1 Samuel 17:11 - Dios Iwene

¹¹ Jejenö yöa̧liawö̧, Saulbi, okobe deinö ju'wedö israel jojodöbi jwiinö yetjaibinobe, ite filisteo jojonö dakwö dujuluwakwajö jö̧ba̧lö.

1 Samuel 17:11 Iomraidhean Croise

Proverbios 28:1

Bemi tupakwö laebakwa̧ma inesö la'aka luwo̧ Ezequías ömöayedöma ju'wi Salomón iwȩyudina eda̧lö tjiwȩyudina, Salomón woinobe okobe lekwinemi. Ja̧ tjiwȩyudinama baikwö laebobe, Salomón yöawina: Isabenö yötawa: Sulabenö ja̧bö ju̧kwadöma yebabinö döbibajadö, ökwödönö do̧batö tjicha, jö̧ba̧lö. Jobadönö do̧tjatobö ichadö deijayonö, tjicha döbibajo, jö̧ba̧lö yebabinö döbibajadö. Jobekwö yetjabokobe Dios wei̧ a̧ja̧kwadöma. Yebaböködö. Didiba möayo̧ juluwo̧ didibadanö yebaböködö.

Isaías 57:11

Chömöledö israel jojodö, tinö yekabinaduwada? O̧'wo jawa jwiinö yekabiduwobetjö ötjönö omöna yöka̧laduwaji̧? Tajawedö ötjönö kwo̧'woduwi jwikibaduwaja̧da, ja̧danö, —Dios ösödi̧ma di̧yajö, —jö̧ba̧lö tajawedö omukwatökönö kwö̧jaduwobeda? Lekwe möle ötjöma wi̧inö ja̧nö, ökwödönö lȩbebökönö chiteada̧lobetjö̧, ötjönö yebaböködö bakibaduwaji̧?

Deuteronomio 31:8

Ja̧danö, baikwö yötawakwö Josue, Isabenö Jo̧ Diosda kwabönö i̧'yakwo̧ma, jo̧bama ökwökwö ö̧jakwo̧, ja̧danö la'akatjöda waekwökakwo̧, ja̧danö la'akatjöda ökwönö le'dedibö loökakwo̧, jo̧kwajabetjö̧ yebabinö kwö̧joko, ja̧danö –Dakwö dichibakwajö, –jö̧ba̧löma omukwatö kwö̧joko, —jö̧ba̧lö yöawinobe Moisesma Josuenö.

Josué 1:9

Jau Josue, wetaja̧danö yemidanö wetakwö, Kwujuluwachibanö yebabökönö kwö̧jo. Kwöpöjojodö tjöba a'o ja̧nö, yebabinö tjö̧bawöma kwö̧joko, ötjö kwösödökwe Isabenö Jo̧ Diosma okobe jwiinö kwekachi̧tenia ökwökwö chö̧jobetjö̧, —jö̧ba̧lö yöa̧linobe Isabenö Jo̧ma, Josuenö.

1 Samuel 13:7

Ja̧danö ju'wibi, jobadötjö ju'wedö döbibajö, Jordan ojwe lȩ'dakwemi pebibö, Gad nijibebi, Galaad nijibebi dötjibajinobe. Jobadö dötjibajonö, Saulma Gilgal comunidadnö ö̧ji̧binobe, ja̧danö ju'wedö döbibajöködö jojodöma Saulkwö tjö̧bawö tjö̧jinobe, yebabinö.

1 Samuel 17:10

Jejenö yöta̧laduwakwö ökwödö israel jojodönö, isabenö yebaböködö kwö̧jaduwitjö̧ma, yöta̧laja̧danö bakwo̧nö webaduwi, ötjökwö ölakwabikwawö kwakwaakwo̧ma, —jö̧ba̧lö yöa̧linobe jo̧ba Goliatma, israel jojodönö.

1 Samuel 17:12

Davidma Isai itji̧, ja̧danö Isaima Efrateo ötjabawö̧tjö bakwo̧. Ja̧danö, ju'wibi Juda niji comunidad Belen jojo. Isaima i̧tji̧mu ömadönö jelemutjö̧ wamedukwanö ujuna̧linobe, ja̧danö Saul ö̧jina möle, ida̧ökö pöe ö̧jinobe Isaima.

1 Samuel 21:13

Ja̧danö, jejenö omukwatö, ajayinö ja̧aja̧ balewö lobö, o̧'wo jwibo̧ ja̧i̧danö tjöba a'o i̧sȩbinobe, bitema omukwati̧ jwibo̧ jö̧ba̧lö tjomukwatakobetjö̧. O̧'wo jwibo̧ ja̧idanö ja̧bö, apjudenö wȩyudö, ja̧danö aasobu aasa'yenö toinö, tjöba a'o i̧sȩbö ja̧inobe.

1 Samuel 7:7

Ja̧danö, jobe Mizpanö tjö̧jonö, filisteo jojodöma tja̧ja̧kwinobe, —Israel jojodöma Mizpanö ko̧ko̧kwö ju̧kwadötö, —jö̧ba̧lö, ja̧danö jejenö a̧ja̧kwajadö, filisteo jojodö la'aka tjuluwedöma tjömöayedö ölakwabikwawa jojodökwö Mizpabe tji̧'yinobe, jobadönö tjujuluwobö. Jejenö tjichiawö, yetjaibinobe israel jojodöma,