1 Juan 4:16 - Dios Iwene

¹⁶ Chö̧ja̧wo̧dö Diosma ökwödökwö dötewinö i̧'yobetjö̧, ja̧danö jo̧bakwö dötewinö di̧'yobetjö̧ isabenö döwaisachibijatö, Diosma jwiinö ile niebobe ökwödönöma, jö̧ba̧lö. Jejenö waisö jo̧banö do̧'wo̧ wana̧lö di̧'yobe, Diosma isabenö ökwödönöma jwiinö ile nibebo̧, jö̧ba̧lö. Chömöledö, Diosma ile nibeböda jo̧. Ja̧danö bakwo̧, ö̧ja̧wo̧dökwö ile nibebö jo̧ma Dioskwö dötewinö 'yo̧. Ja̧danö, Diosma jo̧bakwö dötewinö 'yo̧, ö̧ja̧wo̧dönö ile nibebö 'yo̧kwö.

1 Juan 4:16 Iomraidhean Croise

Isaías 64:4

Jau chuluwo̧, ökwödanöbo̧, jo̧banö tjo̧'wo wana̧ladönö pjabato̧ma bakwo̧bi deobe. Damötjö baikwö bajalenö, la'akatjöda a̧ja̧kwajiböködösa, la'akatjöda bakwo̧bi ölakiyunö a̧ja̧kwinokobe, ja̧danö bakwo̧bi öbajalenö edinokobe, ökwöjayo̧ ösödadönö otiwanö pjabato̧nöma.

Juan 6:69

Ökwö yökawi̧ a̧ja̧kwö dösödijatö, Jweinö yöbawo̧, jö̧ba̧lö. Döwaisachibijatö, Ökwöma suli̧ jwibo̧ja, Dios weinökweköbobetjö̧, jö̧ba̧lö— jejenö atadinobe Simón Pedroma.

Juan 9:3

abebö tja̧ja̧kwökwe: —Jejenömaökö. Ite, abe'do, ojo'do, jobadö jawamaökö. Jobadö sulabenö ja̧tjinamaökö ite öbajale tjewawökwe baiboböma. Dios iteda ujulu i̧sebö otidö loakobetjö̧ itenöma, öbajale tjewawökwe öbötjachinobe— yöawinobe Jesúsma—.

1 Corintios 2:9

Jo̧kwaijayonö, wajwitjinajayonö, Diosma isabenö otiwa jawa ökwödönö iyobö omukwatobe Dios iwene laebi̧danö. Baikwö laebobe Dios iwene: Diosma inesö otiwa jawa otidinobe jo̧banö ösödadönö iyobö. Jojodöma jejenöjaye otiwa jawama la'akatjöda edöködö, ja̧danö la'akatjöda a̧ja̧kwöködö, ja̧danö la'akatjöda tjomajadenö omukwatöködö, tjomukwati̧tjö bajalekwönönö otiwobetjö̧. jö̧ba̧lö laebobe.

1 Juan 3:1

Chö̧ja̧wo̧dö, Dabe'do Dios ökwödönö jwiinö ile niebi̧ma domukwataduwo. Yelösöda jwiinö ile niebobe ökwödönö. Ja̧danö, jwiinö ile niebobetjö̧ ökwödönö öabobe, Chi̧tji̧mu, jö̧ba̧lö. Isabenö chö̧ja̧wo̧dö, ökwödöma Dios i̧tji̧musa. Jejenöijayonö böjȩ jawa ösödadöma ökwödönö edö omukwatöködö, Idöma Dios i̧tji̧mu, jö̧ba̧lö. Dios i̧tji̧mu döji̧ma wajwitjobe. Jobadöma Diosnöbi wajwitjobetjö̧ ökwödönö, Idöma Dios i̧tji̧mu, jö̧ba̧lö, tjomukwatokobe.

1 Juan 3:16

Ja̧danö chö̧ja̧wo̧dö, dö̧ja̧wo̧dönö ile nibebö dö̧ji̧ma ¿dakwö ja̧bö dö̧jobeda? ¿Ti i̧sebinada döwaisachibanö, Ja̧da ile nibebö ja̧kwawa, jö̧ba̧lö? Jesúsda chö̧ja̧wo̧dö. Jesúsma ökwödönö ile nibebö, ökwödö diminö dusula dumusidi̧ midawö ö'wö baibinobe. Chö̧ja̧wo̧dö, ökwödöma Jesús ile nibebö ö̧jinadanö, okobe jwiinö iyö, ökwödöbi dö̧ja̧wo̧dönö pjabatö, ile nibebö dö̧jobö jo̧be, debö di̧'yitjö̧bi.

1 Juan 3:24

Ja̧ Dios dötölataja jawa wei̧ a̧ja̧kwo̧ma Dioskwö dötewinö 'yo̧. Ja̧danö, Diosma jo̧bakwö ö̧jobe. Ja̧danö chö̧ja̧wo̧dö, Dios O̧'wo̧ Luwo̧, do̧'wo̧ luwo̧ okwanö ö̧jobö Dios weinökwema döwaisachibanö pjabato̧, Diosma ökwödökwö jo̧, jö̧ba̧lö. Jau chö̧ja̧wo̧dö, Diosma iteda wei̧ a̧ja̧kwadökwö jo̧, jo̧bakwö dötewinö 'ya̧dökwö.

1 Juan 4:7

Chösödawö̧, isabenö dö̧ja̧wo̧dökwö ösödabikwawö dö̧jaduwo. Ja̧danö, ösödabikwawö dö̧jobö dujuluma ¿detjö ichobeda? Diostjöda ichobe chö̧ja̧wo̧dö, iteda i̧tji̧munö pjaati̧ma. Ja̧danö, ösödabikwawö dö̧ji̧ma di̧sekwobe, Ökwödöma Dios i̧tji̧mu babibinadösa, jö̧ba̧lö. Ja̧danö, dö̧ja̧wo̧dökwö ösödabikwawö dö̧ji̧ma di̧sekwobe, Diosnö waisadösa, ja̧danö, jo̧bakwö dötewinö 'ya̧dösa, jö̧ba̧lö.