1 Samuel 14:5 - Dios Iwene

⁵ Ja̧danö, Boses mikwawama, u'dakwö Micmas badeibö jo̧be, ja̧danö Sele mikwawama, a̧li̧kwö Guibea badeibö jo̧be.

1 Samuel 14:5 Iomraidhean Croise

1 Crónicas 3:6

Ja̧danö ju'wedö jelemutjö ö'wejemubedönöbi Jerusalen comunidadnö ja̧nö tjeminawö̧ma bidö: Ibhar mikwo̧bi, Elisama mikwo̧bi, Elifelet mikwo̧bi, Noga mikwo̧bi, Nefeg mikwo̧bi, Jafia mikwo̧bi, Elisama mikwo̧bi, Eliada mikwo̧bi, Elifelet mikwo̧bi.

Isaías 10:28

Baikwö yötawa Asiria la'aka luwo̧nö: Juda niji tebachö, Ajat comunidadbe ichibinobe, ja̧danö ichibajo̧ Migron comunidad ö'wejenö öbaledinobe. Ikenama baledajo̧, Micmas comunidadtjö itea ölakwabikwawa jawa ujuninobe.

Isaías 10:29

Micmastjö labebajo̧, mösa'iju 'da̧ba̧lanö öbaledinobe, ja̧danö baledajo̧, ömöayedökwö Geba comunidadtjö tjabekwinobe. Jobekwö ichibiawö̧, Rama comunidad jojodöma tjö̧bawö tju̧ju̧kwinobe, ja̧danö la'aka luwo Saulmine itebo comunidad Gabaa jojodöma dötjibajinobe.

1 Samuel 13:11

Samuelma Saul Diosnö kwabö juwö iyaja̧ edinobe, ja̧danö Saulnö abebö a̧ja̧kwinobe, —Ökwöma Diosnö kwabö juwö kwiyoböma Dios weökökweja, tajawedö jejenö sulabenö Dios weökö jawa ja̧köbaja̧da? —jö̧ba̧lö aebökwe, Saulma atadinobe, —Chömöayedö israel jojodö dötjibajobe chedatö, ja̧danö kwicho jö̧ka̧lina möle baledibobe chedatö, ja̧danö filisteo jojodö Micmastjö ko̧ko̧kwö tjö̧jobe chedatö.

1 Samuel 13:2

La'aka luwo̧ baibaja̧ ikena, ja'yubenö lekwajabetjö, Saulma israel jojodötjö ömadö tres mil jojodönö omudawö ujuninobe, iteda ömöayedö ölakwabikwawa jojodö batjibanö. Ja̧danö, jobadötjö, dos mil jojodöma Saulkwö kwetjachinobe Micmas comunidadtjöbi, Betel comunidad yö̧ne mösa'ijutjöbi. Ja̧danö, Saul itji̧ Jonatankwö ju'wedö milbedö Benjamin niji Guibea comunidadnö tjö̧jinobe. Jobadö Saulkwöbi, Jonatankwöbi tjö̧jonö, okobe deinö ju'wedönö tjejukwena tjȩwa̧jobö weinobe Saulma.

1 Samuel 13:23

Ja̧danö, jobe Micmas pjeanö, mösa'iju 'da̧alakaemi ja'yuwemi ji̧nobe, ja̧danö filisteo jojodö ölakwabikwawa jojodöma jobe 'ya̧nö 'da̧alakaemi tjöbeba̧lö tjö̧jinobe, israel jojojodötjö ölakwabikwawa jojodö jobe tjöbaledapji jö̧ba̧lö.

1 Samuel 13:3

Jobe Guibeatjö, filisteo jojodö ölakabikwawa jojodö tjö̧jemi ji̧nobe, ja̧danö Jonatanma ömöayedö ölakwabikwawa jojodökwö jobadö filisteo jojodönö ölakwabikwawö ujuluwinobe, ja̧danö filisteo jojodöma ja̧ baledaja̧ wene tja̧ja̧kwinobe. Jejenö balediökwe, Saulma weinobe, israel niji ba̧kwemeachibanö yöbawadönö asabikwawi̧ jawa trompeta asabikwawö, jojodönö yötjawobö, —Ökwödö Hebreo jojodöma, filisteo jojodönö ölakwabikwawö kwichaduwo, —jö̧ba̧lö.

1 Samuel 14:31

Ja̧ möle, israel jojodöma filisteo jojodönö ba̧jȩkwadönö kwabö lotjinobe, Micmastjö jamatö, Ajalonbe baibanö, ja̧danö möle baledibanö kwökönö kwabö lotjajabema, jwiinö tjime'dawinobe.

1 Samuel 14:4

Jonatanma omukwatinobe, mösa'iju 'da̧alakaeminö ja'yuwemibenö 'ya̧nö filisteo tjabemibe i̧'yobö. Ja̧danö, jobe bakwachobe 'yu̧'yu̧kwiawa inawiya ji̧nobe, ja̧danö jelobekwöchobebi ju'wi 'yu̧'yu̧kwiawa inawiya ji̧nobe. Bakwachobe inawama, Boses jö̧ba̧lö mikwawa, ja̧danö jelobekwöchobe inawama, Sele jö̧ba̧lö mikwawa.

1 Samuel 14:6

Ja̧danö, Jonatanma iteda ömöayo̧ ölakwabikwawa jawa kwebato̧nö yöa̧linobe, —Yai tupakwö idö Diosnö ösödöködö tjötade bajalesado̧ 'wibekwöködö tjöjobe di̧'yaduwo. Jobe di̧'yitjöma, Isabenö Jo̧ma ökwödönö pjaatena, isabenö juluwo̧obetjö̧. Du̧ju̧tajada tjö̧jitjö̧böbi, ba̧jekwadö tjö̧jitjö̧böbi bakwaiobe Diosnöma, jo̧bama isabenö juluwo̧, dö̧jibanö pjaatobö, —jö̧ba̧lö yöa̧linobe Jonatanma.