1 Corintios 7:9 - Dios Iwene

⁹ Jo̧kwaijayonö ilekwo wobekwina isujunö ja̧bökönö ö̧jobö jwiitjö̧ma, ja̧danö jilekwe wobekwinuju iso̧nö ja̧bökönö jö̧jobö jwijitjö̧ma, yemidanö tjemobö jo̧be. Jau chömöledö jejenö tji̧lȩkwa̧munö tjemobö otiwa, sulabenö 'da̧'da̧akwawa tjomukwatapji jö̧ba̧lö.

1 Corintios 7:9 Iomraidhean Croise

Hechos 19:36

Bakwo̧bi deobe, Jejenömaökö, ökwödöma Artemisa jawa te'ada̧löködö, jö̧ba̧lo̧ma. Jo̧kwaobetjö̧ jwökeba̧laduwi̧ma wi babibö ju̧kwaduwi. Omukwatökönö sulabenö ja̧köbaduwoko chömöledö.

1 Corintios 7:2

jo̧kwaijayonö tji̧lȩkwa̧muböködökwö sulabenö ja̧tjapji jö̧ba̧lö, ömadöma bakwo̧nökwena tjilekwokwena tjemo, ja̧danö ya̧döma bakwujukwena tjilekwekwena tjemo.

1 Corintios 7:28

Jejenö yöta̧li̧ma, kwilekwonö kwemobö sula, Dios öpöjödi̧ jö̧ba̧lö yöta̧lökö. Ja̧danö, kwilekwonö kwemitjö̧ma, ja̧danö jilekwe debujuma jilekwenö jemitjö̧ma, sulökö, Dios öpöjödökö. Yöta̧laja̧ma baikwö yötawa: Babe baledi̧ jawa baledobetjö̧, tji̧lȩkwa̧munö juna̧ladöma böjȩnö ja̧nö nöinö wene tjujuna̧lakwedö. Ja̧danö jejenö wene baledapji jö̧ba̧lö, kwilekwonö emökönö kwö̧jitjö̧ma otiwena jö̧ba̧lö yötawa.

1 Corintios 7:36

Ja̧danö, tji̧lȩkwa̧munö debadönö, tupakwö tjemakwawö̧nö yöbawö juninadönö yötawa. Bakwo̧ Aaa, tupakwö bisunö chemocha jö̧ba̧lö yöbawö juninama, jwaikwöda Duluwo̧ wei̧ ja̧bö ö̧jo jö̧ba̧lö, ilekwonö emokobö omukwatena. Jo̧banö baikwö yötawa: Omajadenö omukwati̧danö ja̧obö jo̧be. Aaa, chemakwuju jö̧ta̧lokonö chemökötjö̧ma, jobujunö sulabenö ja̧tena jö̧ba̧lö omukwatitjö̧ma, ilekwo bajibanö emobö jo̧be. Ja̧danö, jobujukwö bakobe baibo jö̧ba̧lö, nöinö jobujunö emobö ösöditjö̧ma, wene jwia, jobujunö emobö jo̧be ilekwo bajibanö. Jejenö emoböma öpöjödö̧kö̧ Diosma chömöledö.

1 Corintios 7:39

Jau chömöledö, bakwuju jilekwenö bu̧juma, jilekwe ina ö̧jayi, jo̧bakwöda jö̧jobö jo̧be. Jo̧kwaijayonö, jilekwe woitjö̧ma, jelo̧nö jemena. Ja̧danö, Jesúsnö öpöjödo̧nö jemoko, Jesúsnö ösödo̧nöda jemobö jo̧be. Jau chömöledö, jelo̧nö jemobö jösöditjö̧ma, wene jwia.

1 Tesalonicenses 4:4

Ja̧danö, ökwödö ömadöma bakwo̧nökwena kwöwaisaduwobö jo̧be, kwi̧lȩkwa̧muduwikwö otiwanö ja̧kwawama, Diosbi jojodöbi kwö̧jaduwi̧ edö otiwa jö̧ba̧lö tjomukwatakobetjö̧.

1 Timoteo 5:11

Ja̧danö, jobadönö tjite'ada̧lijayonö, ina sesenta o̧biya ichiböködönö Jesúsnö ösödadö tjite'ada̧lawö̧ baibanö kwödoböma jwia. Baikwö yötawa: Jesúsnö ösödadö tjite'ada̧lawö̧ wobekwinadöma baikwö yöbawö junadö, Jwaikwöda Jesús wei̧da ja̧bö chö̧jakwujusa chilekwenö emökönö, jö̧ba̧lö. Jo̧kwaijayonö, ina möayedödanöbedö wobekwinadöma, iso̧kwö tjö̧jobö jö̧tja̧lobetjö̧, Jesús jawa kabatibö yemidanö tji̧lȩkwa̧munö tjemena, ajayi yöbawö tjujunina wene ja̧bökönö. Ja̧danö, yöbawö tjujunina wene ja̧tjokobetjö̧, sulabenö ja̧tjena.

1 Timoteo 5:14

Jo̧kwajabetjö̧, baikwö yötawa: Ina sesenta o̧biya ichiböködö ya̧dö tji̧lȩkwa̧munö wobekwinadöma, yemidanö tji̧lȩkwa̧munö tjemobö jo̧be, ja̧danö tji̧tji̧munö 'yabebö bötjatö, tjeju jawa otidö tjö̧jo, Jesúsnö ösödadönö öpöjödadöma ökwödönö sulabenö yötja̧lapji jö̧ba̧lö.