1 Samuel 10:22 - Dios Iwene

²² Jo̧kwajabetjö̧ yemidanö Isabenö Jo̧nö abebö tja̧ja̧kwinobe, —Jo̧ba Saulja, ina bai deiji̧? —jö̧ba̧lö abebö tja̧ja̧kwökwe, Isabenö Jo̧ma yöawinobe, —Saulma jojodö tjitea tjutuda'wiju 'da̧de uju̧kwawajabe, —jö̧ba̧lö.

1 Samuel 10:22 Iomraidhean Croise

Génesis 25:22

Ja̧danö, du̧ju̧taja bötjachijadötö Rebeca jukwa'wo okwatjö. Ina jemapjiima jobadöma okwa a̧jö labinö 'do'dotjakwawobedanö yu̧koba̧lijadötö. Jo̧kwaioko Rebeca, jwiinö nioko budekwabinö jwöbeba̧lijotö: —¡Akö, niatjö̧! Chöpöjöda metu'wo ja̧kwawama ¿Tajawedö jejenö niinö baledatjö usula chemawinö— jö̧ba̧lö, budekwabinö jwöbeba̧lijotö. Jo̧kwaobetjö̧ Isabenö Jo̧ Diosnö abebö 'yi̧jotö, usula jemawi̧ma baledi̧ma labebö lobö yöawobö.

2 Samuel 2:1

Jemi ikenama, baikwö baledinobe. Davidma Isabenö Jo̧nö abebö a̧ja̧kwinobe, —Juda niji comunidadbe chi̧'yobö jo̧beji̧? —jö̧ba̧lö. Abebö a̧ja̧kwökwe, —Jau, kwi̧'yobö jo̧be, —jö̧ba̧lö atadinobe Isabenö Jo̧ma. Atadökwe, —Di̧ya comunidadbe chi̧'yakwa̧da? —jö̧ba̧lö aebökwe, —Hebron comunidadbe kwi̧'yo, —jö̧ba̧lö atadinobe Isabenö Jo̧ma.

2 Samuel 21:1

David israel jojodö la'aka tjuluwo̧ ö̧jonö, wapötakwa o̧biya baledibanö a̧wi̧chi̧ lö̧jinobe israel nijitjö, batjo jawa otiwanö pokwokobetjö̧. Jejenö balediökwe, Davidma Isabenö Jo̧nö abebö a̧ja̧kwinobe, tajawedö baledobeda, jö̧ba̧lö. Abebö a̧ja̧kwökwe, Isabenö Jo̧ma atadinobe, —Babe baledi̧ma, Saulbi, ömöledöbi jawaobe, israel jojodö kwabö lotjoko jö̧tja̧lawö̧nö gabaonitas jojodönö kabawö lotjinobetjö̧. Kwabö lotjoko jö̧tja̧lawö̧nö kwabö lotjinobetjö̧, chöba a'otjö wene tjujuna̧lobe Saul ömöledöma, —jö̧ba̧lö.

Lucas 14:11

Jau chömöledö, okobe deinö idöda luwedö batjibobö isakwadöma, mikwawöködö batjibanö ja̧akwo̧ Diosma, ja̧danö okobe deinö mikwawö̧kö̧sa jö̧ba̧lö omukwatadönö, jobadönö mikwawadö batjibanö kabebö ujunakwo̧ Diosma— jö̧ba̧lö yöawinobe Jesúsma.

Jueces 1:1

Josue ö'wö baibaja̧ ikenama, israel jojodöma Isabenö Jo̧nö abebö tja̧ja̧kwinobe, —Duluwo̧, ökwödö israel jojodötjö diso jojodö abönö cananeo jojodönö dölakwabikwawobö jo̧beda? —jö̧ba̧lö.

Jueces 20:18

Ja̧danö, tjölakwabikwawakwa̧ abönö, ju'wedö israel jojodöma Betel comunidadbe tji̧'yinobe, Dios oba a'o ichibö, abebö tja̧ja̧kwobö. Ja̧danö, Diosnö abebö tja̧ja̧kwinobe, —Ökwödö israel jojodötjö, diso jojodö abönö Benjamin jojodökwö tjölakabikwawobö jo̧beda? Diso jojodö abönö tjölakwabikwawobö weköbobeda? —jö̧ba̧lö. Atjebökwe, Isabenö Jo̧ma atadinobe, —Judasaso jojodöda abönö ölakwabikwawö tji̧'yobö jo̧be, —jö̧ba̧lö.

1 Samuel 10:21

Ikenama Samuel weinobe Benjaminsaso ajayinö jinadö tjömöledökwena yö̧ne tjichibobö, ja̧danö Matrimine i̧tji̧mu tupadanö jojodönö i̧sebinobe Diosma, —Bidötjö bakwo̧nö omudawö chujunajabe, —jö̧ba̧lö. Ja̧danö jemi ikenama, —Cis itji̧ Saul mikwo̧nö omudawö chujunajabe, —jö̧ba̧lö i̧sebinobe Diosma. Jo̧kwaijayonö, Saulnö tjisakwenama, tjöbadekwajinokobe.

1 Samuel 14:37

Yöa̧lökwe, Saulma Diosnö abebö a̧ja̧kwinobe, —Filisteo jojodönö lubö kwabö lodobö jo̧beji̧? Isabenö jobadönö dujuluwobö ökwödö israel jojodönö pjakatakwaji̧, —jö̧ba̧lö. Jo̧kwaijayonö, jejenö abebö a̧ja̧kwijayonö, Saul abebö a̧ja̧kwaja̧ma atadinokobe Diosma ja̧ mölema.

1 Samuel 15:17

Ikenama Samuelma Saulnö yöawinobe Isabenö Jo̧ Saulnö yöa̧li̧ma: —Ajayinö kwomukwatinobe, ökwödada, ju'wedö israel jojodötjö baikwönönöbo̧sa jö̧ba̧lö. Jo̧kwaijayonö israel jojodö bakwasokwena jojodö la'aka tjuluwo̧ babibinaja, ¿jö̧tö? Jau, Isabenö Jo̧ma ökwönö omudawö ujuninobe, Israel jojodötjö inesö la'aka luwo̧ bakibanö.

1 Samuel 22:10

Ja̧danö jejenö ichiökwe, Ahimelecma jo̧banö pjabatö, Isabenö Jo̧nö abebö a̧ja̧kwinobe, ja̧danö ju'wibi kwakwawa iyinobe, ja̧danö ju'wibi filisteo jojo Goliatmine itea'o kwölöte'o iyinobe. Ötjöma ja̧ baledi̧ chedijatö, —jö̧ba̧lö yöawinobe Doegma.

1 Samuel 23:9

Jo̧kwaijayonö, Davidma ja̧ Saul suli̧ öwaedobö omukwati̧ a̧ja̧kwinobe, ja̧danö a̧ja̧kwö, Diostjö jojodötjö tjö'da̧de pjabato̧ Abiatarnö weinobe baikwö: —Dios öba a'otjö 'dukawa̧do̧ 'dubawö baikwö ichi, Diosnö atebobö, —jö̧ba̧lö.

1 Samuel 30:7

Ikenama Davidma Diostjö jojodötjö tjö'da̧de pjabato̧ Abiatarnö weinobe, —Dios öba a'otjö 'dukawa̧do̧ 'dubawö ichi, Diosnö abebö cha̧ja̧kwobö, —jö̧ba̧lö. Weökwe, 'dubawö ichinobe Abiatarma,

1 Samuel 30:8

ja̧danö Davidma Isabenö Jo̧nö abebö a̧ja̧kwinobe, —Chuluwo̧, dömöledönö eminadö tjökömanö lubö di̧'yobö jo̧beji̧? Lubö di̧'yitjö̧ma, lubö dichibakwa̧ji̧? —jö̧ba̧lö. Abebö a̧ja̧kwökwe, —Jau, lukibaduwo, isabenö kwichibaduwakwedöja, ja̧danö ju'wibi isabenö kwömöledöduwinö tjö̧jibinö pjakataduwakwedöja, —jö̧ba̧lö atadinobe Isabenö Jo̧ma .

1 Samuel 9:21

Jejenö, —Ökwöda kwujuna̧lakwo̧ja, —jö̧ba̧lö yöawiökwe, —Ötjöma Benjaminsaso jojosa, ja̧danö Benjaminsasoma, okobe deinö israel jojodötjö baikwönönösasobedösa. Ja̧danö Benjamin jojodötjö, Chabe'do ömöledödöma ju'wedötjö baikwönönöbedösa. Jo̧kwajabetjö̧ tajawedö jejenö yöka̧laja̧da ökwödönö? —jö̧ba̧lö abebö a̧ja̧kwinobe Saulma.