1 Corintios 9:9 - Dios Iwene

⁹ Baikwö laebobe Dios weina Moisés iwȩyudinama chömöledö: Pakayaso̧kwö trigo jawa kwotidenama, pakayaso̧ aapo di̧batökönuwi, trigo jawa kwotidobetjö̧, kwotidonö jo̧babi trigo jawatjö ukwobö jo̧be, jö̧ba̧lö laebobe Dios iwene. ¿Didönö omukwatö jejenö weinada Diosma chömöledö, pa̧ka̧yö̧nöda omukwatö weinaji̧?

1 Corintios 9:9 Iomraidhean Croise

Proverbios 12:10

Ju'wibi yötawa: Dios wei̧ a̧ja̧kwö jo̧ma lȩ lö̧jinö edö otiwanö ite'ada̧lobe a̧jwi̧mu̧nöma. Jobekwö ite'ada̧lokobe sulabenö omukwato̧ma. Sulabenö omukwato̧ma a̧jwi̧mu̧nöma lȩ lö̧jökönö edo̧, te'ada̧lökönö.

Isaías 28:28

Ja̧danö pan otikwa jawa trigo wa̧ji̧ma, i̧sopja baibanö 'dobö otidadö, jo̧kwaijayonö kabatibökönö 'dobö otidöködö, jö̧tö? Ja̧danö, trigo jawa ochobiya wamenö, ajwimu kabayudö koluka tötjobö weijayonö, kabatibökönö wamenö tjöbaledobö webö̧kö̧, trigo jawa 'dainö suli̧ waekwapji jö̧ba̧lö, jö̧tö?

Romanos 4:23

Ja̧ Dios iwene laebi̧ma, Dios jö̧a̧lina, Chedemi bitema suli̧ jwibo̧, jö̧ba̧lö, laebi̧ma, sule Abrahamda omukwatobö laebokobe. Ökwödö bajaliya jojodöbi domukwatobö laebobe chömöledö. Ja̧danö, ökwödöbi Dios yöawi̧, Duluwo̧ Jesúsnö woawatjö yemidanö tjeachajinö ja̧bina yöawi̧ dösöditjö̧ma, ökwödönöbi yöawakwo̧ Diosma, Chedemi bidöma suli̧ jwibadö, jö̧ba̧lö.

Deuteronomio 25:4

—Ja̧danö ju'wibi yötawaduwakwö, pakayakwö trigo sula'wotjö chabö kwotidaduwenama, kwajwi pakaya aa di̧kataduwoko, jejenö otidonö, wainö kwo̧, —jö̧ba̧lö yöawinobe Moisesma.

Deuteronomio 5:14

Jo̧kwaijayonö, jelemutjö̧ dötölataja mölema kwotidaduwobö jwiobe. Ja̧ otikwökö mölema, otidökönö ötjö kwuluwo̧duwi Isabenö Jo̧ Diosnö kwomukwataduwobö ji̧ möle, jo̧kwajabetjö̧ ja̧ möle kwotidaduwobö jwiobe. Jau, ökwödöbi, kwitji̧muduwibi, kwömöayedöbi, kwotidaduwobö jwiobe, ja̧danö ju'wibi ja̧ möle kwajwimu pa̧ka̧yadöbi, bu̧lu̧döbi, ju'wedö kwa̧jwi̧mubi tjotidobö jwiobe, ja̧danö israel jojodöböködö, jelobetjö ichajadö kwiteboduwinö ju̧kwadöbi tjotidobö jwiobe otikwökö mölema, –jö̧ba̧lö weinobe. Jau chömöledö, kwömöayedö ömadöbi, ya̧döbi otidökönö ja̧ möle tjö'wachobö jo̧be, baikwö yötawa:

1 Timoteo 5:18

Baikwö laebobe Dios iwenema: Pakayaso̧kwö trigo jawa kwotidenama, pakayaso̧ aapo di̧kataduwoko, trigo jawa otidobetjö̧, otidonö jo̧babi trigo jawatjö ukwobö jo̧be, jö̧ba̧lö laebobe. Ja̧danö, jelobe baikwö laebobe Dios iwenema: Bakwo̧ otido̧ otiditjö̧ma, otidaja̧ mikwa balada otidajo̧nö tjimidobö jo̧be, jö̧ba̧lö laebobe. Ja̧danö, te'ada̧lakwawa luwedö Jesúsnö ösödadönö te'ada̧lö tjotidobetjö̧, balekwa mikwa jobadönö böjȩnö tjö̧ji̧ jawa pjatjatobö jo̧be.