1 Samuel 16:12 - Dios Iwene

¹² Weökwe, itji̧ bajalia jojonö öbibö tji̧'yobö weinobe Isaima, ja̧danö Isai itji̧ bajalia jojo David mikwo̧nö tjichejebinobe. Jo̧banö edö, Samuelma ö'wöchö̧kö̧ otiwanö duwo̧nö edinobe, öbajalebi, itebiabi otiwo̧nö. Ja̧danö, Isabenö Jo̧ma Samuelnö weinobe, —Biteda omudawö chujunökwema, a̧la̧ibi, uunö o̧tesobu tobebi, omudawö chujunaja̧ wene i̧sebö.

1 Samuel 16:12 Iomraidhean Croise

Génesis 39:6

Ja̧danö, Potifarma okobe jwiinö itea, iteda otikwa, ja̧danö, ju'wi jawa, ju'wi jawabi Josénöda ite'ada̧lobö webijetö. Ja̧danö, ja'yubebi omukwatijökötö iteda jawama, Josénöda webö. Kwakwawa ukwakwa̧da omukwatijetö. Ja̧danö, Joséma ujulubi juluwijetö, otiwi̧bi jwiinö otiwijetö.

2 Samuel 23:1

Davidma Isai itji̧, ja̧danö Dios ujuninökwe, inesö la'aka luwo̧ ö̧jobö. Jacobo ösödinökwe Dios omudawö ujuninökwe Davidma, israel jojodö la'aka tjuluwo̧ baibanö. Ja̧danö ju'wibi, Israel jojodötjö inesö otiwa jawa lo̧awa wȩyudo̧, jö̧ba̧lö ötjabinobe Davidnö. Baikwö laebobe David bajaleapo waisanö i̧wȩyudinama:

2 Samuel 7:8

Tupakwö yöawinobe Diosma, Natan Davidnö yöawakwa̧ma: —Jo̧kwajabetjö̧, baikwö yökawo chömöayo̧ Davidnö: –David, baikwö yöawobe Isabenö Jo̧ Okobe Jwiinö Juluwo̧ Diosma ökwönö, Ayayinöma mejenö ja̧nö, obejadönö teada̧lö kwö̧jijatö, jö̧tö? Jo̧kwaijayonö jobe mejetjö ökwönö omudawö chemijatö, ja̧danö emajo̧, ökwönö chujunijatö, chömöledö israel jojodötjö inesö la'aka tjuluwo̧ bakibanö.

1 Reyes 1:34

Jobe Guijon ojwese'dotjö, ö'weje pjabato̧ Sadocbi, Dios yöawi̧ yöbawo̧ Natanbi Salomon uunö o̧te totjebakobe, –Isabenö bite Salomonda israel jojodö la'aka tjuluwo̧ baibajabe, –jö̧ba̧lö. Ja̧danö trompeta, pjuköbaduwobö jakobe, –Lekwe möle Salomon la'aka duluwo̧ ö̧jobö dösöda, –jö̧ba̧lö.

Éxodo 2:2

Ja̧danö, jobujuma jitji̧nö 'yabebijotö. Ja̧danö, jemajökwenö jedemi jwiinö otiwioko tojijotö ja̧wo̧dö wamedukwa jenanö, öwawatökönö, ojwe okwa lotjapji jö̧ba̧lö. Ja̧danö, ja̧wo̧dö wamedukwa jenanö

Hechos 4:27

Ina abebijadötö: —Dios, döwaisa ja̧ yökawinama tjo̧wi̧ baledinobe. La'aka luwedöma, Herodes mikwo̧, Pilato mikwo̧ benada tjoko̧ko̧kwinobe israel jojodökwöbi, israel jojodöböködökwöbi. Jobadöma Jesúsnö kwabö loawa wetjobö ko̧ko̧kwa̧lö tjomukwata̧linobe. Ökwö weköbina ja̧bo̧nö, suli̧ jwibo̧nö, ökwö yöbawö kwujuninökwe Jesúsnö kwabö loawa wetjobö ko̧ko̧kwa̧lö tjomukwata̧linobe jobadöma.

Hechos 7:20

Ja̧ möle bakwujuma tjemunö emijotö. Jo̧ba tjemuma Moisés mikwijetö. Jo̧bama otiwijetö yelösöda. Ja̧wo̧dö wa̧medukwanö ojo'doma jo̧banö tojibö bötjatijotö, jobadö tjejutjöma.

Hebreos 11:23

Ja̧danö chömöledö, omukwataduwi da'dömine Moisés ojo'do, abe'do Diosnö tjo̧'wo̧ wana̧lö tjö̧jinama. Moisés ojo'dobi, abe'dobi Diosnö tjo̧'wo̧ wana̧lö tjö̧jobetjö̧ itji̧nö jemajökwenöma tojö lotjinobe, Egipto jojodö kwabö lotjapji jö̧ba̧lö. Chömöledö, tjitji̧nö edö, Isabenö bite ditji̧ma otiwo̧, wainö jo̧, jö̧ba̧lö, ja̧wo̧dö wa̧medukwanö tjöwawatinokobe. Diosnöda ösödö, la'aka luwo̧ wei̧ a̧ja̧kwökönö tjitji̧nö tjotojinobe, yebabökönö.

1 Samuel 16:18

—Weiökwe, ömöayedötjö bakwo̧ yöawinobe, —Chuluwo̧, bakwo̧nö chedijatö, Belen jojo Isai itji̧mutjö bakwo̧ arpa waiso̧nö. Jo̧bama arpabi waiso̧, ja̧danö yebabö̧kö̧. Isabenö ölakwabikwawa jawa waiso̧, ja̧danö yöa̧li̧ma, waisanö omukwatö yöba̧lo̧. Jo̧bama jwiinö otiwo̧, ja̧danö ju'wibi Isabenö Jo̧ otiwanö pjaatökwe, —jö̧ba̧lö yöawinobe.

1 Samuel 17:42

Ja̧danö yö̧ne ichibö, Davidnö edö öpöjödinobe, —Bitema juluwö̧kö̧, möayo̧, —jö̧ba̧lö. Davidnö edö, otiwo̧nö edinobe, öba otiwanö duwo̧nö edinobe, ina möayo̧.

1 Samuel 17:55

Ajayinö David Goliat ö̧jobekwö i̧'yenama, Saulma edö abebö a̧ja̧kwinobe ömöayo̧ ölakwabikwawa jojodö tjuluwo̧ Abner mikwo̧nö, —Abner, bite Davidma ti itji̧da? —jö̧ba̧lö. Aebökwe, Abner atadinobe, —Wajwita chuluwo̧, isabenö yötawakwö, David abe'donö wajwita, —jö̧ba̧lö.

1 Samuel 9:17

Ja̧danö, Samuel Saulnö edenama, Isabenö Jo̧ma jo̧banö yöawinobe, —Edi, biteda mada ökwönö yötawinökwema. Biteda chömöledö israel jojodö tjuluwo̧ baibanö jobadönö jweebakwo̧, —jö̧ba̧lö.