1 Corintios 9:10 - Dios Iwene

¹⁰ Ökwödönö omukwatö jejenö weinobe chömöledö. Jau chömöledö, batjo sobö chawidö otido̧ma, tupakwö wa̧jakwa̧ ukwotö jö̧ba̧lö otido̧. Ja̧danö, batjo jawa wa̧ji̧ 'döbö otido̧ma, otidaja̧tjö ukwotö jö̧ba̧lö otido̧.

1 Corintios 9:10 Iomraidhean Croise

Mateo 24:22

Jau chömöledö, ja̧ möle baledakwa̧ lekwe baleditjö̧ma, okobe deinö böjȩnö ju̧kwadö debö tji̧'yo jö̧tja̧lena, jo̧kwaijayonö iteda omudawö ujuninawö̧nö omukwatö lekwökönö ja̧akwo̧ Diosma.

Romanos 15:4

Jau chömöledö, Dios iwene damötjö tjiwȩyudina jawama, ökwödö döwaisachibobö tjiwȩyudinobe. Ja̧danö, tjiwȩyudina döwaisachenama, dujuluwachibanö döwaisachibena, ja̧danö juluwanö me'dawachibökönö, Diosnö do̧'wo̧ wana̧lö dö̧jena, Isabenö Dios jö̧a̧li̧danö baledakobe, jö̧ba̧lö.

1 Corintios 3:9

Jau chömöledö, ötjöbi, Apolosbi bakobe Dios wei̧ otidö batjo otikwa jojodödanö ichejekwadösa. Ja̧danö, ökwödö Corintio jojodöma Dios öbatjodanö ichejekwadöja chömöledö. Ja̧danö ju'wi wanedö yötawa chömöledö: Ökwödöma Dios ejudanö ichejekwadöja.

2 Corintios 4:15

Jejenö omukwatö, usula demawijayonö kabatibökönö jwaikwöda yöbawö dö̧jobe chömöledö. Jau chömöledö, okobe jwiinö usula demawi̧ma, ökwödönö pjadatotö jö̧ba̧lö usula demawobe, tupakwönönö ba̧jekwadö jojodönö Dios mikwa jwiinö otiwanö iyenama, otiwanö iyo̧ja jö̧ba̧lö ba̧jekwadö Diosnö tjösödakobetjö̧, ja̧danö okobe deinö Diosnö otiwanö tjomukwatakobetjö̧.

2 Timoteo 2:6

Isabenö mikwawobe Duluwo̧ wei̧ kwotidi̧ma Timoteo, baikwö wanedö yötawa: Batjo jawa 'diinö otidadöma, jobadöda tjotidaja̧tjö abönö kwadö, ¿jö̧tö? Ja̧danö ökwöbi Cristo wei̧ kwotidobetjö̧, isabenö kwotidaja̧ mikwa kwemakwo̧ja Timoteo.