1 Samuel 12:11 - Dios Iwene

¹¹ Jejenö atjebökwe, a̧ja̧kwiayinobe Isabenö Jo̧ma, ja̧danö Gedeónnöbi, Bedannöbi, Jeftenöbi, ötjö Samuelnöbi weinobe, ja̧danö kwöpöjojodöduwitjö kwö̧jibaduwanö pjaatinobe. Jau chömöledö, isabenö otiwanö pjaatinobe Isabenö Jo̧ma, kwöpöjojodöduwitjö ja'yubebi wene jwiinö kwiteboduwinö otiwanö kwö̧jaduwenanö baibanö.

1 Samuel 12:11 Iomraidhean Croise

2 Reyes 13:5

Jo̧kwajabetjö̧, pjabato̧nö weinobe Isabenö Jo̧ma, israel jojodö tjö̧jibinö pjaatobö, ja̧danö Siria jojodö tjujulutjö ji̧bajadö, yemidanö idöda tjejubiyanö otiwanö tjö̧jinobe israel jojodöma.

1 Crónicas 7:17

Ja̧danö Ulam itji̧ma, Bedan mikwo̧. Okobe deinö jobadöma galaaditas jojodö ötjabawö̧, ja̧danö Manases itji̧ Maquir itji̧mu tupadanö jojodötjinobe.

Jueces 4:6

Ja̧danö, ju'wi möle bakwo̧ Neftalisaso comunidad Cedes jojo Barac mikwo̧nö jwöjinobe, jö̧jobekwö ichobö, ja̧danö ichibioko, jo̧banö yöjawinobe: —Barac, israel jojodö tjuluwo̧ Isabenö Jo̧ Diosma ökwönö weobe, –Neftalisaso jojodötjöbi, Zabulonsaso jojodötjöbi ölakwabikwawadö diez milbedönö ko̧ko̧di, ja̧danö ko̧ko̧dajo̧, jobadönö öbibö 'ya̧wi, Tabor mösa'obe.

Jueces 6:14

Atadökwe, Isabenö Jo̧ma Gedeon ö̧jobekwö edö yöawinobe, —Ötjöda ökwönö 'da̧batö wetakwö, israel jojodö madianitas jojodö tjujulutjö tjö̧jibanö pjakatobö. Kwujulu baibanö jejenö iyö wetakwö, jo̧kwajabetjö̧ tjö̧jibanö ölakwabikwawö 'ya̧wi, —jö̧ba̧lö.

Jueces 6:31

Jo̧kwaijayonö, Kwitji̧nö labebi jö̧ba̧lö yöba̧ladönö atadinobe, —Ja̧maökö. Kwedaduwemi, ökwödöda Baalnö tjöbeba̧lö teada̧ladö kwö̧ja̧duwiji̧? Ökwödöda Baalnö söbebö lotjapji jö̧ba̧lö tjökeba̧laduwobö kwomukwataduwiji̧? Isabenö yötawaduwakwö, okobe deinö Baalnö tjöbeba̧ladönö kwabö lotjakwawö̧, itekwai möle dewachakwa̧ abönö, okobe deinö debö tji̧'yakwedö. Baalma isabenö diosbo̧ ö̧jitjö̧ma, iteda ujulu ujuna̧lena, jo̧bada öpöjojonö ölakwabikwawobö jȩna. Tjöeba̧lo jö̧ba̧lo̧ma Baalda, ökwödö jawamaökö, —jö̧ba̧lö atadinobe.

Jueces 6:32

Ja̧danö, jejenö, —Tjöeba̧lo jö̧ba̧lo̧ma Baalda, —jö̧ba̧lö yöa̧lobetjö̧, jemi tupakwö Gedeonnö tjimidinobe, Yerubaal jö̧ba̧lö, —Iteda iyawemi söbebö loiökwe, tjöeba̧lo jö̧ba̧lo̧ma Baalda, —jö̧ba̧lö.

Jueces 7:1

Jemi ikenama, Yerubaal ötjabökwe Gedeonbi, okobe deinö ju'wedö israel jojodötjö ölakwabikwawa jojodö Gedeonkwö ju̧kwadöbi yȩayi a̧la̧ibö, Jarod ojwese'dobe tji̧'yinobe, jobetjö tjabekwobö. Ja̧danö, tjöpöjojodö madianitas jojodö tjabakwemima, jobetjö u'dakwöchobe tjö̧jinobe, wabeko More mösa'o badeibösekonö.

Jueces 8:29

Ja̧danö, madianitas jojodönö ujuluwaja̧ ikenama, Gedeonma iteda itebo comunidadbe ȩwa̧jinobe, jobe ö̧jobö.

Jueces 8:35

Ja̧danö ju'wibi Yerubaal ötjabökwe Gedeonma otiwanö jobadönö pjaatinajayonö, jo̧ba itji̧mu tupadanö jojodönö dösölö̧jinö ösödö tjö̧jinokobe. Jwiinö otiwanö pjaatijayonö, ömöledönö sulabenö tjöpödinobe.

1 Samuel 3:20

Jejenö balediawö̧, israel niji̧ ba̧kwemeachibanö, okobe deinö israel jojodöma isabenö Samuelnö tjöwaisachibinobe, —Isabenö Samuelma Isabenö Jo̧ yöawi̧ yöbawo̧, —jö̧ba̧lö.

1 Samuel 7:13

Jejenö baledinobe filisteo jojodönö tjujuluwinama, ja̧danö jemi tupakwö lekwe möle yemidanö israel niji tetjachibinokobe filisteo jojodöma. Ja̧danö, Samuel ina 'ya̧alayi baledibanö, Isabenö Jo̧ma isabenö israel jojodönö pjaatinobe, filisteo jojodönö tjujuluwobö.