1 Corintios 7:5 - Dios Iwene

^5-6 Jo̧kwajabetjö̧, kwi̧lȩkwa̧mubedökwö bakobe bakibaduwoböma kwöpöjödaduwa chömöledö. Chömöledö, ökwödötjö ju'wedö tji̧lȩkwa̧munö ju̧kwadöma kwomukwataduwena, jwaikwöda Diosnö abebö chö̧jo jö̧ba̧lö, ö̧tö̧chödanö ja'yubenö lekwe chilekwokwö bakobe babibökönö jwaikwöda Diosnö abeböda chö̧jobö chösöda jö̧ba̧lö kwomukwataduwena. Jejenö ja̧baduwi jö̧ba̧löma wetökö chömöledö, jo̧kwaijayonö jejenö kwösödaduwitjö̧ma, baikwö yötawa. Ökwöbi, kwilekwobi bakobe jejenö ö̧tö̧chödanö bakobe babibökönö Diosnö abebö kwö̧jaduwobö kwösödaduwitjö̧ma, jo̧kwada, kwösödaduwi̧danö ja̧köbena. Jo̧kwaijayonö lekwema kwilekwokwö babibökönö kwö̧jaduwa chömöledö, Awetja sulabenö ja̧köbaduwojobö ja̧iawö̧, sulabenö kwösödaduwi̧danö kwilekwobökujukwö ja̧köbapji jö̧ba̧lö.

1 Corintios 7:5 Iomraidhean Croise

Éxodo 19:15

Ja̧danö, webijetö Israel jojodönö: —Chömöledö, dötölataja mölȩ kwotikwaduwi̧ma kwotikwaduwajabe, ja̧danö kamisi dichöbi kwidicha̧laduwajabe. Ja̧danö, ikena möle, Itekwayi dewachöma ida̧ökö otikwibö kwuju̧kwaduwo. Ja̧danö, babe möle tupakwöma kwilekwamuduwikwöma kwö̧jaduwoko— webijetö Moisésma.

Éxodo 21:10

Ja̧danö, ju'wi wanedö yötawa: Luwo̧ma midö eminokonö iteda ilekwo baibanö eminobe. Ikenama, ju'winö jeluju midö eminokonöbi ilekwo baibanö eminobe. Jejenö jeluju eminajayonö ajayinö eminokonö ina otiwanö kwakwawabi, kamisibi iyobö jo̧be, ka̧achökwökönö. Ja̧danö jelujunö eminajayonö ina ajayinö eminokokwö bakobe baibanö ösödobö jo̧be.

Mateo 19:11

Yötja̧lökwe, Jesúsma atadinobe: —Ja̧ tji̧lȩkwa̧munö emawa Dios yöawi̧ma, okobe deinö jawamaökö, sule tji̧lȩkwa̧munö tjemobö Dios iyinawö̧ jawada. Baikwö yötawa:

Mateo 4:10

Jejenö yöa̧lökwe, Jesúsma atadö weinobe, —¡Döbibaji Awetja! Ökwönö chösödökö. Dios iwenema baikwö laebobe: Kwuluwo̧ Diosnöda ösödi, ja̧danö jo̧ba wei̧da ja̧bö ja̧wi, jö̧ba̧lö laebobe— jö̧ba̧lö atadö weinobe Jesúsma.

1 Corintios 7:4

Jau chömöledö, ilekwonö jo̧ma, itedamaö̧kö̧ iteba'o luwo̧ma, ilekwoda iteba'o luwujuma, jo̧bakwö bakobe bajibo jö̧ba̧lö, ja̧danö jilekwenö ju̧juma, isujudamaökö jiteba'o luwujuma, jilekweda jiteba'o luwo̧ma, jobujukwö bakobe baibo jö̧ba̧lö.

1 Tesalonicenses 3:5

Jau chömöledö, usula kwemawaduwi̧ chöwaisobetjö̧, yetabijatö, Aaa, Awetja sulabenö ja̧tjojobö ja̧ajawö̧, Tesalónica ju̧kwadöma Jesúsnö ösödö dö̧ji̧ katjatibajena, jö̧ba̧lö. Jejenö yetabobetjö̧, tupakwö cho̧'wo̧ 'ditachibökenanö baibenama, Timoteonö wetijatö, Dömöledö Tesalónicanö ju̧kwadö Jesúsnö ösödadönö edaji jö̧ba̧lö. Jejenö wetijatö chömöledö, ökwödö Jesúsnö ösödö kwö̧jaduwi̧ wene chöwaisobö, dotidina waekwinojobö jö̧ba̧lö.