1 Samuel 13:5 - Dios Iwene

⁵ Ja̧danö, filisteo jojodöma ko̧ko̧kwö tjö̧jinobe, israel jojodökwö tjölakwabikwawobö, yelösöda ba̧jȩkwadö tjo̧ko̧kokwinobe kolukiyama tres mil jenanö, ja̧danö kolukanö kwebachadö ölakwabikwawadöma seis mil jojodö, ja̧danö tjömasapanö kwebachö ölakwabikwawadöma jwaibalawa ö'öböso̧pja̧ ba̧jȩkwi̧danö yelösöda ba̧jȩkwadö tjö̧jinobe. Jobadöma, ko̧ko̧kwajadö, israel nijibe ölakwabikwawö tjichinobe, ja̧danö Micmastjö, Betaventjö jawo̧ ichobekwö tjabakwemi löwötebiya tjotidinobe, jobetjö labebö tjölakwabikwawobö.

1 Samuel 13:5 Iomraidhean Croise

Génesis 22:17

Abraham, isabenö ökwönö dösölö̧jinö edö pjatatakwo̧sa. Ja̧danö, ökwötjö tupadanö jojodönö mölejȩbe tjö̧jadö si̧li̧'i̧dödanö, so̧bi̧ya̧pu̧ so̧pja̧danö tjöba̧jekwachinö pjatatakwo̧sa, Abraham. Ja̧danö, ökwötjö tupadanö jojodö tjöpöjojodönöma tjujuluwobö pjatatakwo̧sa.

2 Samuel 17:11

Tupakwö yöa̧linobe Husayma, —Ja̧danö, jejenöobetjö̧, baikwö otiwanö ja̧dakwa̧ chomukwati̧ma yötawakwö: Okobe jwiinö ditebo israel niji ba̧kwemeachibanö ölakwabikwawa jojodönö kwo̧ko̧kodo, ojwe ö'öbö so̧biapuso̧pja ba̧jȩkwidanö ba̧jekwadönö, ja̧danö ökwöda jobadönö öbibö kwi̧'yo, kwabe'donö kwujuluwobö.

1 Reyes 20:27

Tjichibiawö̧, israel la'aka luwo̧ma israel jojodötjö ölakwabikwawa jojodönö o̧ko̧kodinobe, ja̧danö tjölakwabikwawakwa̧ jawa tjeminobe. Ikenama, Siria jojodökwö tjölakwabikwawobö latjebinobe israel jojodöma, jadanö tjö̧jemi badeibö ichibajadö, tjabakwemi tjujuninobe. Siria jojodö tjöba a'o ja̧nö, o̧bukwedöda tjö̧jinobe israel jojodöma, wanedö yöta̧la, tjabakwemima, sule chivodötjö dosolataja tjichejekwi̧danö tjichejekwinobe siria jojodö tjöba a'otjö, ja̧danö siria jojodöma, meje ba̧kwȩmeachibanö tjö̧jinobe.

Isaías 10:28

Baikwö yötawa Asiria la'aka luwo̧nö: Juda niji tebachö, Ajat comunidadbe ichibinobe, ja̧danö ichibajo̧ Migron comunidad ö'wejenö öbaledinobe. Ikenama baledajo̧, Micmas comunidadtjö itea ölakwabikwawa jawa ujuninobe.

Isaías 48:19

Ja̧danö kwitji̧muduwima, otiwanö tjö̧ba̧jekwacho jö̧tja̧lena, so̧bi̧apu inaso ba̧jȩkwi̧danö, so̧bi̧apu inaso tjö̧ba̧jadobö jwii̧danö, kwitji̧muduwinö tjö̧ba̧jadökenanö tjö̧ba̧jȩkwachena. Ja̧danö weti̧ a̧ja̧kwö kwö̧jinaduwatjö̧ma, la'akatjöda kwitji̧muduwinö lȩteboko jö̧ta̧lena, ja̧danö la'akatjöda chöba a'otjö jobadönö a'dewö lotoko jö̧ta̧lena.

Romanos 9:27

Ja̧danö, Dios iwene wȩyudina Isaíasma Israel jojodönö iwȩyudinobe. Baikwö iwȩyudinobe Isaíasma, Israel jojodönö: Duluwo̧ Diosma juluwanö böjȩ jojodönö labinö lȩebakobe. Ja̧danö, lȩebenama, Israel jojodö tjöba̧jekwijayonö, ojwe ö'öbö ba̧pu̧ so̧bi̧ya̧pu̧danö tjöba̧jekwijayonö, ja'yubenöda tjö̧jibakwedö, Israel jojodöma, jö̧ba̧lö iwȩyudinobe Isaíasma.

Josué 11:4

Yötjawawö̧, jobadö la'aka luwedöma bakobe israel jojodönö tjölakwabikwawobö tjösödinobe, ja̧danö okobe deinö tjömöayedö ölakwabikwawa jojodönö öbibö tjo̧ko̧kokwinobe, jwiinö ba̧jȩkwadö tjo̧ko̧kokwinobe, so̧biapu ba̧jȩkwi̧danö. Ja̧danö ju'wibi, nöinö ka̧ba̧yudönöbi, ölakwabikwawa jawa kolukiyabi tjichejebinobe, israel jojodönö tjujuluwobo.

Josué 18:12

Baikwö laebobe, benjamin niji wȩyukwöjama: U'dakwö tjitebo bakwachobema, Jordan ojwetjö jamatobe, ja̧danö jobetjö Jerico comunidad u'dakwöchobe dötewobe, jawo̧ meajobekwö, mösa'iju jȩmi nijibenö, Bet Aven comunidad tupakwö, jojodö deobe ichibenanö.

Josué 7:2

Ja̧danö, Jerico comunidad tjujuluwaja̧ ikenama, Josuema ju'wedönö weinobe jobetjö labebö, Hai comunidad edö tji̧'yobö. Hai comunidadma, Bet Aven comunidad yöneawobe, ja̧danö Betel comunidadtjö jawo̧ laebobekwö. Josuema jobadönö weinobe, —Mösa'onö jȩmi comunidad Hai mikwobe niji edö kwi̧'yaduwo, jobe dujuluwobö di̧'yakwa̧ abönö, —jö̧ba̧lö. Weawö̧, Josue weaja̧danö Hai comunidad edö tji̧'yinobe,

Jueces 7:12

Jwiinö ba̧jȩkwadö madianitas jojodöbi, amalecitas jojodöbi, ju'wedö jawo̧ laebobekwötjö ichajadöbi tjö̧ba̧jekwinobe wabekonö, jwiinö tjö̧ba̧jȩkwobetjö̧ ma̧la̧ka̧yu tjö̧ba̧jekwi̧danö ichejekwinobe, ja̧danö tja̧jwi̧mu ka̧meyudöbi ba̧ja̧dakwawökenanö tjö̧jinobe, jwaibalawa ö'öbö so̧bi̧apu ba̧jȩkwi̧danö.

1 Samuel 13:11

Samuelma Saul Diosnö kwabö juwö iyaja̧ edinobe, ja̧danö Saulnö abebö a̧ja̧kwinobe, —Ökwöma Diosnö kwabö juwö kwiyoböma Dios weökökweja, tajawedö jejenö sulabenö Dios weökö jawa ja̧köbaja̧da? —jö̧ba̧lö aebökwe, Saulma atadinobe, —Chömöayedö israel jojodö dötjibajobe chedatö, ja̧danö kwicho jö̧ka̧lina möle baledibobe chedatö, ja̧danö filisteo jojodö Micmastjö ko̧ko̧kwö tjö̧jobe chedatö.

1 Samuel 13:2

La'aka luwo̧ baibaja̧ ikena, ja'yubenö lekwajabetjö, Saulma israel jojodötjö ömadö tres mil jojodönö omudawö ujuninobe, iteda ömöayedö ölakwabikwawa jojodö batjibanö. Ja̧danö, jobadötjö, dos mil jojodöma Saulkwö kwetjachinobe Micmas comunidadtjöbi, Betel comunidad yö̧ne mösa'ijutjöbi. Ja̧danö, Saul itji̧ Jonatankwö ju'wedö milbedö Benjamin niji Guibea comunidadnö tjö̧jinobe. Jobadö Saulkwöbi, Jonatankwöbi tjö̧jonö, okobe deinö ju'wedönö tjejukwena tjȩwa̧jobö weinobe Saulma.

1 Samuel 14:23

Jobekwö laebobe Isabenö Jo̧ israel jojodönö tjö̧jibinö pjaatina wene, ja̧danö ja̧ möle israel jojodöma filisteo jojodönö lutjinobe, Betaven comunidad tupakwö.

1 Samuel 14:52

Ja̧danö, Saul yaba̧lo̧ ö̧jayi, ba̧kwelöjatebö ölakwabikwawö tjö̧jinobe israel jojodöbi, filisteo jojodöbi. Ja̧danö Saulma kabatökönö isakwinobe, itebo jojodötjö ölakwabikwawa juluwadönöma, ömöayedö ölakwabikwawa jojodö batjibanö tjö̧jobö. Ja̧danö itebo jojodötjö juluwadö yebaböködönö öbadekwajenama, ju'wedö ömöayedö ölakwabikwawa jojodökwö batjibobö öibinobe.

1 Samuel 17:1

Ja̧danö, ju'wi möle, filisteo luwedöma tjömöayedö ölakwabikwawa jojodönö tjo̧ko̧ko̧dinobe, israel jojodönö ölakwabikwawö tji̧'yobö. Ja̧danö, ko̧ko̧kwajadö, Efesdamim ötjabobe tjabakwemi baibanö löwötebiya tjotidinobe. Jobe Efesdamimma Juda niji comunidad Soco yö̧neawobe, ja̧danö Soco comunidadbi, Azeca comunidadbi 'da̧de.

1 Samuel 7:13

Jejenö baledinobe filisteo jojodönö tjujuluwinama, ja̧danö jemi tupakwö lekwe möle yemidanö israel niji tetjachibinokobe filisteo jojodöma. Ja̧danö, Samuel ina 'ya̧alayi baledibanö, Isabenö Jo̧ma isabenö israel jojodönö pjaatinobe, filisteo jojodönö tjujuluwobö.