1 Samuel 15:16 - Dios Iwene

¹⁶ Atadökwe, —Yöba̧lökönui, jo̧da yöte Isabenö Jo̧ ötjönö yöawaja̧ yötawakwö, —jö̧ba̧lö yöa̧linobe Samuelma. Yöa̧lökwe, —Jau, yöbawitjö, —jö̧ba̧lö atadinobe Saulma.

1 Samuel 15:16 Iomraidhean Croise

1 Reyes 14:6

Jemi ikenama, Ahias ejube ichibö tejachenama, kwejachi̧ ökwöi̧ a̧ja̧kwinobe Ahiasma, ja̧danö jobujunö yöa̧linobe: —Tebachi Jeroboan ilekwo. Tajawedö jelujusa i̧sȩkwö kwichaja̧da? Baikwö yötawakwö, 'dii̧ jawa wene ökwönö yötawobö Dios weökwesa.

1 Reyes 22:16

Yöa̧lökwe, Acabma yöa̧linobe, —Omöna yöka̧loko Micaias, ba̧kwelöjatebö ökwönö webo̧sa, –Isabenö Jo̧ yöawi̧ yökawenama, jwaikwöda isabenö yöawaja̧ jawada yökawobö jo̧be, –jö̧ba̧lö, ja̧danö wetakwö, isabenö yöawaja̧ jawada yöbawitjö, —jö̧ba̧lö.

Isaías 39:5

Jobekwö yöawiökwe, Ezequiasnö yöawinobe Isaiasma: —Isabenö Jo̧ Okobe Jwiinö Juluwo̧ Dios yöawi̧ kwa̧ja̧kwo, baikwö yöawi̧ma:

1 Samuel 12:7

Jo̧ba Isabenö Jo̧nöda kwomukwataduwo jö̧ka̧laduwökwe, Inesö La'aka Duluwo̧ jö̧ba̧lö, jojonö inesö la'aka luwo̧ baiboböma omukwatökönö. Jau chömöledö, Isabenö Jo̧ öba a'otjö 'wiinö ja̧nö kwa̧ja̧kwaduwo, ökwödönö i̧sebö yötawonö, –Jojonö akebinaduwama, isabenö sulabenö akebinaduwobe, –jö̧ba̧lö. Jau chömöledö, Isabenö Jo̧ma isabenö ba̧kwelöjatebö iteda ujulu i̧sȩbö otiwanö pjabataibo̧ ökwödö da'dödönöbi, ökwödönöbi, baikwö yötawa:

1 Samuel 15:15

Aebökwe, —Aaa, jobadö jwöbadöma jojodö kwabö juwö Diosnö tjiyakwawö̧. Jojodöma jobadönö amalecita jojodötjö 'döbebö tjichejebajabe. Obejadötjöbi, pa̧kayadötjöbi sule inesö otiwadönöda 'dötjebajabe, Kwösödökwe Isabenö Jo̧ Diosnö ösödö, kwabö juwö tjiyakobetjö̧. Ja̧danö ju'wedö Diosnö tjiyobö mikwawöködönö okobe deinö kwabawö lodajabe, —jö̧ba̧lö atadinobe Saulma.

1 Samuel 15:17

Ikenama Samuelma Saulnö yöawinobe Isabenö Jo̧ Saulnö yöa̧li̧ma: —Ajayinö kwomukwatinobe, ökwödada, ju'wedö israel jojodötjö baikwönönöbo̧sa jö̧ba̧lö. Jo̧kwaijayonö israel jojodö bakwasokwena jojodö la'aka tjuluwo̧ babibinaja, ¿jö̧tö? Jau, Isabenö Jo̧ma ökwönö omudawö ujuninobe, Israel jojodötjö inesö la'aka luwo̧ bakibanö.

1 Samuel 9:27

Ja̧danö, comunidadtjö labebö, comunidad ö'öbö tjichibenama, Samuelma Saulnö weinobe: —Kwömöayo̧nö, abönö ȩwa̧jobö webi, ja̧danö abönö ȩwa̧jonö, ökwöma okobe bai ji̧bi, Dios yöawi̧ ökwönö yötawakobetjö̧, —jö̧ba̧lö weinobe Samuelma Saulnö.