1 Corintios 10:5 - Dios Iwene

⁵ Jo̧kwaijayonö, okobe deinö jejenö bakobe tjöbaledinajayonö, jobadötjö ba̧jekwadönö ödameakwinobe Diosma chömöledö. Ja̧danö, jojodö deobetjö Diosma jobadönö kwabö loinobe.

1 Corintios 10:5 Iomraidhean Croise

Deuteronomio 2:14

Ja̧danö, Cades Barneatjö ladebinelö, Zered ojwe pedibenanö baibanö, treinta y ocho o̧biya baledinobe. Ojwe pedibakwa̧ abönö, lekwe möle kwebachö dö̧jijatö, okobe deinö ökwödö israel jojodötjö ajayinö ji̧nadö ölakwabikwawa jojodöma debö tji̧'yenanö kabatö. Ja̧ debö tji̧'yi̧ma, canaan niji tetjachobö tjöpöjödiökwe Isabenö Jo̧ ajayinö jobadönö yöbawö ujuninadanö badekwachinobe, –Yötawi̧ tjöpöjödobetjö̧, okobe deinö chiyakwa̧ niji tebachökönö debö tji̧'yakwedö, –jö̧ba̧lö yöbawö ujuninadanö.

Hebreos 3:17

Ja̧danö, Dios cuarenta o̧biya baledinö ölabinawö̧ma ¿ju'wedö, Diosnö wajwibinadöji̧? Jobadöda chömöledö. Diosnö waisinadö. Tjöwaisijayonö tjomajadenö Dios yöawi̧ öpöjödö tjö̧jinobe, sulabenö omukwatö. Jobadöda, jojodö deelö wobinadöma.

Judas 1:5

Isabenö Duluwo̧ lȩebakwawö̧ jobadönö chömöledö, damötjö sulabedönö lȩebinadanö. Jau chömöledö, ida̧ökö kwöwaisaduwijayonö, yayonö yemidanö kwomukwatibaduwobö yötawaduwakwö damötjö baledina jawa, baikwö: Damötjö Duluwo̧ma okobe deinö Israel jojodönö tjö̧jibinö pjaatinobe, Egipto nijitjö latjebobö, ¿jö̧tö? Ja̧danö, ajayinö Egipto nijitjö latjebobö pjaatinajayonö, jemi ikenama jobadö pjaatinajawö̧tjö yöawi̧ öpöjödadönö söbebö loinobe, ¿jö̧tö?