1 Samuel 12:8 - Dios Iwene

⁸ Da'dömine Jacob egipto nijibe ja̧nö i̧'yaja̧ ikena, egipto jojodöma usula tjemawinö ja̧tjinobe da'dödönö, ¿jö̧tö? Ja̧danö, jejenö usula emawö, da'dödöma Isabenö Jo̧nö tjubudekwinobe, ja̧danö tjubudekwiökwe, Moisesnöbi Aaronnöbi da'dödönö pjatjatobö weinobe, ¿jö̧tö? Jau, isabenö da'dödönö pjabatö Moisesnöbi Aaronnöbi weinobe Isabenö Jo̧ma, ja̧danö jobadöma egipto nijitjö da'dödönö öbibö tjichejebinobe baikwö, bai ditebonö otiwanö tjö̧jobö.

1 Samuel 12:8 Iomraidhean Croise

Éxodo 12:51

Ja̧ mölema Isabenö Jo̧ma Israel jojodönö Egiptotjö latjebinö pjabatijetö, okobe deinö bakwasokwenanöma.

Éxodo 6:26

Ja̧danö, Aarón, Moisés, böjanö tjimibiya ba̧ji̧ wȩyukwinadöma, jobadöda Isabenö Jo̧ weinawö̧, Israel jojodö okobe deinö bakwaso jojodönö Egiptotjö lakebaduwo, jö̧ba̧lö.

Hechos 7:15

Jejenöobetjö̧ Jacobma Egiptobe 'yi̧jetö ö̧jobö. Lekwe tjuju̧kwina ikena jobetjö pöe waekwö wobijetö Jacobma. Ja̧danö, i̧tji̧mubi damö waekwö wobijadötö.

Josué 1:6

Jo̧kwajabetjö̧, kwujuluwachibanö yebabökönö kwö̧jo Josue, isabenö bidö israel jojodönö öbibö, tja'dödönö yöbawö chujunina niji tjemobö pjakatakobetjö̧.

Josué 21:43

Jobekwö laebobe Isabenö Jo̧ israel jojodönö tjitebo baibanö iyina jawama. Damötjö Isabenö Jo̧ma tja'dödönö yöbawö ujuninobe, —Isabenö kwiteboduwi baibanö chiyakwo̧sa̧, —jö̧ba̧lö, ja̧danö yöbawö ujunina badekwachinö, isabenö jobadönö iyinobe. Ja̧danö, jejenö iyawö̧, tjitebo baibanö tjeminobe, ja̧danö tjitebokwena otiwanö tjö̧jinobe.

1 Samuel 10:18

Ja̧danö, ko̧ko̧kwö a̧ja̧kwadönö yöawinobe baikwö: —Baikwö yöawobe Isabenö Jo̧, ökwödö israel jojodö Duluwo̧ Diosma: –Ötjöma ökwödö israel jojodönö egipto nijitjö lakebaduwinö chichejebijatö, ja̧danö egipto jojodö tjujulutjöbi, okobe deinö ju'wedö usula kwemaduwinö tjitebokwena jojodö tjujulutjöbi kwö̧jibaduwinö pjatatijatö.

1 Samuel 12:6

Ja̧danö, Samuelma jojodönö yöawinobe, —Jo̧ba yökawaduwaja̧ a̧ja̧kwö waiso̧ jö̧ka̧lajaduwökwe Isabenö Jo̧ Diosda Moisesnöbi, Aaronnöbi omudawö juninama da'dödönö öbibadö batjibanö. Ja̧danö jo̧bada egipto nijitjö da'dödönö baikwö ichejebinama.