1 Samuel 11:14 - Dios Iwene

¹⁴ Jemi ikenama, Samuelma yöa̧linobe jojodönö, —Chömöledö, okobe deinö Gilgalbe di̧'yaduwo, jobetjö yemidanö Dios öba a'otjö bite Saulnö duluwo̧ inesö la'aka luwo̧ baibanö dujunobö, —jö̧ba̧lö.

1 Samuel 11:14 Iomraidhean Croise

2 Samuel 19:15

Yötjawökwe, la'aka luwo̧ Davidma Jerusalenbe ȩwa̧jobö laebinobe, ja̧danö juda jojodöma Jordan ojwe ö'öbö comunidad Guilgalbe tjo̧ko̧kokwinobe, Jordan mikwödöbe ichibenama, jo̧bakwö tjöbadekwachobö, ja̧danö ojwe pebibö Jerusalenbe öbibö yemidanö tetjatobö.

1 Samuel 10:8

Ja̧danö, Guilgal comunidadbe chi̧'yocha, jo̧kwaijayonö chi̧'yakwa̧ abönö jobe kwi̧'yo, ja̧danö jelemutjö dötölataja möle kwiteada̧lo, chichibenanö kabatö. Ja̧danö, jobe ökwökwö chichibenama, kwabö juwö Diosnö chiyocha, jwiinö ubinö Diosnö iyawabi, ju'wi bakobe Dioskwö ösökwö ja̧kwawa jawa iyawabi. Ja̧danö, jobetjö ökwönö yötawocha jemi tupakwö otiwanö ja̧bö kwö̧jakwa̧ma, —jö̧ba̧lö yöawinobe Samuelma Saulnö, tupakwö baledakwa̧ma.

1 Samuel 12:1

Jemi ikenama, jobe Gilgaltjö Samuelma okobe deinö israel jojodönö yöa̧linobe baikwö: —Chömöledö, okobe jwiinö akebinaduwa a̧ja̧kwö, akebinaduwadanö kwuluwo̧duwi inesö la'aka luwo̧nö omudawö chujunajabe.

1 Samuel 5:3

Jemi ikena möle, ina yȩayi, Asdod comunidad jojodöma wilubö tjösödökwe Dagon ejube tji̧'yinobe, ja̧danö ichibö, tjöbajale jalaka baibanö tjösödökwe Dagon o̧'wo jawa tjöbadekwajinobe, öba nijakwö Isabenö Jo̧ iteapjo isapjö öba a'o mebajo̧nö. Jejenö badekwajadö, Dagonnö a̧la̧pedö ajayinö ö̧jinena tjujuninobe.

1 Samuel 7:16

O̧bakwena, Samuelma Betel comunidadbebi, Guilgal comunidadbebi, Mizpa comunidadbebi 'yi̧ainobe, israel jojodönö jobetjö jwebebö yöawobö, ja̧danö jwebebö yöbawajo̧,