1 Samuel 1:3 - Dios Iwene

³ Ja̧ mölȩ Silo comunidadtjö Inesö Diostjö jojodötjö tjö̧'da̧de pjabato̧ Eli mikwo̧bi, itji̧mu Ofni mikwo̧bi, Finees mikwo̧bi Isabenö Jo̧, okobe jwiinö juluwo̧ Dios öba a'otjö pjabatö tjö̧jinobe. Ja̧danö, jejenö Silo comunidadtjö tjotidiökwe, o̧ba bakwabakwena, Elcanama, ilekwamunöbi itji̧munöbi öbibö Silo comunidadbe 'yi̧ainobe, jobetjö Diosnö ösödö juwö iyobö.

1 Samuel 1:3 Iomraidhean Croise

Éxodo 23:14

Ina webijetö Isabenö Jo̧ma: —Bakwöta o̧bakwena ba'ali wa̧pötakwa kwujunaduwo, ötjönö ösödö.

Éxodo 23:17

Ja̧ wa̧pötakwa ba'ali kwujunaduwena okobe deinö ömadöma ötjönö, Isabenö Jo̧ Diosnö ösödö kwo̧ko̧ko̧kwaduwo.

Éxodo 34:23

Ja̧danö, ju'wi jawabi wetakwö. O̧ba Bakwabakwena wa̧ptakwanö ko̧ko̧kwaduwobö jo̧be, Israel jojodötjö okobe deinö ömadöma ötjönö, Isabenö Jo̧ Diosnö, ökwödö kwösödaduwökwe Diosnöma.

Lucas 2:41

Ba̧kwȩlö̧jatebö o̧bakwena Jesús ojo'dobi, abe'dobi Jerusalénbe 'yi̧atjinobe, Dios mö öbaledina ömukwatö pjiesta jobetjö tjujunobö.

Deuteronomio 16:16

—O̧ba bakwabakwena, ökwödö israel jojodötjö ömadöma wapötakwanö kwuluwo̧ Isabenö Jo̧ Dios omudawö ujunakwemibe kwichibaduwobö ja̧kobe, Dios öba a'o ba'ali kwujunaduwobö, 'Ye'yeachi̧ jawa jwii̧ pan kwakwawa ba'alibi, Batjo waji̧ ko̧ko̧dakwawa jawa ba'alibi, Löwötenö ja̧kwawa ba'alibi. Ja̧danö, Isabenö Jo̧ öba a'o kwichibaduwenama, jwiböma kwichibaduwoko chömöledö,

Josué 18:1

Jemi ikenama, Canaan niji juluwajadö, okobe deinö israel jojodöma Silo comunidadtjö tjo̧ko̧ko̧kwinobe, ja̧danö jobetjö Dios eju tjujuninobe.

Jueces 18:31

Dios eju, jo̧banö tjösödobö weinejuma Silo comundidadnö ji̧nobe, otiwanö jobetjö jojodö tjösödobö. Jo̧kwaijayonö Dios eju Silo comunidadnö jȩmi baledibanö, Dansaso jojodöma Micaias otidinökwe o̧'wo jawa ösödö tjö̧jinobe, bitema dösödökwe dios jö̧ba̧lö.

Jueces 21:19

O̧ba bakwabakwena, israel jojodöma Silo comunidadtjö, Isabenö Jo̧ öba a'otjö ba'ali juniatjinobe. Jobe ba'ali junawemima, Betel comunidadtjö u'dakwöobe, ja̧danö Beteltjö Siquen comunidadbe ya̧kwawamatjö jawo̧ laebobekwöbe, ja̧danö Lebona comunidadtjö a̧li̧kwöobe. Ja̧danö, Benjaminsaso jojodönö pjatjatakwa̧ omukwatö, ja̧ ba'ali tjomukwatinobe, —Juluwanö ja̧ ba'ali dujunakobe, —jö̧ba̧lö.

1 Samuel 1:21

Jemi ikenama, o̧bakwena Isabenö Jo̧nö tjiyakwa̧ möle badekwachenama, ba̧kwelöjatebö 'yi̧atji̧danö ömöledönö öbibö Elcanama yemidanö Silobe i̧'yinobe, o̧bakwena Diosnö iyawa iyoböbi, isabenö chiyocha jö̧ba̧lö yöbawö ujunina iyawa iyoböbi.

1 Samuel 1:9

Ja̧danö, ju'wi o̧ba jejenö Diosnö tjiyenama, owöbi kwanöbi katjataja̧ ikenama, Anama a̧laibö Diosnö ajebinobe. Diosnö ajebonö, jipjeanö Diostjö jojodötjö tjö̧'da̧de pjabato̧ Eli mikwo̧ma iteakanö ö̧binobe, Isabenö Jo̧ eju apjude ö'öbösakanö.

1 Samuel 14:3

ja̧danö ju'wibi Diostjö jojodötjö tjö'da̧de pjabato̧ Ahias mikwo̧ma jobadökwö ö̧jinobe, Dios öba a'otjö 'duawa̧do̧ 'dubawö. Jo̧ba Ahiasma, Ahitob mikwo̧ itji̧, ja̧danö Ahitobma Icabod mikwo̧ öpöe. Ja̧danö Icabodbi, Ahitobbi Finees mikwo̧ itji̧mu, ja̧danö Fineesma, ajayinö Silo comunidadtjö Diostjö jojodötjö tjö'da̧de pjabato̧ Eli mikwo̧ itji̧. Jo̧ba Ahias mikwo̧bi, ju'wedö ölakwabikwawa jojodöbi Saulkwö tjö̧jinobe, jo̧kwaijayonö wajwitjinobe Jonatan tjöjelö laebaja̧ma.

1 Samuel 2:19

O̧bakwena Samuel ojo'doma linotjö tjö'da̧de pjabato̧ 'duawi̧sa̧do̧ 'dö̧biajinobe, ja̧danö o̧bakwena Diosnö ösödö iyö tjichenama, Samuelnö iyiajinobe.

1 Samuel 2:34

Ja̧danö baikwö kwöwaisakwo̧ja Eli, yötawi̧ wenema isabenö yötawobe jö̧ba̧lö, bakwöta möle, kwi̧tji̧mu Ofnibi, Fineesbi bakobe debö tji̧'yakwedö. Ja̧danö, jejenö yötawaja̧danö baibenama, ju'wibi öwaetjöda öwawakobe, okobe jwiinö ju'wi jaye kwömöledönö yötawaja̧bi isabenö baledakobe jö̧ba̧lö.

1 Samuel 3:13

Jo̧ba Eli i̧tji̧muma isabenö sulabenö ja̧bö tjö̧jinobe, isabenö jwiinö sulabenö ötjö Diosnö yötja̧linobe, ja̧danö sulabenö ja̧tji̧ öwaisijayonö, katjatiboböma weinokobe Elima. Ja̧danö jejenö katjatibobö weinokobetjö̧, jo̧banö yötawijatö, ja'yubenö lekwajabetjö jo̧banöbi ömöledönöbi lȩtebakwo̧sa̧, la'akatjöda 'dö̧ibajökö lȩekwa baibanö jö̧ba̧lö.

1 Samuel 4:11

Ja̧danö, ju'wibi Dios iteapjo do̧tjatinobe filisteo jojodöma, ja̧danö ju'wibi Eli i̧tji̧mu Ofninöbi, Fineesnöbi kwabö lotjinobe.

1 Samuel 4:4

Jejenö yöba̧lakwawajadö, Silo comunidadbe wetjinobe, tjichejebobö, ja̧danö wetjaja̧danö Dios weina a̧ja̧pjo, Isabenö Jo̧ okobe jwiinö juluwo̧ Dios, angeledö querubines mikwadö tjöwame inesö iteakanö bo̧ Dios iteapjo tje'ewinobe ölakwabikwawadö tjö̧jobekwö. Ja̧danö, Eli i̧tji̧mu du̧ju̧taja Ofni mikwo̧bi, Finees mikwo̧bi japjo isapjokwö tji̧'yinobe.