1 Corintios 3:8 - Dios Iwene

⁸ Jau chömöledö, önebiya lödo̧bi, ojwiyo sa̧sa̧bo̧bi bakweminö Dios wei̧ otidadö. Ja̧danö, Dios wei̧ ja̧bö tjotidobetjö̧, bakwo̧nökwena tjotidaja̧ mikwa iyakobe Diosma.

1 Corintios 3:8 Iomraidhean Croise

Proverbios 27:18

Ju'wibi yötawa, wanedö: Higo towi te'ada̧lo̧ma ¿taji emakwo̧da? Jo̧bama higo towinö wa̧ji̧ opobiya 'döbö emo̧, ukwakwa̧ma. Ja̧danö, bakwo̧ tjuluwo̧nö otiwanö te'ada̧lo̧ma ¿dakwö emakwo̧da? Jo̧bama tjuluwo̧ ösödi̧ emakwo̧, bitema ötjönö otiwanö te'ada̧lo̧, jö̧ba̧lö ösödi̧ma.

Daniel 12:3

Waisanö omukwatadöbinadöma, isabenö otiwanö mölejȩ dewinö dejatobedanö tjidejatakwedö, ja̧danö ju'wedö Diosnö tjösödobö pjabatadöbinadöma si̧li̧'idö tjidejatidanö ba̧kwȩlö̧jatebö tjidejatakwedö.

Mateo 16:27

Jau chömöledö, ötjö jojo baibanö jeminökwema, Chabe'do Dios ujulunö chömöayedö ángelesdökwö yemidanö chichocha, ja̧danö jejenö chichenama, lȩbebö chichocha, jojodö ja̧tjaja̧ mikwa baibanö.

Lucas 19:19

Yöawökwe, uluwo̧ma atadinobe: Otiwanö kwotidajabe, jo̧kwajabetjö̧ ökwönö chujunocha, bakwamu jawa comunidad jojodö tjuluwo̧ bakibanö, jö̧ba̧lö.

Romanos 2:6

Isabenö yötawaduwakwö chömöledö, Diosma jweinö yöawakwo̧ jojodö sulabenö ja̧tjinojobö, otiwanö ja̧tjinojobö jö̧ba̧lö.

1 Corintios 15:58

Jejenö jo̧be chösödawö̧ chömöledö, ja̧danö jejenöobetjö̧, 'diinö kwö̧jaduwo, pjolachibökönö. Ja̧danö jwaikwöda Duluwo̧ wei̧ ja̧bö kwö̧jaduwo kwöwaisaduwobetjö̧, Duluwo̧ wei̧ ja̧bö dö̧ji̧ma isabenö mikwa ji̧ jö̧ba̧lö.

1 Corintios 3:14

Ja̧danö, bakwo̧ o̧do la'aka jawa wamenö otidina jawa ubökötjö̧ma, Diosma otidinanö otiwa jawa iyakobe otidina mikwa jö̧ba̧lö.

1 Corintios 3:7

Ja̧danö, önebiya lödo̧bi, ojwiyo sa̧sa̧bo̧bi kwösödaduwoböma mikwawöködö chömöledö, sule pokwobö ja̧binada mikwawo̧ma, Diosda mikwawo̧ma kwösödaduwobö chömöledö.

1 Corintios 3:9

Jau chömöledö, ötjöbi, Apolosbi bakobe Dios wei̧ otidö batjo otikwa jojodödanö ichejekwadösa. Ja̧danö, ökwödö Corintio jojodöma Dios öbatjodanö ichejekwadöja chömöledö. Ja̧danö ju'wi wanedö yötawa chömöledö: Ökwödöma Dios ejudanö ichejekwadöja.

1 Corintios 4:15

Jau chömöledö, ökwödönö ba̧ja̧dadöma ba̧jekwadö tjö̧jena, wanedö yötawa, ba̧jekwadö diez mil jenanö ba̧ja̧dadö ökwödö Cristonö ösödadönö Dios iwene tjöba̧ja̧dena, jo̧kwaijayonö jobadötjö kwabe'dodanöbo̧ma ötjödasa chömöledö. Jau chömöledö, ötjö Pabloda ajayinö otiwa jawa wene ökwödönö yötawinobetjö̧, kwabe'dodanö chichejekwa chömöledö.

1 Corintios 9:7

Baikwö wanedö yötawa chömöledö: Bakwo̧ guardia jojoma, itedada imidokobe ö̧ji̧ jawama, uluwo̧da imidobe, ¿jö̧tö? Ja̧danö, uba batjo otidadöma, tjotidajayutjö uba kwadö, ¿jö̧tö? Ja̧danö, o̧bȩja̧dönö te'ada̧ladöma, o̧bȩja̧dönötjö leche emadö, ¿jö̧tö? Ja̧danö, ökwödöbi yöbawö dotidi̧ mikwa dukwobö jo̧be chömöledö.

Gálatas 6:4

Baikwö ja̧köbaduwo chömöledö: Okobe deinö bakwo̧nökwena kwotidaduwi̧kwena kwedaduwo, otiwojobö, sulojobö jö̧ba̧lö. Ja̧danö otiwitjö̧ma, bakwo̧nökwena kwotidaduwi̧kwena ösödö yöka̧laduwo, chotidi̧ma otiwa jö̧ba̧lö, ju'wedö tjotidi̧ badedö edökönö.

Gálatas 6:5

Jau chömöledö, okobe deinö bakwo̧nökwena dotidawakwena dotidobö jo̧be.

Hebreos 6:10

Chömöledö ja̧ baledakwa̧ma chöwaisa, Dios, jweinö omukwato̧ma, ökwödö otiwanö jo̧banö ösödö kwuju̧kwaduwi̧ omukwato̧obetjö̧. Chömöledö, jo̧banö kwösödaduwi̧ma wajuwanö kwi̧sebaduwobe ju'wedö jo̧ba i̧tji̧mu babibinadönö pjakataduwobetjö̧. Ajayitjö Jesúsnö do̧batö kweminaduwa baikwö kwö̧ja̧wo̧dönö dösölö̧jinö pjakataduwobe, jo̧ba i̧tji̧mu babibinadönöma.

1 Pedro 5:4

Jejenö ja̧bö kwite'ada̧laduwo chömöledö, ja̧danö inesö la'aka te'ada̧lakwawa luwo̧ yemidanö ichenama, ökwödönö inesö otiwaka salöinö bötjawaka iyakobe chömöledö, la'akatjöda salöi̧ tiibököka.

2 Juan 1:8

Jo̧kwaobetjö̧ chö̧ja̧wo̧dö, tjöbeba̧lö̧jönö kwite'ada̧laduwo ökwödö yödawina kakatibaduwapji jö̧ba̧lö, jobadö yötjawi̧ ösödö. Jejenö jelobekwö omukwatö kwi̧'yaduwitjö̧ma Dios ju'winö iyakwa̧, jo̧banö kwo̧'wo̧duwi wana̧lö kwö̧jaduwina mikwa iyakwa̧tjö okobe jwiinö kwemaduwökena. Jo̧kwaobetjö̧ chö̧ja̧wo̧dö, tjöbeba̧lö̧jönö kwite'ada̧laduwo, ju'winö okobe jwiinö Dios otiwi̧ iyakwa̧tjö okobe jwiinö kwemaduwobö.

Apocalipsis 2:23

Ja̧danö, jobuju jömöayedönö, jobuju yöjawi̧ ösödadönöma omönanö ö'wö batjibanö wetakwo̧sa. Ötjöma jobadö tjo̧'wo̧ luwo̧ okwanö tjomukwati̧bi waiso̧sa. Ja̧danö, jobadö ö'wö batjibiawö̧ okobe deinö ötjönö ösödadöma, okobe jwiinö tjö̧baji̧tenia, jweinö tjöwaisachibakobe ötjönöma. Ötjönö jweinö tjöwaisachibakobe, ¡Ayö! Jesúsma jojodö tjo̧'wo̧ luwo̧ okwanö tjomukwati̧bi okobe jwiinö waiso̧, jö̧ba̧lö. Ja̧danö, tjöwaisachibakobe lȩtebakwa̧ma jweinö omukwatö lȩtebakwo̧sa, jojodö bakwo̧nökwena ja̧tjaja̧ mikwama. Jau, jojodö ja̧tji̧ mikwama lȩtebocha, sulabenö omukwatö ja̧badönöma.

Apocalipsis 22:12

Ikenama Jesús yöawijatö ötjönöma: —Lekwökö ötjö yemidanö chichakwa̧ma. Chichenama otiwa jawa chiyakwo̧sa otiwanö ju̧kwadönöma. Ja̧danö, sulabe ja̧badönöma balekwa mikwa lȩbebö ja̧takwo̧sa.