1 Samuel 15:9 - Dios Iwene

⁹ Ju'wedö jojodönö kwabawö lotjinajayonö, Saulbi, ömöayedö ölakwabikwawa jojodöbi la'aka luwo̧ Agag mikwo̧nö kwabö lotjinokobe, ja̧danö ju'wibi, tjajwimutjö otiwadönö kwabawö lotjoböma tjöpöjödinobe. Amalecita jojodö tjajwimu 'dalukadönö, ja̧danö ju'wedö tjöpöjödawö̧nö kwabawö lotjinobe, jo̧kwaijayonö tjajwimutjö inesö otiwadö, obejadönöbi, pa̧kayadönöbi, o̧tewadö ja̧danö ju'wedö tjösödawö̧nöbi kwabawö lobökönö, idöda tjajwimu batjibanö tjeminobe.

1 Samuel 15:9 Iomraidhean Croise

2 Samuel 6:13

Baikwö laebobe Isabenö Jo̧ iteapjo tjichejebina jawama. Ömadö isapjo tjöböbe'onö e'ewadö bakwamu metro jenanö tji̧'yaja̧bema, tjöjamatinobe, ja̧danö Davidma pakayaso̧nöbi, jelo̧ Diosnö iyawo̧ o̧tewo̧nöbi kwabö juwö iyinobe Diosnö.

1 Reyes 20:34

Jejenö lȩlöjinö ediökwe, Ben-adadma Acabnö yöa̧linobe, —Acab, chabe'do kwabe'dokwö ölakwabikwawö 'döebina comunidadbiyama, ökwönö tjetatakwo̧sa. Ja̧danö ju'wibi yötawakwö, damötjö chabe'doma ökwödö siria jojodö ditea iyawemi otidinobe, kwitebo comunidad Samariatjöma, jö̧tö? Ötjö chitebo comunidad Damascotjö ökwöbi kwotidobö wetena, jobetjö ökwödö israel jojodö kwiteaduwi mikwanö kwiyaduwakobetjö̧, —jö̧ba̧lö yöa̧linobe. Yöa̧liökwe, ösödinobe Acabma, ja̧danö bakobe pjabatakwawö tjö̧jakwa̧ wene yöbawö tjujuninobe, Acabbi, Ben-adadbi. Ikenama, Ben-adad ȩwa̧jobö webö loinobe, ja̧danö wene jwiinö itebobe ȩwa̧jinobe.

Mateo 26:9

—Ja̧ omewi̧ jawa mikwanö jiyinatjö̧ma, nöinö balada jemo jö̧ja̧linena, otiwanö jwibadö usula jojodönö jiyobö— jö̧ba̧lö.

Josué 6:18

Ja̧danö, Isabenö Jo̧ma okobe jwiinö söbebö lodobö weajobetjö̧, teada̧lönö kwö̧jaduwo, ökwödötjö bakwo̧bi söbebö loköbaduwobö weaja̧ jawa kwemaduwapji jö̧ba̧lö. Söbebö lodobö weaja̧ jawatjö kwemaduwitjö̧ma, wene ökwödö israel jojodönö baibobö jwökebaduwena, ja̧danö ökwödö israel jojodöma Dios lȩebakwawö̧ badibanö jwökebaduwena.

Josué 7:21

Jerico jojodönö dujuluwenama, dujuluwajawö̧ tjiteatjö chedijatö, kamijido̧ babilonia nijitjö otikwa̧do̧ jwiinö otiwa̧do̧ wamesa̧do̧ma, ja̧danö ju'wibi plata ö̧pi̧ya doscientos ö̧pi̧ya chedijatö, ja̧danö ju'wibi orotjö cincuenta ö̧piyadanö ömöka'o chedijatö. Jejenö edajo̧, ötjöda chemotö jö̧ba̧lö chösödijatö, ja̧danö emajo̧, cheju i̧sȩdo̧tjö otikweju okwa sobö o̧tjö chotojijatö. Jau Josue, ja̧ chemina jawama, babe cheju okwa, niji okwa jo̧be, ja̧danö ju'wi jawa teebe, plata ö̧pi̧ya bo̧be, —jö̧ba̧lö atadinobe Acanma.

1 Samuel 15:10

Jejenö Dios weinöködanö Saul ja̧iökwe, Isabenö Jo̧ma Samuelnö yöawinobe:

1 Samuel 15:15

Aebökwe, —Aaa, jobadö jwöbadöma jojodö kwabö juwö Diosnö tjiyakwawö̧. Jojodöma jobadönö amalecita jojodötjö 'döbebö tjichejebajabe. Obejadötjöbi, pa̧kayadötjöbi sule inesö otiwadönöda 'dötjebajabe, Kwösödökwe Isabenö Jo̧ Diosnö ösödö, kwabö juwö tjiyakobetjö̧. Ja̧danö ju'wedö Diosnö tjiyobö mikwawöködönö okobe deinö kwabawö lodajabe, —jö̧ba̧lö atadinobe Saulma.

1 Samuel 15:19

Jo̧kwajabetjö̧, tajawedö Isabenö Jo̧ wei̧ a̧ja̧kwökönö, weökö jawa ja̧köbaja̧da? Tajawedö mebibö, tjujuna̧li̧ do̧kataja̧da, tajawedö Dios weökö jawa sulabenö ja̧köbaja̧da? —jö̧ba̧lö Samuel yöawinobe Dios Saulnö yöa̧li̧ma.

1 Samuel 15:3

Jo̧kwajabetjö̧ baikwö wetakwö, kwömöayedö ölakwabikwawa jojodökwö jobadö amalecita jojodönö kwabawö loköbaduwonö, jobadötjö bakwo̧bi ö̧ji̧bökönö. Okobe deinö amalecita jojodönö kwabö loköbo, ömadönöbi, ya̧dönöbi, tjemunöbi, i̧ya̧nö tjemajawö̧nöbi. Ja̧danö ju'wibi okobe deinö tjajwimunöbi kwabawö loköbo, pa̧ka̧yadönöbi, obejadönöbi, kameyudönöbi, bu̧lö̧dönöbi, jwaikwöda okobe deinö amalecita jojodönöbi tja̧jwi̧munöbi kwabawö loköbo, bakwo̧bi ö̧ji̧bökönö, —jö̧ba̧lö Dios wei̧ yöawinobe Samuelma Saulnö.

1 Samuel 28:18

Jau Saul, kwöwaisa, damötjö Isabenö Jo̧ma amalecita jojodönö jwiinö ödameakwinobe, ja̧danö ökwönö weinobe, jobadönö bakwo̧bi ö̧ji̧bökönö kwabawö loköbobö, ¿jö̧tö? Jo̧kwaijayonö Isabenö Jo̧ ökwönö weina a̧ja̧kwökönö, jobadönö Dios inesö ödameakwi̧ lȩbebökönö ja̧köbinobe, jo̧kwajabetjö̧ babe baledi̧ ökwönö baledobö weajabe.