1 Samuel 11:7 - Dios Iwene

⁷ Ja̧danö, Saulma du̧ju̧taja pa̧ka̧yadö batjo otidadönö do̧batö, kwabö lobö ubulatinobe, ja̧danö ubulabija̧ tje'ewakwedönö weinobe, israel niji̧ ba̧kwemeachibanö e'ewö tji̧sȩbobö baikwö: —Okobe deinö la'aka luwo̧ Saulkwöbi, Samuelkwöbi amonita jojodönö ölakwabikwawö kwichaduwobö jo̧be. Ja̧danö ökwödötjö bakwo̧ ichobö öpöjöditjö̧ma, bejenö bidönö ubulabinadanö tjubulatakobe ichö̧kö̧ ajwimunö pa̧ka̧yadönö, —jö̧ba̧lö. Yöbawadö jejenö i̧sebö yötjawawö̧, okobe deinö jojodöma a̧ja̧kwö yetjabinobe, —Da̧ja̧kwökötjö̧ma Isabenö Jo̧ Diosma lȩebena, —jö̧ba̧lö. Jo̧kwajabetjö̧ Saul weaja̧ tja̧ja̧kwinobe, ja̧danö bakwo̧bi ö̧ji̧bökönö, okobe deinö bakobe latjebinobe Saul ö̧jobekwö Bezec nijibe.

1 Samuel 11:7 Iomraidhean Croise

Génesis 35:5

Ja̧danö, jobe Shequemtjö labebö Betelbe ȩwa̧jijadötö. Tjȩwa̧jobe okobe deinö tjöbaledemi comunidadesnö ju̧kwadöma jwiinö yebabijadötö jobadönö. Jwiinö yetjabobetjö ölakwabikwawö lubijöködötö Jacob i̧tji̧munö balekwa mikwa kwabö lotjobö.

Isaías 8:13

Jau Isaias, ju'wedö yetjabi̧ jawama yekaboko, ötjö Okobe Jwiinö Juluwo̧ Isabenö Jo̧ Diosnö yebabinö omukwatö kwösödo, –Isabenö Jo̧ma inesö suli̧ jwibo̧, –jö̧ba̧lö. Ötjönöda omukwatö yebabinö tjö̧bawö kwö̧jo Isaias.

Jueces 19:29

Ikenama ejube ichibajo̧, o̧do okwa teachenama, i̧sa̧pi̧ emibö jiteba'o pjei̧kwena ubulabinobe, a̧li̧nösamutjö dobolataja jawa baibanö, ja̧danö ubulabija tje'ewakwedönö weinobe, israel niji bakwemeachibanö jiteba'o e'ewö tji̧sȩbobö.

Jueces 20:1

Ja̧danö, okobe deinö israel jojodöma tjo̧ko̧kokwinobe, u'dakwö Dan comunidadtjö, a̧li̧kwö Berseba comunidad baibanö jojodöbi, Galaad niji jojodöbi, okobe deinö Mizpa comunidadnö Dios öba a'otjö bakobe tjo̧ko̧kokwinokobe.