ö̧jibinö. Ja̧danö, kwatajökwe, döbibajökönö ötjönö meibitjö̧ma, öwö'ye aka teebesa'ye do̧batö, 'dobö lobiachijatö.