1 Samuel 1:20 - Dios Iwene

²⁰ ja̧danö jemakwa̧ mölȩ badekwachenama, jitji̧ iso̧nö jeminobe. Emaju, Samuel jö̧ba̧lö jimidinobe jitji̧nö, —Chitji̧nö atebiökwe, Isabenö Jo̧ma a̧ja̧kwö bitenö iyajabe, —jö̧ba̧lö.

1 Samuel 1:20 Iomraidhean Croise

Génesis 16:11

Yötawakwö. Ökwöma metu'wo jujuja. Ja̧danö, kwitji̧nö kwemakwujuja, Ismael, jö̧ba̧lö kwimidakwo̧nöma. Agar, Isabenö Jo̧ Diosma usula emawö kwubudekwi̧ a̧ja̧kwobetjö̧ jejenö kwimidakobe kwitji̧nö, Ismael jö̧ba̧lö.

Génesis 30:22

Jemi ikenama, Diosma Raquelnö lȩlö̧jinö edö pjabatijetö. Jobuju ajeba̧li̧ma a̧ja̧kwö pjabatijetö metu'wo jö̧jinö.

Génesis 4:25

Adánma yemidanö ilekwo Evakwö bakobe babibijetö. Ja̧danö, jobujuma metu'wo ja̧ju jitji̧nö emijotö. Emajökwenö midijotö Set, jö̧ba̧lö. Jo̧banö midö jö̧ba̧lijotö: —Diosda iyajokosa jelo̧ chitji̧nö. Chitji̧ abönö pöe Caínma kwabö loinobe ö̧ja̧wo̧nö, Abelnöma. Jo̧kwaijayonö Dios balekwo̧nö iyajokosa— jö̧ba̧lijotö Evama.

Génesis 5:29

Jo̧ba itji̧nö midijetö Noé, jö̧ba̧lö. Ja̧ imi, Noé jö̧ba̧löma baikwö wanekwachobe: Bitema ökwödönö pjaatakwo̧. Jo̧bama bemi niji, Isabenö Jo̧ leebinemi labinö dotodi̧tjö dö'wachobö pjaatakwo̧, jö̧ba̧lö. Jejenö jö̧ba̧lö, wanekwachobe ja imi, Noé jö̧ba̧löma.

1 Crónicas 4:10

Jo̧bada Israel jojodö tjösödökwe Diosnö abebinama: —Chuluwo̧ Dios, otiwanö pjakatobö atebakwö, ja̧danö chitebo jalobe baibanö pjakatobö atebakwö. Okobe jwiinö otidö chö̧ji̧ma, bakobe ötjökwö kwö̧jobö atebakwö, ja̧danö okobe jwiinö wene chöbaledi̧tjöbi, inia tjöbö chö̧jitjöbi chö̧jibanö pjakatobö atebakwö chuluwo̧, —jö̧ba̧lö. Ja̧danö, jobekwö aebökwe, aebaja̧danö Jabesnö pjaatinobe Diosma.

Éxodo 2:10

Ju'winö tjemuma tjo̧wi̧ pöe baibajenama ojo'doma faraón itjijunö iyö 'yi̧jotö jo̧banö, faraón itjiju jitji̧ baibanö. Faraón itjijuma midijotö tjemunö, Moisés, jö̧ba̧lö, ojwetjö tötebajökwe, jö̧ba̧lö.

Éxodo 2:22

Ja̧danö, jobujuma ju'wi mölȩ metu'wo ji̧jotö. Ja'wo metu'woma emijotö, Moisés itji̧nö. Moisésma jemajökwenö midö: —Ötjöma jelobetjö ichö ju'wedö tjitebonö chö̧jobetjö̧ bite chitji̧nö chimida, Gersón jö̧ba̧lö— midö jö̧ba̧lijetö.

Mateo 1:21

Maríama jitji̧ iso̧nö jemakobe, ja̧danö jemakwo̧nö Jesús jö̧ba̧lö kwimidonö, iteda ömöledönö tjusulatjö tjö̧jibanö ja̧akwo̧obetjö̧— jö̧ba̧lö yöawinobe Dios weökwe ángelma.

Hebreos 11:32

Chömöledö, jejenö ju'wedöbi Diosnö tjo̧'wo̧ wana̧lö tjuju̧kwinobe. Ja̧danö, yelösöda nöinö yötawobö ji̧jayonö, yötawökena yöawakwawa ödöobetjö̧. Jo̧kwaijayonö ja'yubeda ina yötawaduwakwö. Ju'wedö Diosnö tjo̧'wo̧ wana̧lö ji̧nadöma bidö: Gedeón, Barac, Sansón, Jefté, David, Samuel, ju'wedö Dios yöawi̧ yöbawinadöbi.