1 Corintios 12:4 - Dios Iwene

⁴ Ja̧danö, baikwö yötawa: Dios iteda i̧tji̧mu ja̧bö tjö̧jo iyi̧ma nöinö jo̧be, jo̧kwaijayonö iyo̧ma bakwo̧da, Dios O̧'wo̧ Luwo̧da.

1 Corintios 12:4 Iomraidhean Croise

Éxodo 31:3

Ja̧danö, ötjö Cho̧'wo Luwo̧ma Bezaleel o̧'wo̧ luwo̧nö pjabatö öibobe, o̧do otikwa jawa jwiinö otiwanö otido̧ baibanö, ja̧danö o̧do okwa jawa otikwabi. Ju'wi jawa, ju'wi jawabi o̧do otikwa jawa okobe jwiinö waisö otiwanö otido̧.

1 Corintios 12:1

Ja̧danö, ju'wibi yötawaduwakwö chömöledö. Dios iteda ömöledönö ja̧bö tjö̧jo jö̧ba̧lö Dios iyi̧ jawa yötawa, ja̧ jawa kwöwaisaduwobö chösödobetjö̧.

1 Corintios 12:28

Ja̧danö, okobe deinö iteda ömöledö, Cristo iteba'obedönö otidö ujuninobe Diosma, baikwö yötawa: Abönö Jesús webawedönö ujuninobe, ikenama Dios yöawi̧ yöbawadönö ujuninobe, ikenama Jesúsnö ösödadönö ba̧ja̧dadönö ujuninobe, ikenama jojodö edajitjökö jawa ja̧badönö ujuninobe. Ikenama jojodö tjö'wöchi̧ otidö lobadönöbi, ja̧danö jojodönö pjabatadönöbi, ja̧danö luwedö baibanö otidadönöbi, ja̧danö ju'wedö tjiwenenö yöba̧ladönöbi ujuninobe.

1 Corintios 12:5

Ja̧danö, bakwo̧nökwena böjȩnö ja̧nö wainökwena dotidobe, jo̧kwaijayonö Duluwo̧ma bakwo̧da.

1 Corintios 7:7

Ötjö chedemi, okobe deinö ötjödanö tji̧lȩkwa̧mu debadö tjö̧jitjö̧ma, chösödo jö̧ta̧lena. Jo̧kwaijayonö Diosma bakwo̧nökwena wainökwena iyo̧ ökwödönöma chömöledö. Ju'wedönö tji̧lȩkwa̧mu deinö emökönö tjö̧jo jö̧ba̧lö iyo̧, ja̧danö ju'wedönö tji̧lȩkwa̧munö emö tjö̧jo jö̧ba̧lö iyo̧ chömöledö.

Efesios 4:11

Chömöledö, jo̧bama, mölejȩbe kabekwajinama, damötjö Dios iwenenö iwȩyudinökwe. Jo̧ba iwȩyudinökwe iyabinadanö, otiwa jawa iyabijetö. ¿Dakwö yöawobeda, otiwa jawa iyabijetö, jö̧ba̧löma? Biya̧ chömöledö: Cristoma jo̧banö ösödadönöma bakwo̧nökwena wainökwena jelo̧nö ju'wi, jelo̧nö ju'wi, tjo̧'wo̧ luwo̧ jawa tjotidawakwena iyabinobe, jojodönö pjabatö, Dios wei̧ tjotidobö. Jo̧banö ösödadötjö ju'wedönöma 'da̧batö ujuninobe iteda weawö̧ batjibinö ja̧bö. Ja̧danö, ju'wedönö 'da̧batö ujuninobe Dios iwene yötjawobö Jesúsnö ösödadönö. Ja̧danö, ju'wedönö ji̧bakwawa wene yötjawobö 'da̧batö ujuninobe. Ja̧danö, ju'wedönö Jesúsnö ösödadönö tjite'ada̧loböbi, tjöba̧ja̧doböbi 'da̧batö ujuninobe Cristoma.

Hebreos 2:4

Ja̧danö, Diosma iteda ujulu i̧sebinobe jobadönötjö jojodö tjöwaisachibobö, Bidö yötjawi̧ma isabenö ji̧ jawa wene, jö̧ba̧lö. Yelösöda jojodö la'akatjöda edajitjökö jawabi i̧sebinobe Diosma, iteda ujulu, jobadö Jesús yöawina yöbawadö yötjawonö. Isabenö, Jesús yöawina yötjawonö Diosma iteda ujulu i̧sebinobe, ju'wi jawabi, ju'wi jawabi i̧sebö, iteda jwiinö ujuluma, jobadö yöbawadönötjö. Ja̧danö, Diosma jobadö Jesús yöawina yöbawadönöma iteda O̧'wo̧ Luwo̧ ujulutjö iyabinobe jobadö yöbawadönö, bakwo̧nökwena jojodönö pjatjatobö. Ja̧danö, okobe jwiinö Dios iteda ujulu i̧sebi̧ma iteda ösödi̧danöda baledinobe jojodö tjöwaisachibobö, Bidö yötjawi̧ma isabenö ji̧ wene, jö̧ba̧lö. Chömöledö, Diosma iteda ujulu i̧sebobetjö̧, Jesús yöawina isabenö ji̧ wene, jö̧ba̧lö, Jesús yöawina tjöbeba̧lö̧jönö omukwatö di̧'yobö jo̧be. Jo̧ba yöawina wenema jwiinö otiwa jawa wene, dö̧jibinö pjaati̧ wene. Jo̧kwaobetjö̧ ja̧ yöawinama, do̧'wo̧ luwo̧ okwanö do̧tjati̧danö do̧batö di̧'yobö jo̧be jelobekwö omukwatö di̧'yapji jö̧ba̧lö, Jesús yöawina öpöjödö. Chömöledö jelobekwö omukwatö 'ya̧dönöma, Dios lȩebakwawö̧.

1 Pedro 4:10

Diosma ökwödönö bakwo̧nökwena ja̧bö kwö̧jaduwobö iyinobe chömöledö, ¿jö̧tö? Jau chömöledö, ökwödönö bakwo̧nökwena iyinobe, jo̧kwajabetjö̧ ja̧ iyina jweinö omukwatö, ja̧bö kwö̧jaduwobö iyinadanö kwömöledöduwinö pjabatakwawö kwö̧jaduwo.