1 Juan 5:3 - Dios Iwene

³ Ja̧danö chö̧ja̧wo̧dö, Diosnö ile nidebi̧ma di̧sekwobe, Dios wei̧ a̧ja̧kwö ja̧dösa, jö̧ba̧lö. Ja̧danö, Diosnö ile nibebö dö̧jena jo̧ba wei̧ da̧ja̧kwoböma waiyökö chö̧ja̧wo̧dö.

1 Juan 5:3 Iomraidhean Croise

2 Reyes 18:6

Jau, isabenö 'diinö do̧ba̧lö, otiwanö Isabenö Jo̧nö o̧'wo wana̧lö ö̧jinobe Ezequiasma. Otiwanö Moises i̧wȩyudina Isabenö Jo̧ weina jawa a̧ja̧kwö ja̧nö, jwaikwöda kabatibökönö Isabenö Jo̧nö ösödö ö̧jinobe Ezequiasma.

Éxodo 20:6

Jo̧kwaijayonö ötjönö ösödadötjö, ötjö weti̧ a̧ja̧kwadötjö tupadanö jojodönöma, ba̧kwelö̧jatebö balewachökönö chösödakwo̧sa.

Proverbios 3:17

Jao chitji̧, jobujuma, jweinö omukwatö ja̧kwawa wanekwachujuma ökwönö öjibi̧danö öbibuju okobe jwiinö kwi̧'yenama kwo̧'wo̧ ösöwanö kwi̧'yobö.

Daniel 9:4

Ja̧danö Dios öba a'otjö sulabenö ja̧dina yöbawö lotijatö, baikwö yöba̧lö Diosnö atebijatö: Chuluwo̧ Dios, isabenö otiwo̧ ja̧danö juluwo̧ja. Ökwöma isabenö yöbawö kwujuninadanö ja̧bo̧ja, ja̧danö isabenö jwaikwöda kabatibökönö ösödo̧ja ökwö weköbi̧ a̧ja̧kwadönöma.

Mateo 23:4

Jobadö jojodönö wetji̧ baikwö wanedö yötawa: Ömöki̧ jawa ko̧ko̧dibö di̧batö, jojodö tjöböbe'onö tjöwanobedanö ichejekwa tje'ewobö, jo̧kwaijayonö jojodö tje'ewobö wetjijayonö, ja'yubebi jojodö tje'ewoböma pjabatöködö. Sule weba̧löda wetjobe jojodönö, pjabatökönö.

Juan 14:15

Ina yöawinobe: —Ötjönö ile nikebaduwitjö̧ma ötjö weti̧ kwa̧ja̧kwaduwena.

Juan 15:10

Ötjöma Chabe'do wei̧da a̧ja̧kwö chö̧jobetjö̧ jo̧bakwö dötewinö ja̧nö ile nieba'wo okwada jo̧sa, jelobekwö 'yö̧könö. Ja̧danö ökwödöbi. Ötjö weti̧ a̧ja̧kwö kwö̧jaduwitjö̧ma ötjökwö dötewinö ja̧nö niteba'wo okwada kwö̧jaduwena— yöawinobe Jesúsma—.

Juan 15:14

Ina yöawinobe: —Ja̧danö, ökwödöma ötjö weti̧ ja̧bö kwö̧jaduwitjö̧ma ökwödönö ötabiwö̧ja, Chömöledöja, jö̧ba̧lö.

Romanos 7:12

Jau chömöledö, Moisés iwȩyudinama jwiinö otiwinobe, Diostjöda ichinobetjö̧. Ja̧danö, Moisés iwȩyudinama otiwanö yöawobe Dios ösödi̧ma. Jau chömöledö, okobe jwiinö Dios weina Moisés iwȩyudinama jwiinö otiwinobe.

Romanos 7:22

Isabenö chösödobe Dios weinama, Biya̧da ja̧bö chö̧jo, jö̧ba̧lö.

Deuteronomio 5:10

Jo̧kwaijayonö ötjönö öpöjödadönö lȩtebijayonö, jwaikwöda ösödö pjabato̧sa, ötjönö ösödö, weti̧danö ja̧bö ju̧kwadönöma. Jau, isabenö jobadönö pjabato̧sa, baikwö yötawa, ötjönö ösödadönöbi, tjitji̧munöbi, tjö̧'dö̧dönöbi, tupakwö bajalenö la'akatjöda 'dö̧jibajökenanö jobadönö pjatatakwo̧sa, tja'döma ötjönö ösödö weti̧ a̧ja̧kwö ö̧jinobetjö̧.

Deuteronomio 7:9

—Ja̧danö chömöledö, jejenö pjaatinobetjö̧, baikwö kwöwaisaduwobö jo̧be kwuluwo̧duwi Isabenö Jo̧ Diosnö, –Dösödökwema isabenö Diosbo̧, –jö̧ba̧lö, ja̧danö –Dösödökwe Diosma isabenö yöbawö ujuninadanö ja̧akwo̧, –jö̧ba̧lö. Ja̧danö, ju'wibi kwöwaisaduwobö jo̧be, –Diosnö ösödö, wei̧danö a̧ja̧kwö ju̧kwadönö ile nibebo̧ Diosma, ba̧kwelöjatebö 'dö̧ibajökenanö jobadönöbi, tji̧tji̧mu tupadanö jojodönöbi ile nibebo̧, –jö̧ba̧lö.

Hebreos 8:10

Ina laebobe Dios iwenetjö, Dios iteda 'yayi̧ balekwa yöbawö ujunina badekwachakwa̧ möle yöawi̧: Jo̧kwaobetjö̧ ju'wi möle ajayinö yöbawö chujunina söbebö lobö, 'yayi̧ balekwa yöbawö chujunina yötawakwo̧sa Israelnö ju̧kwadötjö tupadanö jojodönö. Ja̧danö, ja̧ 'yayi̧ balekwa yöbawö chujunina chiwenema chömöledö tjomukwati̧ okwanö a̧jakobe. Ja̧danö, jobadö tjomajade okwanöbi chiwȩyudi̧danö wȩyukwachakobe, ötjö 'yayi̧ balekwa yöbawö chujunina chiwenema. Jobadöma ötjönö ötjabikobe, Duluwo̧ Dios, jö̧ba̧lö, ja̧danö, ötjöma jobadönöma ötabikobe, Chö̧möledö, jö̧ba̧lö.

1 Juan 2:3

Chö̧ja̧wo̧dö ¿dakwö ja̧nö di̧sekwobeda döwaisobö, Isabenö ökwödöma Diosnö waisadösa, jo̧bakwö dötewinö 'ya̧jadösa, jö̧ba̧lö? Biya̧ chö̧ja̧wo̧dö: Dios wei̧ a̧ja̧kwö dö̧jobö jo̧be. Jejenö, jo̧ba wei̧ a̧ja̧kwö dö̧jena döwaisa, Isabenö ökwödöma Diosnö waisadösa, jö̧ba̧lö.

2 Juan 1:6

Ja̧danö, ökwödöma Dios wei̧ a̧ja̧kwö dö̧jena di̧sekwobe, Diosnö ile nibebadösa, jö̧ba̧lö. Ja̧ wei̧ma biya̧da: Jesúsnö do̧batö kweminaduwemitjö baikwö kwa̧ja̧kwinaduwama, Jesústjö kwö̧ja̧wo̧dökwö ösödabikwawö kwuju̧kwaduwo, jö̧ba̧lö. Jejenö Dios wei̧ a̧ja̧kwö kwi̧'yaduwobö jo̧be, kwö̧ja̧wo̧dökwö ösödabikwawö.