1 Samuel 1:1 - Dios Iwene

¹ Bakwo̧ Elcana mikwo̧ ö̧jinobe, israel jojodötjö Efraínsaso jojodö tjitebonö, mösa'iju jena comunidad Ramánö. Jo̧ba Elcanama Jeroham mikwo̧ itji̧, ja̧danö Jerohamma Eliú mikwo̧ itji̧, ja̧danö Eliúma Tohu mikwo̧ itji̧, ja̧danö Tohuma Zuf mikwo̧ itji̧. Ju'wibi, efrateo jö̧ba̧lö ötjabawö̧tjö bi̧na jo̧ba Elcana mikwo̧ma.

1 Samuel 1:1 Iomraidhean Croise

1 Reyes 11:26

Ja̧danö Salomon öpöjojodötjö jelo̧ma Jeroboan mikwo̧. Jo̧ba Jeroboanma, Nebat itji̧, ja̧danö Efrainsaso comunidad Sereda jojo. Jeroboan ojo'doma, Zerua mikwuju, jilekwenö wobekwinujuma. Ajayinö Salomon ömöayo̧ ö̧jinajayonö, jo̧ba Jeroboanbi Salomon öpöjojo baibinobe.

1 Crónicas 6:12

Ahitobma Sadoc mikwo̧ abe'doinobe. Sadocma Salum mikwo̧ abe'doinobe.

1 Crónicas 6:22

Coat itji̧mu tupadanö jojodö tjimibiya wȩyukwa'ye baikwö laebobe: Coat itji̧ma Aminadab mikwo̧. Ja̧danö Aminadab itji̧ma Core mikwo̧. Ja̧danö Core itji̧ma Asir mikwo̧.

1 Crónicas 6:33

Jobekwö otidadö tjimibiyabi, tjitji̧mu tupadanö jojodö tjimibiyabi baikwö laebobe: Lo̧awa luwo̧ Heman mikwo̧ma, Coat itji̧mu tupdadanö jojodötjö bakwo̧. Jo̧ba a'dödö tjimibiya wȩyukwa'ye baikwö laebobe: Heman abe'doma Joel mikwo̧. Ja̧danö Joel abe'doma Samuel mikwo̧.

1 Crónicas 6:34

Ja̧danö Samuel abe'doma Elcana mikwo̧. Ja̧danö Elcana abe'doma Jeroham mikwo̧. Ja̧danö Jeroham abe'doma Eliel mikwo̧. Ja̧danö Eliel abe'doma Toa mikwo̧.

Mateo 27:57

Yi̧benakwö, bakwo̧ José mikwo̧ma Pilato ö̧jobekwö i̧'yinobe. Jo̧ba Joséma Arimatea jojo, ja̧danö nöinö balada juna̧lo̧, ja̧danö ju'wibi Jesús öba̧ja̧di̧ waisacho̧ ö̧jinobe.

Josué 24:33

Ja̧danö, Aaron itji̧ Eleazar mikwo̧bi ö'wö baibinobe, ja̧danö jo̧banö tjo̧tjinobe iteda itji̧ Fines itebo comunidad Guibeatjö. Ja̧ Efrain niji mösa'iju jȩmi comunidad Guibeama, Fines mikwo̧nö tjiyinemi, iteda itebo baibanö.

Jueces 12:5

Ja̧danö Galaad jojodöma Jordan ojwe peikwelö tjujuluwinobe, ja̧danö tötjeba̧linobe, Efrainsaso ölakwabikwawa jojodö petjibapji jö̧ba̧lö. Ja̧danö, Efrainsaso ölakwabikwawadötjö bakwo̧ ichibö, —Petibobö jö̧ta̧la, —jö̧ba̧lö aebenama, abebö tja̧ja̧kwinobe, —Ökwöma Efrainsaso jojoköbiji̧? —jö̧ba̧lö. Ja̧danö, —Efrainsaso jojobö̧kö̧sa, —jö̧ba̧lö ataditjö̧ma,

Jueces 17:1

Efrainsaso nijinö mösa'iju jȩmi bakwo̧ Micaias mikwo̧ ö̧jinobe.

Jueces 19:1

Ja̧danö, israel nijitjö inesö la'aka luwo̧ ina deayi, baikwö baledinobe. Efrainsaso niji mösa'ijutjö, jalemi comunidadtjö ödö, bakwo̧ Levisaso jojo ö̧jinobe. Ja̧danö, jo̧ba Levisaso jojoma, Judasaso niji comunidad Belen jojosujunö eminobe, ömöayujubi ilekwobi bajibanö.

Jueces 4:5

ja̧danö Efrain niji mösa'iju jȩmi nijinö, jitea öjiya towi teebe ba̧nö, israel jojodönö yöbawö jö̧jinobe. Ja̧ öjiya towima, Rama comunidadbi, Betel comunidadbi ö'wejenö jinobe, ja̧danö israel jojodöma jobe jöba a'o ichibiatjinobe, wene baibena Debora lȩekwa yöjawobö.

1 Samuel 1:19

Jemi ikena möle, Elcanabi ömöledöbi yȩayi ala̧ibö yemidanö Isabenö Jo̧ öba a'otjö bȩbachibö tjösödinobe, ja̧danö ösödajadö, tjitebo Ramabe tjȩwa̧jinobe. Ja̧danö, Elcanama ilekwo Anakwö ö̧jinobe, ja̧danö Isabenö Jo̧ma Ana ajebina omukwatö metu'wo jö̧jobö weinobe,

1 Samuel 17:12

Davidma Isai itji̧, ja̧danö Isaima Efrateo ötjabawö̧tjö bakwo̧. Ja̧danö, ju'wibi Juda niji comunidad Belen jojo. Isaima i̧tji̧mu ömadönö jelemutjö̧ wamedukwanö ujuna̧linobe, ja̧danö Saul ö̧jina möle, ida̧ökö pöe ö̧jinobe Isaima.

1 Samuel 2:11

Jemi ikenama Elcanama ȩwa̧jinobe itebo Ramá comunidadbe ömöledökwö, jo̧kwaijayonö itji̧ Samuelma okobe Silo comunidadnö ö̧jibinobe, ja̧danö Eli öba a'otjö janö, Isabenö Jo̧ wei̧ otidö ö̧jinobe Samuelma.

1 Samuel 7:17

iteda ejube ȩwa̧jiainobe, Rama comunidadbe. Ja̧danö, jobe Ramatjöbi israel jojodönö jwebebö yöbawiainobe Samuelma, ja̧danö ju'wibi Ramatjö Isabenö Jo̧nö iyawöte mesasöte otidö ujuninobe Samuelma, jobe Ramatjö Diosnö kwabö juwö iyobö.

1 Samuel 9:4

Weökwe, abe'do weaja̧danö ja̧inobe Saulma, abe'do ömöayo̧nö öbibö bu̧lö̧dönö tjisakwinobe. Isakwö, Efraimsaso jojodö tjitebo mösa'ijubenö isakwö tjöbaledinobe, ja̧danö Salisa nijibenö isakwö tjöbaledinobe, bu̧lö̧dönö badekwajökönö, jemi ikenama Saalim nijibenöbi badekwajökönö tjöbaledinobe, ikenama Benjaminsaso jojodö tjitebobenöbi badekwajökönö tjöbaledinobe.

1 Samuel 9:5

Jejenö isakwö badekwajökönö Zuf niji̧be tjichibinobe, Saulbi, ömöayo̧bi. Ja̧danö, badekwajökönö Zuf nijibe ichibajadö, Saulma ömöayo̧nö yöa̧linobe, —Tjo̧wita, dewa̧ja̧duwo, chabe'do ökwödönö o̧'wo tjo̧achapji jö̧ba̧lö. Juluwanö dȩwa̧jökötjöma, chabe'doma bu̧lö̧dönö omukwatökönö, ökwödönöda o̧'wo tjo̧achena, dakwö baledajö jö̧ba̧lö.