1 Reyes 13:3 - Dios Iwene

³ Ja̧danö, ja̧ möle ju'wibi jwöbeba̧lö yöawinobe Dios yöawi̧ yöbawo̧ma, —Baikwö i̧sȩbö yötawaduwakwö, yötawaja̧ma, Isabenö Jo̧ Dios yöawaja̧da yötawajabe jö̧ba̧lö kwöwaisachibaduwakobetjö̧: Böte iyawötema ö'wejenö 'daakobe, jadanö tjiyaja̧ ökwölaso̧pja̧ma, nijakwö mebö tjoduwakobe. Jobekwö baledakwa̧ edö kwöwaisachibaduwakwedöja, yötawaja̧ma, Isabenö Jo̧ yöawi̧da yötawajabe, —jö̧ba̧lö jwöeba̧linobe.

1 Reyes 13:3 Iomraidhean Croise

1 Corintios 1:22

Jau chömöledö, judío jojodöma jojodö edajitjökö ujulu jawa i̧sekwada abebadö, ja̧danö judío jojodöböködöma waisakwawada isakwadö.

Juan 2:18

Ikenama judío jojodötjö la'aka luwedöma jö̧tja̧linobe Jesúsnö: —¿Ti weaja̧da bidönö a'dewö loköbobö?— abebö tja̧ja̧kwinobe—. Ökwödönö i̧sebi kwujuluma, dedo, Diosda weajabe ökwönö, jö̧ba̧lö, döwaisobö— judío jojodöma wetjinobe Jesúsnöma.

Jueces 6:17

Yöawökwe, Gedeonma yöa̧linobe, —Chuluwo̧, isabenö ötjönö ösödö, pjakatobö jö̧ka̧litjö̧ma, kwösödi̧ i̧sȩkwi̧ jawa kwi̧sebobö atebakwö, –Isabenö Jo̧da ötjönö webo̧ma, –jö̧ba̧lö öwawinö chöwaisachibakobetjö̧.

Isaías 38:22

Ja̧danö ö̧bibajakwa̧ yöawiökwe, abebö a̧ja̧kwinobe Ezequiasma, —Taji baledakwa̧ edö chöwaisakwa̧da, isabenö chö'wöchi̧tjö bi̧bajo̧, isabenö yemidanö Isabenö Jo̧ ejube chi̧'yakwo̧sa, —jö̧ba̧lö, ja̧danö abebö a̧ja̧kwiökwe, möle ja̧wo̧ ökömakwö kweachobö weinobe Diosma.

2 Reyes 20:8

Ö̧bibajakwa̧ wene yöawökwe, Isaiasnö abebö a̧ja̧kwinobe Ezequiasma: —Otiwa Isaias, ja̧danö i̧sȩkwa jawa, taji i̧sȩbakwa̧da Isabenö Jo̧ma, edö, –Isabenö chö̧bibajinö pjaatakwo̧ Isabenö Jo̧ma, ja̧danö wapötakwa möle baibenama, Isabenö Jo̧ ejube chi̧'yakwo̧sa, –jö̧ba̧lö edö chöwaisoböma? —jö̧ba̧lö abebö a̧ja̧kwinobe.

1 Samuel 2:34

Ja̧danö baikwö kwöwaisakwo̧ja Eli, yötawi̧ wenema isabenö yötawobe jö̧ba̧lö, bakwöta möle, kwi̧tji̧mu Ofnibi, Fineesbi bakobe debö tji̧'yakwedö. Ja̧danö, jejenö yötawaja̧danö baibenama, ju'wibi öwaetjöda öwawakobe, okobe jwiinö ju'wi jaye kwömöledönö yötawaja̧bi isabenö baledakobe jö̧ba̧lö.

Éxodo 7:10

Ikenama Moisés, Aarón, faraón ö̧bobekwö 'ya̧jadöma Isabenö Jo̧ wei̧danö a̧ja̧kwijadötö. Faraón, faraón ömöayedö tjöbajale a'o ja̧nö Aarónma otokwa'o nijakwö jaemi a̧ko'dada baibijetö.

Éxodo 4:1

Ja̧danö, Isabenö Jo̧ma jejenö yöa̧liökwe atadijetö Moisésma: — ¡Tjöpöjödena! Chömöledöma ötjö yötawi̧ a̧ja̧kwö, Omöna yöka̧la, jö̧ba̧lö, tja̧ja̧kwökena weköbi̧ yötawi̧ma. Yötja̧lena, Isabenö Jo̧ma öwawachinökena ökwönöma, jö̧ba̧lö.

1 Reyes 13:4

La'aka luwo̧ Jeroboanma a̧ja̧kwinobe, Dios ömöayo̧ Betelnö ji̧ iyawöte jawa baledakwa̧ jwöbeba̧lö yöawaja̧ma, ja̧danö a̧ja̧kwajo̧, iyawöte badeibö ja̧nö Dios ömöayo̧ ö̧jobekwö debö i̧sebö weinobe ömöayedönö, —Itenö do̧bataduwinö, —jö̧ba̧lö. Jo̧kwaijayonö, jejenö debö i̧sebenama, Jeroboan ömamuma juluwanö kököbachibö 'diachibinobe, ömamu töekwökenanö.