1 Juan 2:5 - Dios Iwene

^5-6 Jo̧kwaijayonö Dios wei̧ a̧ja̧kwo̧ma Diosnö jwiinö ile nibebo̧, ja'yubebi ji̧bökönö. Ja̧danö, ju'wi jawabi yötawa chö̧ja̧wo̧dö. Bakwo̧, Ötjöma Dioskwö dötewinö jo̧sa, jö̧ba̧lo̧ma, otiwanö omukwatö ö̧jobö jo̧be, Cristo ö̧jinadanö. Chö̧ja̧wo̧dö, Cristo ö̧jinadanö dö̧jenama ökwödöda öwawinö döwaisa domajadenö, Jau Dioskwö dötewinö ja̧dösa, jö̧ba̧lö. Chö̧ja̧wo̧dö, Dios wei̧ a̧ja̧kwö kwö̧jaduwo, Cristo ö̧jinadanö, Dioskwö dötewinö.

1 Juan 2:5 Iomraidhean Croise

Proverbios 28:7

Ja̧danö, ju'wibi yötawa, du̧ju̧taja möayedönö wanedöma: Bakwo̧ möayo̧, Dios wei̧ a̧ja̧kwo̧ma jweinö omukwatö jo̧. Ja̧danö, jelo̧ möayo̧ma jweinö omukwatöködökwö pjabacha̧lö kwebacho̧. Jo̧bama jweinö omukwatöködökwö pjabacha̧lö kweachobetjö̧ abe'donö ojo'donö taba lö̧jinö tjö̧jobö ja̧bo̧.

Proverbios 8:32

Ina yöbawuju jweinö omukwatö ja̧kwawa wanekwachujuma, tjȩmu juna̧luju ji̧tji̧mu̧nö yöjawi̧danö. Baikwö yöbawuju: — Chitji̧mu̧, ajayitjöda jinujuchobetjö̧ ökwödönö yötawi̧ma kwa̧ja̧kwaduwobö jo̧be. ¡A̧ja̧kwaduwitjö! Yötawi̧ma a̧ja̧kwö kwö̧jaduwitjö̧ma kwo̧'wo̧ ösöwanö kwö̧jaduwakwedöja.

Lucas 11:28

Yöja̧liökwe, Jesúsma atadinobe: —Isabenö Dios otiwanö pjaatoko chojo'donöma, ötjönö jemobö iyinobetjö̧, jo̧kwaijayonö ja̧tjö bajalekwönönö isabenö nöinö pjabato̧ Diosma, Dios iwene a̧ja̧kwö laebachi̧danö ja̧bö ju̧kwadönöda chömöledö— jö̧ba̧lö.

Juan 14:21

Ötjö weti̧ a̧ja̧kwadöma isabenö ötjönö ile nibebö ju̧kwadö. Ja̧danö, ötjö Chabe'doma ötjönö ile nibebö ju̧kwadönö ile nibebö jo̧. Ja̧danö ötjöbi, ötjönö ile nibebö ju̧kwadönö ile nibebö jo̧sa. Jobadönö chi̧sekwakwo̧sa ötjönö tjöwaisachibanö—yöawinobe Jesúsma.

Juan 14:23

—Ötjönö ile nibebö ju̧kwadöma ötjö weti̧ a̧ja̧kwö ja̧badö. Ja̧danö, Chabe'doma jobadönö ile nibebö jo̧. Ja̧danö, ötjö, Chabe'do, jobadönö ichö, jobadökwö dö̧jakwedösa.

Juan 15:5

Ötjödasa ubasa'bama. Ökwödöma ubasa'ba opjiyabedöja, ötjökwö dötewinö ja̧nö. Ja̧danö, ötjöma ötjökwö dötewinö ja̧dökwö dötewinö jo̧sa. Jobadöma ubasa'ba otiwanö pokwö wa̧ji̧danö otiwanö da̧peachö tji̧'yakwedö. Ja̧danö, jobadöma otiwanö tjomukwatakwedö ötjökwö dötewinö tjö̧jobetjö̧. Jo̧kwaijayonö ötjökwö dötewinö jö̧ködöma otiwanö omukwatö tjö̧joböma jwibadö, ötjökwö dötewinö tjö̧jokobetjö̧.

Juan 6:56

Chiteba'o kwanöbi, chökwösobu owöbi ja̧badöma ötjökwö dötewinö ju̧kwadö. Ja̧danö, ötjöma jobadökwö dötewinö jo̧sa— Jesús jö̧a̧linobe—.

Romanos 8:1

Ja̧danö chömöledö, babema Cristo Jesúskwö a̧jö dö̧jobetjö̧ bakwo̧bi deobe ökwödönö yöba̧lo̧ma, Bidöma sulabedö, Dios lȩebakwawö̧, jö̧ba̧lö.

1 Corintios 1:30

Ja̧danö, Diosma ökwödönö Cristo Jesúskwö bakobe bakibaduwanö ja̧inobe. Ja̧danö Diosma Cristonötjö iteda öwaisi̧ waisakwawa ji̧ma ökwödönö iyobe. Jau chömöledö, Cristoda sulabe jwibadö badibanö ja̧binama, ja̧danö Cristoda Dios ömöledö badibanö ja̧binama, ja̧danö Cristoda dö̧jibobö midawö wobinama.

2 Corintios 5:17

Jau chömöledö, Cristonö ösödadöma ida̧ökö jo̧bakwö wotjinobe, ja̧danö ida̧ökö jo̧bakwö tjetjachajinobe. Jo̧kwajabetjö̧, baikwö jo̧be chömöledö, bakwo̧ Cristokwö dötewanö ö̧jitjö̧ma, Dios 'yayinö otidajökwe baibanö jo̧ jo̧bama. Jau chömöledö, Cristokwö dötewadönöma, damö jawama ida̧ökö 'dö̧ibajinobe, ja̧danö babe dö̧ji̧ma, 'yayinö ja̧kwawa baibinobe. Jo̧kwajabetjö̧ chömöledö, damö jawa ida̧ökö 'dö̧ibajinobetjö̧, tupakwö ja̧ jawa domukwatoböma jwiobe, jwaikwöda 'yayinö ja̧kwawa jawada domukwatobö jo̧be.

2 Corintios 5:21

Jau chömöledö, otiwa jawa wenema baikwö laebobe: Cristoma la'akatjöda sulabenö ja̧inököjayonö, Diosma weinobe, ökwödö sulabenö ja̧di̧ma Cristonö baibobö, jo̧bada midawö woobö. Jejenö weinobe chömöledö, ökwödöma Cristokwö dötewanö ja̧nö, Cristonötjö Dios sulabe jwii̧ ökwödöbi dujuna̧lakobetjö̧.

Santiago 2:22

Isabenö yötawa. Abrahamma Diosnö o̧'wo̧ wana̧löbi, ja̧danö Dios wei̧ a̧ja̧kwö i̧seböbi ö̧jinobe. Jo̧ba o̧'wo̧ wana̧lö ö̧ji̧kwö, ja̧danö i̧sebö ö̧ji̧kwö bakobe dötewinö ji̧nobe. Jejenö Abrahamma Diosnö o̧'wo̧ öwana̧li̧ i̧sekwobetjö̧ jo̧ba o̧'wo̧ luwo̧nö da̧peachibanö i̧'yinobe. Jejenö 'ya̧nö ja'ödamaökö jwiinö o̧'wo̧ wana̧lö ö̧jinobe Abrahamma Diosnöma.

1 Juan 3:24

Ja̧ Dios dötölataja jawa wei̧ a̧ja̧kwo̧ma Dioskwö dötewinö 'yo̧. Ja̧danö, Diosma jo̧bakwö ö̧jobe. Ja̧danö chö̧ja̧wo̧dö, Dios O̧'wo̧ Luwo̧, do̧'wo̧ luwo̧ okwanö ö̧jobö Dios weinökwema döwaisachibanö pjabato̧, Diosma ökwödökwö jo̧, jö̧ba̧lö. Jau chö̧ja̧wo̧dö, Diosma iteda wei̧ a̧ja̧kwadökwö jo̧, jo̧bakwö dötewinö 'ya̧dökwö.

1 Juan 4:17

Ja̧danö, chö̧ja̧wo̧dö ökwödöma Dioskwö bakobe dötewinö 'ya̧dösa. Ja̧danö, Diosma ökwödökwö dötewinö 'yo̧. Jejenö 'ya̧nö Diosma ökwödö do̧'wo̧ luwo̧ okwanö öibobe dö̧ja̧wo̧dönö ile nibebö dö̧jobö, jo̧ba ökwödönö ile niebi̧danö. Chö̧ja̧wo̧dö, jejenö dö̧jenama Dios ökwödö dö̧jobö ösödi̧danö dö̧jobe, jo̧ba ile niebi̧ma i̧sebö. Ja̧danö, jejenö dö̧jobetjö̧, Dioskwö dötewinö 'ya̧nö, ja̧danö dö̧ja̧wo̧dökwö ösödabikwawö ju'wi möle, jojodönö lȩekwa yöawakwa̧ möle omukwatö yebaböködösa. Chö̧ja̧wo̧dö, ökwödöma Jesús Dioskwö dötewinö ö̧ji̧danö böjȩnö ja̧nö Dioskwö dötewinö di̧'yobetjö̧ ja̧ lȩekwa yöawakwa̧ möle omukwatö yebaböködösa, Isabenö Dios öba a'o otiwanö dichibakwedösa, jö̧ba̧lö.

1 Juan 4:18

Chö̧ja̧wo̧dö, jejenö Dioskwö bakobe dötewinö 'ya̧nö, jo̧ba ösödi̧danö dö̧ja̧wo̧dökwö ösödabikwawö dö̧jobetjö̧ Dios ile niebi̧ma waisadösa. Jejenö waisö Dios lȩekwa yöawakwa̧ möle omukwatö yebaböködösa. Jo̧kwaijayonö bakwo̧ Dioskwö dötewinö 'yö̧kö̧, ja̧danö ö̧ja̧wo̧dönö ösödökönö jo̧ma ina wajwibo̧ Dios ile niebi̧ma. Ina Dios jo̧ba ö̧jobö ösödi̧ma wajwibo̧. Jo̧bama Dios ile niebi̧ öwaisokobetjö̧ ina Dios lȩekwa yöawakwa̧ möle omukwatö yelösöda yebabo̧, Lȩebakwo̧sa, jö̧ba̧lö.

1 Juan 5:2

Ja̧danö chö̧ja̧wo̧dö ¿dakwö di̧sekwobeda, Isabenö ökwödöma Dios i̧tji̧munö ile nibebö ja̧dösa, jö̧ba̧lö? Biya̧: Diosnö ile nibebö, ja̧danö jo̧ba wei̧ da̧ja̧kwobö jo̧be. Jejenö, Dios wei̧ a̧ja̧kwö ja̧nö di̧sekwobe Diosnöbi, Dios i̧tji̧munöbi ile nibebadösa, jö̧ba̧lö.

1 Juan 5:20

Ja̧danö chö̧ja̧wo̧dö, ju'wi jawabi döwaisa, biya̧: Dios Itji̧ Jesucristoma böjȩnö ichinobe Isabenö Jo̧ Diosnö döwaisachibanö yöbawö. Ja̧danö, babema Dioskwöbi Itji̧ Jesucristokwöbi bakobe dötewinö 'ya̧dösa. Chö̧ja̧wo̧dö, Jesucristoma isabenö jo̧ Diosda. Ja̧danö, jo̧ba Jesucristoma ökwödönö pjaatinobe, do̧'wo̧ luwo̧nö ba̧kwȩlö̧jatebö dö̧jobö.

2 Juan 1:6

Ja̧danö, ökwödöma Dios wei̧ a̧ja̧kwö dö̧jena di̧sekwobe, Diosnö ile nibebadösa, jö̧ba̧lö. Ja̧ wei̧ma biya̧da: Jesúsnö do̧batö kweminaduwemitjö baikwö kwa̧ja̧kwinaduwama, Jesústjö kwö̧ja̧wo̧dökwö ösödabikwawö kwuju̧kwaduwo, jö̧ba̧lö. Jejenö Dios wei̧ a̧ja̧kwö kwi̧'yaduwobö jo̧be, kwö̧ja̧wo̧dökwö ösödabikwawö.

Apocalipsis 12:17

Jejenö baledobetjö̧ toba'dadanöso̧ma isujunö jwiinö ölabobe chedijatö. Jo̧kwaobetjö̧ jobuju ji̧tji̧munö, ajayinö jeminawö̧nö inia tjötjinö ja̧otö jö̧ba̧lö i̧'yobe chedijatö. Jobadöma, ajayinö jeminawö̧ ji̧tji̧muma, Dios weina a̧ja̧kwadö, Jesús jawa yöbawadö. Ja̧danö, toba'dadanöso̧ma so̧bi̧ya̧pu̧nö jamatö jo̧nö chedijatö, ojwe ö'öbö.

Apocalipsis 14:12

Jo̧kwaobetjö̧ ötjö, Juan, yötawaduwakwö. Ökwödöma Dios ömöledö babibinadöja, jo̧ba wei̧ a̧ja̧kwadöja, Jesúsnö ösödadöja. Kwo̧'wo̧ luwo̧duwi 'dibachibö ja̧nö te'ada̧lakwawö kwö̧jaduwo, böjȩnö ja̧nö sulabenö baledenabi.