1 Samuel 16:4 - Dios Iwene

⁴ Yöa̧lökwe, Isabenö Jo̧ weaja̧danö ja̧inobe Samuelma, ja̧danö 'ya̧nö, Belenbe ichibinobe. Jejenö ichibiawö̧, Belen jojodötjö luwedöma yetjaibinobe, —Wene dujuna̧liökwe ichibajena, —jö̧ba̧lö, ja̧danö tjö̧bawö Samuel ö̧jobekwö 'ya̧nö abebö tja̧ja̧kwinobe, —Wene jwiinö kwichaji̧, —jö̧ba̧lö.

1 Samuel 16:4 Iomraidhean Croise

Génesis 35:19

Jejenö wobijotö Raquelma, ja̧ mölema. Wobajujunö o̧tjijetö Efrata comunidad, babe mölȩ Belen mikwemi 'ya̧kwawama ö'öbö. Babebi ja̧ma mana Jerusalénbe dötewama.

Génesis 48:7

Ina yöbawijetö: —Chitji̧, kwojo'donö Raquelminenöma omukwatö kwi̧tji̧mu Efraínnö, Manasésnö 'da̧batö chujuna, ötjö chi̧tji̧mu̧, jö̧ba̧lö. Jobujuma ¡Ju'wedö ji̧tji̧munö 'yajebinowe! Damötjö, Mesopotamiatjö dȩwa̧jemi ja'ötjö jobujuma ö'wö bajibijatö, Canaán niji Efrata comunidad yö̧neawelö. Ö'wö bajibitjö̧ ¡chilekwowe! jö̧ba̧lö, jwiinö cho̧'wo tjo̧tekwijatö. Wobajunö jenada cho̧tjijatö, Efrata comunidad 'yakwawama ö'öbö— yöbawijetö Jacobma Josénö. Babe mölema ja̧ comunidadma Efrata, jö̧ba̧lö, ötjabokobe, Betél, jö̧ba̧lö ötjabobe.

2 Samuel 6:9

Ja̧danö ja̧ möle Isabenö Jo̧nö yeaibinobe Davidma, —Yetabi, chitebo Jerusalenbe che'ewökako̧sa Isabenö Jo̧ iteapjoma, —jö̧ba̧lö.

1 Reyes 17:18

Jejenö ö'wö baibioko, Eliasnö yöja̧linobe, —Ökwö Dios ömöayo̧ma, tajawedö ötjönö suli̧ kwöwaedaja̧da? Sulabenö ja̧tinobetjö̧, ja̧ sulabenö ja̧tina i̧sȩbö, ötjönö lȩbebö chitji̧ ö'wö baibobö weköbaji̧? —jö̧ba̧lö.

1 Reyes 2:13

Jemi ikenama, baikwö baledinobe: Adoniasma Solomon ojo'do Betsabenö yöa̧lobö ichinobe. Ichibioko, abebö ja̧ja̧kwinobe, —Kwichaja̧ma, wene jwöbebökönö kwichaji̧? —jö̧ba̧lö abebö ja̧ja̧kwökwe, —Jau, wene jwia, —jö̧a̧linobe.

2 Reyes 9:22

Ja̧danö, Jehunö tjöbadekwajenama, —Jehu, wene jwiiji̧? —jö̧ba̧lö abebö a̧ja̧kwinobe Joramma. Abebö a̧ja̧kwökwe, —Wene jwibö dö̧joböma jwiobe la'akatjöda. Kwojo'do Jezabel jwaikwöda sulabenö diosböködönö ösödö jö̧jonö, ja̧danö jwaikwöda mea bobö jö̧jonö, dakwö wene jwiinö dö̧jobö? —jö̧ba̧lö atadinobe Jehuma.

Lucas 2:4

Ja̧danö, emperador jejenö weibiökwe, Joséma a'dömine David itebo comunidad Belenbe wȩyukwö i̧'yobö ji̧nobe, Joséma Davidmine itji̧ tupadanö jojoinobetjö̧. Jo̧kwajabetjö̧, itebo Galilea niji comunidad Nazarettjö labebö, Judea niji comunidad Belenbe i̧'yinobe jobetjö iwȩyukwobö,

Lucas 5:8

Jejenö baibiawö̧, Simónbi, jo̧bakwö otidajibadö Zebedeo i̧tji̧mu Jacobobi, Juanbi, ju'wedö Simónkwö ju̧kwadöbi tjöbajale jalaka baibanö tjedinobe, Ayö, bitema ¿tijö? ¿Dakwö jejenö beiso̧jö? ¿Dakwö ba̧jekwadönö jwodobö weajö? jö̧ba̧lö. Ja̧danö Simónma Jesús öba a'o bȩbachibö, u̧yu̧ku̧nö bamatö Jesúsnö yöa̧linobe: —Chuluwo̧, ötjöma sulabenö ja̧bö jo̧chobetjö̧ ökwökwö chö̧joböma jwibo̧sa, jo̧kwajabetjö̧ ötjötjö 'da̧bachibö 'ya̧wi— jö̧ba̧lö aebinobe Simónma Jesúsnö. Jejenö aebökwe, Jesúsma Simónnö atadinobe: —Yebabökönuwi Simón. Baikwö wanedö yötawakwö: Babe ba̧i̧ jwobö kwotidajabema, isabenö bemi tupakwöma jojodönöda jwobö kwotidakwo̧ja— jö̧ba̧lö.

Lucas 8:37

ja̧danö yötjawiawö̧, jwiinö yetjaibinobe jojodöma. Ja̧danö, jwiinö yetjaibobetjö̧, okobe deinö gadarenos tjitebo jojodöma Jesúsnö atjebinobe, tjitebotjö laebajobö. Ja̧danö, atjebökwe, Jesúsma yemidanö isowinö a̧jibinobe, ȩwa̧jobö.

1 Samuel 21:1

Jonatan ö̧jelö labebajo̧, Davidma Nob comunidadbe ichibinobe, ja̧danö Diostjö jojodötjö tjö'da̧de pjabato̧ Ahimelecnö edö i̧'yinobe. Jejenö ichibiökwe, taji waekwajö jö̧ba̧lö, Ahimelecma yebabinö Davidnö edö laebinobe, ja̧danö Davidnö abebö a̧ja̧kwinobe, —Taji waekwa, tajawedö jo̧dawa'yeda kwichaja̧da? —jö̧ba̧lö.