1 Samuel 11:8 - Dios Iwene

⁸ Jejenö Bezecbe ichibajadönö ö̧ba̧jadinobe Saulma, ja̧danö israel jojodötjö ömadöma treciento mil jenanö tjichinobe, ja̧danö israel jojodötjö Judasaso jojodöma treinta mil jenanö ömadö tjichinobe.

1 Samuel 11:8 Iomraidhean Croise

2 Samuel 24:9

Ichibajo̧, Joabma la'aka luwo̧ Davidnö yöawinobe tjö̧ba̧ja̧daja̧ma, —Israel nijitjö̧ okobe deinö tjölakwabikwawobö juluwadö ömadöma, ochocientos milbedö tjö̧jobe, ja̧danö juda nijitjö quinientos milbedö tjölakwabikwawobö juluwadö tjö̧jobe, —jö̧ba̧lö.

2 Reyes 3:6

Jobekwö kaatibiökwe, Samaria comunidadtjö labebö, okobe deinö israel niji ölakwabikwawadönö o̧ko̧kodinobe Joramma, Moab niji jojodökwö tjölakwabikwawakobetjö̧.

Jueces 20:2

Sule Benjaminsaso jojodöda ju'wedökwö tjo̧ko̧kokwinokobe. Ju'wedö tjo̧ko̧ko̧kwobe tja̧ja̧kwijayonö, tji̧'yinokobe. Ja̧danö, israel jojodötjö la'aka luwedö, bakwasokwena luwedöma, Dios ömöledö israel jojodö ko̧ko̧kwadö tjöba a'o tjö̧jamatinobe. Ja̧danö okobe deinö jobe ko̧ko̧kwadöma, cuatrociento milbedö tjö̧jinobe, ömadö ölakwabikwawa waisadöma. Ja̧danö, israel jojodö ko̧ko̧kwadöma, abebö tja̧ja̧kwinobe, —Inesö sulabenö ja̧awa baledinama, dakwö baledinada? Yöbawidönö, —jö̧ba̧lö.

1 Samuel 11:9

Ja̧danö, Jabestjö ichö yöbawajadönö wetjinobe, ȩwa̧jö Jabes jojodönö yötjawobö, —Itekwai ina tiyuwayi, möle ja'ö baibakwa̧ abönö, kwöjibaduwinö ichö pjadatakobe, —jö̧ba̧lö. Yötjawawö̧, Jabes jojodöma tjo̧'wo ösöwachibinobe.

1 Samuel 13:15

Ikenama, jejenö yöbawajo̧, Samuelma a̧la̧ibö, Gilgaltjö laebinobe. Ja̧danö, ju'wedö jojodöma Saulkwö tji̧'yinobe, ölakwabikwawa jojodö tjö̧jobekwö, Benjamin niji̧ comunidad Guibeabe. Ja̧danö, Saulma ömöayedö ölakwabikwawa jojodönö ö̧ba̧jadinobe, ja̧danö jo̧bakwö sule seiscientos jenanö ömadö döbibajöködö tjö̧jinobe.

1 Samuel 15:4

Weökwe, Saulma jojodö tjichobö weinobe, ja̧danö Talaim comunidadtjö, israel jojodö ölakwabikwawa jojodönö o̧ko̧kodinobe Saulma, doscientos mil jojodönö, ja̧danö ju'wibi Judasasotjö diez mil jojodönö.